Odeyi 23:12 - IWE ỌNỊNỊ

¹² Ẹnẹnẹ eyinẹhẹ anị, Aniju ẹnyị ê gẹ eyi, di e hị́ eku ka ẹnị ẹyị vaa rị, eni eyi re vee hú, àyị vị ẹnị wụ Ịpọọrụ.

Odeyi 23:12 Referans Kwoze

Odeyi 23:30

Ma rẹ va wụ́ ka Aniju ẹnyị aa gẹ eyi anị, dị mị ka ma wụsẹ sị ọọ va wụ nị. Mâ kà a yị aza ana zaa, ka ẹ̀ vaa kà a ọ́vịdị awụ ịrẹyị ẹnẹẹ sị zaa.”

Odeyi 23:21

Ẹ̀ẹ vẹ, asị ụ zẹẹ wa, agụvị ka aza ẹnyị, ê huna ẹbẹẹva, ẹ vaa tẹ ózee zí Ịpọọrụ. Ẹ sị eku hị́ ka ẹnị ẹyị vaa rị, eni eyi re vee hú, àyị vị ẹnị wụ Ịpọọrụ. Ẹ sị ẹngụ tenyi booro aanị, vi e kuku ee zí ịsụ wàa vaa kà nị.”

Odeyi 23:14

Dị ẹ vẹ ịda ohirẹsụ ẹbanyị irehi Ohomorihi ọnịrị azọkụ nịnị, dị ẹ ka, “Ya sị eku ọbanyị hị́ ka àyị vị ị wụ Ịpọọrụ, yẹ yị vaa rị ịsa.

Ahẹ Ụgama 31:13

Maa wụ́ aza ọrụrụ-ọrụrụ mèe cheechee kú mị dị ẹnịnị ee chire mi angwa eyi ụvọnị-ụvọnị ẹ yaa gẹ eyi amị ka ẹnị ẹ̀ dọ mị ụhwẹ.

Odeyi 25:3

ka ọ̀ mẹ̀ ịsa ọnya yị ẹnị nị. Ẹ ka ọ̀ tụ́ Ịpọọrụ óze.

Ijeremaya 11:19

Ama ọnị vị ana sị mẹẹ anka ozi atẹmẹ ana a sị ka à na wụ avọọ. Ọnị ẹ yị yẹ ka ọnị ẹ yaa geyi anị nị. Ẹ yaa kà a ka: à jẹẹ ẹnị du ọchị ọnọnị ha beri ẹtụtụ anị à jẹẹ ẹnị ẹ wụ ọ dị asị a kụkụ tamayị ịrẹha anị.

Imatiwu 26:4

Dị ẹ gẹ eyi ka ẹnị èe weree za Ijeesu, dị ẹnị ẹ̀ wụ ọọ nị.

2 Ohinọyị 6:31

Di ohinọyị ka, àa vị ka, dị ẹtẹ ò hozi ajịnị ọnị ẹ yị rẹ vaa jị Erisa ozi Isahwati ịrẹsụ, Ohomorihi ọ̀ wụ ọnị ụvọta.

Anigaratiya 3:13

Ama Ikirisiti ọ́ọ dọ yị há hụụnị ịvị ọnị ọda ka yáa rị. Ikirisiti ọ raà dọ ụya ayị rị, ọ mẹ̀ sị ịvị ọnọọ yị ẹngụ anị, anka Íwe Ohomorihi mẹ̀ kà a ka, “Ọza ana àa sị gẹ ọchị, ọ sị ịvị rị ini eyi Ohomorihi.”

1 Anịkọrịntị 16:22

Ọza ene èe yi sì ịrẹyị Ananyị yị, o du oo kù. “Marana ta”, ọnị ọ vị ka, Ananyị yị, waa vẹ.

1 Ohinọyị 19:2

Di Ijezebẹrị va tù ozi ịda anị ka ọ̀ na kà a yi Erija kà, “Ụmẹ aanị ụhwọọ, àa vị ka mẹ yị sị wụ̀ wụ anka ẹwụ mẹ̀ rẹ wụ ọnịsẹ Ịbaarị ẹnẹẹ, mẹ̀ yị vavọọ wụ, asị ori nịnị zẹẹ ka ò zoza mị.”

1 Ịsamụwẹrị 14:24

Ịhị ọnọọ dị Ịsọọrụ ka, “ọza ana àa nyayịnẹ rị ịsa ajịnị di oruva ò tụ̀ o du ọza ọnọọ kù. À yị vị mị sị ọnịvị amị atọ, asị a nyị ọza ana rị ịsa” avọọ ụngwẹ ọ raà mẹ ka ọ̀ ngụ Anisirẹrị nịnị ẹngụ ẹtẹẹtẹrẹ agụvị ka ẹ yị nyị ọza ana sị irenu kanyị ịsa.

Imatiwu 27:25

Dị avaba ẹnịnị tụ́ ohi, dị ẹ ka, “Naavọ, ịvị isu anị ọ̀ọ yà ịnị ịrẹsụ ayị ọnịrị ịrẹsụ ezi eyi!”

Imatiwu 26:74

Dị Ipita kwẹẹtẹ, di ee chìi hi ẹngụ anị, dị aa hyeku nị, dị ọ ka, “Mẹ yị yẹ ọza ọnọọ!” Kẹnẹ, dị ụkọkọrọ nowu nị.

