Odeyi 23:11 - IWE ỌNỊNỊ

¹¹ Ịrahụ ịhị ọnọọ, dị Ananyị yị va jẹẹ pe Ịpọọrụ, dị ọ ka, “Ngwara eyi hi! Ụ mẹ̀ kà ịrẹyị amị Íjerusarẹmị aanị, â nyị ka wa rẹ dọ ivenu amị Íroomi.”

Odeyi 23:11 Referans Kwoze

Odeyi 19:21

Ịrẹma ịsa ẹnẹnị, dị Ịpọọrụ ro o tụ́ ịnị ayị anị ka, ọnị ọ̀ọ raà zị oze Imasedoniya ọnịrị Akaya na para hu, ọnị raa nọ Ijerusarẹmị nị. Dị ọ ka, “Màa raà nọ ịzọọ, â nyị ka ma rẹ nọ Iroomi bẹẹ.”

Odeyi 18:9

Ịrahụ ẹkụhị ọnya, Ịpọọrụ ô re ẹtẹ, dị Ananyị yị kà ịrẹyịị yọ nị. Dị ọ ka, “Asị u hí angwa, wa yịị kà enube ọyịza! Asị ụ hụrẹ ụvọ,

2 Itimoti 4:17

Ama Ananyị yị ộ jẹẹ pe mi, dị ọ sị ụkata mị ka ma zụ kà enube ọyịza ẹtẹẹtẹrẹ, dị avaba aza ẹnẹ ẹ̀ yị vị Aniju ẹ̀ zụ wụ́ nị. Ohomorihi ộ dọ mị hụrị irenu idu.

Imatiwu 14:27

Dị Ijeesu wụsẹ kà ịrẹyị yị wa nị, dị ọ ka, “Và ayị nẹtẹ nịnị! Ẹmịị yọ nị, asị u hí angwa nịnị!”

Anihwiripi 1:13

Booro aanị avaba aza ene hi ịdị ohinọyị ọnịrị aza ana vọ ẹ sị yẹ ka agụvị ịrẹyị Ikirisiti mị yà ịnị ẹngwa nị ịzẹnị nị.

Ayịsaya 41:10

Asị ụ hi angwa ka ọnị ya pe wụ nịnị! Ọnị ọ vị Ohomorihi awụ nịnị, asị ụ hi angwa. Ọnị vaa sị ụkata yị wụ nịnị, dị ọnị gụ wụ nịnị ụvọ, Ọnị vee sere wụ, dị ọnị dọ wụ ha.

Imatiwu 9:2

Aza ẹnyị ê chema oswẹngụ ọnya ká a vẹ ana hụtụ ini odooro. Íjeesu mè re ka ệ sị ayị tụra ọnị, dị ọ kà a yị oswẹngụ ọnọọ ka, “Ozi emi, ngwara eyi hi, ma raa vagu wu ịnị ịvị awụ.”

Ayịsaya 43:2

Wàa ngụ enyi ana nyị ịnẹ, mị vaa yàa pe wu; Akanya awụ ẹ yị vee huna awụ. Wàa ngụ ịraa parahu, ọ yị vaa rị wụ;

Ayịsaya 41:14

Ẹnẹyịmavara kà; Isirẹrị ọ̀ọ daka weyi, dị ọ vị ọkụmị nị, asị ọ hụrẹ ayịnẹ ka ọnị vaa gụ ọ ụvọ. Ọnị ana vị Ohomorihi ọnịnị Isirẹrị ọ vaa dọ ọ ha nị.

Odeyi 22:18

Di mi re Ananyị yị, dị ọ kà a mị ka maa wụsẹ hụrẹ Ijerusarẹmị buru-buru, agụvị ka ivenu anị ọnị màa dọ, ẹnịnị ẹyị vaa dọ ọ wụ́.

Odeyi 20:22

Booro aanị maa nọ Ijerusarẹmị, agụvị ka Ụhwẹ Ọnịnị ka â nyị ka ma na. Ama mẹyị yẹ ịsị ẹ vaa mẹ mị ịzọọ.

Odeyi 2:25

Idevidi ộ vịdị kà a ini oze Ijeesu ka: “Mee re Ohomorihi Ananyị yị ọ́vịdị amị ụpọsa-ụpọsa; ọ yà eyi ụvọrị amị, ẹ yị nyị ịsị ẹ zụ mẹ mị.

Ịjọọnụ 16:33

Maa kà ịsa ẹnẹnịị wụ nịnị, agụvị dị ẹmịrị ẹwụ nịnị ọ̀ zụ vị ọnya, dị ụ wa nyị ẹngwọọrọ nịnị. Ụ vaa rị ụya nịnị ẹtẹẹtẹrẹ ịnị ẹhẹ, ama ngwara eyi hi nịnị, agụvị ka ma sị ẹbẹẹba ẹhẹ nyị!”

Ịjọọnụ 14:18

Mẹ yị vaa navọ wụ nịnị kẹnẹ anka ozi oku avọọ. Mị vaa vaavẹ ịdị awụ nịnị.

Imatiwu 28:20

Sị zụ̀ wa nịnị ka ẹ̀ẹ saasa avaba ịsa ọnị mị mẹ ọda anịị wụ nịnị! Tamayị, mị vaa yàa pe wu nịnị ịnị avaba ụmẹ pooro ne tù ọdịrẹma ẹhẹ.”

Ayịsaya 46:10

Hụrẹ oyinyima mịị̄ kà a ịsẹ ẹ vaa mẹ nị. Hụrẹ ụmọrụmọ mị kà a ịsị ẹ vaa mẹ nị. Mị ka, ịsị mị ka ọ vaa mẹ, vaa mẹ. Mị vaa mẹ ịsị mi sì ka maa mẹ̀.

Ahẹ Ụgama 109:31

Ọnị ọọ̄ gụ oniruwa ụvọ nị, dị ọ dọ ọ tụ́ hụụnị ụvọ aza ana aa jị ịvịị yọ.

Iruuku 16:28

Agụvị ka mâ nyị ẹyịnyara ẹẹhị, ọ̀ na kà wa ọnọ, agụvị asị ẹ vẹ aha ụyọrị ọnị mị yà aanị!’

Odeyi 22:15

Ẹwa vaa vị onivenu anịị yị avaba aza ini oze isu u re ọnịrị ịsụ ụ wụ́ nị.

1 Anịkọrịntị 9:1

Ẹ yị nyị ịsị ẹ za mị ka asị mị mẹ̀ ịsa ene zé mi eyi. Ụ wáá ka wẹ yị yẹ nịnị ka ezirẹma Ijeesu mị vị nị? Mâ sị eyi amị ọnọnị re Ijeesu Ananyị yị. Ẹwụ nịnị ụvọta vị ụkọrọ ụvọ amị ọnị maa mẹẹ yị Ananyị yị.