Inehemaya 10:29

ẹnịrị ọdọvịdị ẹnịnị ệ hị́ eku, dị é chì hi ọza ana àa sị ahụ jịnẹ eku ẹnẹ ẹ hị́ ka ẹnị vaa saasa ọda oni Ohomorihi sị tụ Imosiisi ana vị ozi ahụ anị hi ẹnị. Ẹ ka ẹnị vaa saasa avaba ịsa ọnị Ẹnẹyịmavara mẹ ọda anị yị ẹnị. Ẹnị vaa sị ụvọọ za avaba ọda ọnị ido anị.

Ijosuwa 7:15

Ọza tụra ọza ana aa sị hụụnị ịsa ana jị ido anị ka asị a sị vị ana rị ịra beri ogu ọnọọ ọnịrị avaba anovwoovu anị. Àa vavọọ a mẹ agụvị ka ẹngụ ọza ọnọọ vị ana mẹ̀ ụhị Anisirẹrị nịnị, dị ọ va jịnẹ ịsị a ka tịtẹ.

Ijosuwa 6:26

Ụmẹ ọnọọ Ijosuwa chi hi wa dị ọ ka, asị Ẹnẹyịmavara vana zẹ ka o zoza yị ọza tụra ọza ana vana kwẹẹtẹ ka ọnị a tenyi Ijeriko da nị. Ozi ọzọkụ ọza ọnọọ ọ va sị ka ẹtẹ, dị ọ sị ozi ọdịrẹma anị vu ịrẹsụ nị.

Ireevi 27:29

Àa daka vị ọzarẹyịrẹsụ á vavọọ hụrẹ ụvọ yị Ẹnẹyịmavara kà à wụ̀ ọ nị, ọza ẹ́ yị kụkụ vaa hị́ ọọ varẹma; vị́ a vaa wụ̀ ọ nị.

Ijosuwa 7:1

Ẹnẹyịmavara ộ vịdị kà a ka avaba ogu Anijeriko vị ene ve du ha bemi-bemi. Â nyị ọnọrụ ọnya aanị, ọnị ịrẹha anị rị Ekaanị ana vị ozi Ikami. Aazị Izabidi ọ vị nị, dị ọ vị ẹmazị Ịzẹra hụụnị obooro Ijuda nị. Dị Ekaanị na sị hụụnị ịsa ana za ido anị yị wa nị. Agụvị avọọ dị Ẹnẹyịmavara du ayị ẹtẹẹtẹrẹ hị́ Anisirẹrị nịnị nị.

Oyinyima 37:18

Dị ẹnẹbẹnị anị nịnị re e ka aa vẹ ẹ́nẹẹnẹ nị. Ijosẹẹhụ ộ yị gụrị wa, dị ẹ wụsẹ gẹ eyi ka ẹnị aa wụ̀ ọ nị.

Ijeremaya 44:25

Ẹnẹyịmavara Ochẹtẹẹngụ, Ohomorihi Anisirẹrị nịnị ka, ẹwụrị ose ewu nịnị ọ sị eku hị́ ka, ụ vaa mẹ ịsọvọọ hị́ ori ọnị ụ ka ộ vị ohinọyị anyẹnẹẹ tụ ẹbẹẹba nịnị. Ịzẹyịza dị waa mẹ̀ ẹ nịnị nị. Oo zoza kẹ, ka tụ ọvịdị wa naa mẹ ịsị ọnị ụ hị́ eku ka ụ vaa mẹ̀ nịnị o.

Odeyi 9:23

Ịjị ọ sị mẹ ẹkụhị chee para hu, dị Aniju nịnị gẹ eyi ka ẹnị ẹ̀ wụ ọ nị.

Odeyi 9:24

Ama a sị ọọ kà yị Ịsọọrụ ịsị eyee sì ka ẹnị ẹ̀ mẹ. Dị Aniju nịnị kuku ee sere oze ana hụụnị ẹkụra na jịnẹ ọọdụ ọnịrị ịrahụ, agụvị è re oze wụ ọọ nị.

Odeyi 23:13

Ẹnị ana vavọọ gẹ eyi ée huna ẹbẹẹva.

2 Anịkọrịntị 11:26

Ịnị ụsẹ ọnị yaa zịịzị, ịjị ẹnyị enyi ka ọnị ọ̀ kụ́ yị, ịjị ẹnyị oyi dụ yị. Dị anda ayị ẹnịrị Anigiriki aa mẹ ayị hụrẹ ẹmị ịnẹ. Màa yà ịnị ẹkụra, màa yà ịnị avị, angwahi ọ vị nị. Oku vị ayịhụrịnẹ ọta onireche nịnị vị ayịhụrịnẹ.

1 Anịtẹsaronika 2:16

Ẹ yị hyakụ zẹẹ ka ya kà ịrẹyị Ohomorihi yị aza ẹnẹ ẹ yị vị Aniju, ana zụ mẹ ka ẹ̀ zụ há. Ẹnịnị ẹ sị ịvị za ịrẹsụ. Ẹ mẹ̀ vavọọ mẹẹ pooro, ọyịkụ Ohomorihi ọ zị vẹ ịrẹsụ ẹnịnị.

Ẹsịta 2:22

Ịjị Imodekaya wụ́ ọ, dị ọ kà a yị Ẹsịta ose ohinọyị nị. Ẹsịta ộ kà a yị ohinọyị ịsị Imodekaya kà yọ.