Odeyi 22:7 - IWE ỌNỊNỊ

⁷ Dị mị hyẹdụ nya ẹtẹ nị. Dị mị wụ́ ọngwẹ ọnya, dị ọ kà a mị ka: ‘Ịsọọrụ, Ịsọọrụ! Sị ẹ vẹ dị waa sị ụyaa rị mị?’

Odeyi 22:7 Referans Kwoze

Ijeremaya 2:9

Ẹnẹyịmavara kà agụvị avọọ, ọnị vee pe aza anị ọnịrị evere ẹnịnị zyaazị.

Imatiwu 25:45

Ịjọnọọ dị Ohinọyị tụ́ wa ohi ka: ‘Ịzẹyịza mị kà wụ nịnị nị, ụ wẹ̀ yị mẹ mẹ̀ ẹ yị ene weyi hu ịnị aza ẹnẹnị aanị, ẹmị ụ wẹ̀ yị rẹ mẹ̀ ẹ yị nịnị avọọ nị.’

1 Itimoti 1:13

Ịyẹẹyẹ vị ọnị mịị̄ vịdịị kà ịrẹyị odivii hi ọọ, dị maa sị ụyaa rị ọọ, dị mị raa kụ̀ ọọ ụhụ nị. Ama Ohomorihi ọ va vayị amị, agụvị ka ịnị ịyẹẹyẹ ọnọọ, eyi amị oyi vịdị hweyi, mẹ yị rẹ nyị ẹdọwụ.

Ijeremaya 2:5

Ẹnẹyịmavara kà: Sị ẹ vị akụvị anị ọnị ohiku awụ nịnị re ẹnẹ ẹnịnị sị re ọnị zwe? Ẹnịnị ẹ naa hẹkẹ ịsa kẹnẹ-kẹnẹ, dị ẹnị ụvọta ẹnị rẹ kụkụ vị aza kẹnẹ-kẹnẹ nị.

1 Ịsamụwẹrị 3:10

Dị Ẹnẹyịmavara rẹ vẹ anka ọ mẹ̀ vịdịị vẹ, dị ọ jẹẹ dị ọ rẹ vavọọ hị́ Ịsamụwẹrị dị ọ ka, “Ịsamụwẹrị! Ịsamụwẹrị!” Di Ịsamụwẹrị kà, “Nda, wa kà ịrẹyị awụ ka ozida awụ aa wụ́.”

Ọyịkụra 3:4

Ẹnẹyịmavara mè re ka Imosiisi aa kà a pè e ka oni ò ne re e, dị ọ vana yà ịnị ọchị ọnọọ dị ọ hị́ ọ nị. Dị ọ ka, “Imosiisi, Imosiisi!” Di Imosiisi ka hèé nị.

Oyinyima 22:11

Ama di anggẹẹrị Ẹnẹyịmavara vana yà ẹbẹẹba dị ọ hị́ Abụrahamị dị ọ ka, “Abụrahamị, Abụrahamị.” Di Abụrahamị ka, “Hèé, ụ mẹ ka?”

Oyinyima 22:1

Ộ dà kù che ẹnị ẹ maanị hị́ eku yị ẹngụ, di Ohomorihi va zama Abụrahamị re ịnị ụmẹ ọnya nị. Di Ohomorihi hị́ Abụrahamị, di Abụrahamị ka, “Hèé, ụmẹ ka.”

Oyinyima 16:8

Di Anggẹẹrị ọnọọ ka, “Ihaga ozi ahụ Isarayi, ịzị ụ hụrẹ aa vẹ? Ịzị waa nọ?” Di Ihaga ka, “Ịdị onyirehi amị Isarayi ọnị zwe hụrẹ nị.”

Oyinyima 3:9

Di Ẹnẹyịmavara Ohomorihi hị́ ọnọrụ ọnọọ dị ọ ka, “Ịzị ụ yà nịnị?”

Imatiwu 27:23

Dị Ipayireti rẹ ka, “Sị ẹ vẹ? Sị ẹ vị ịsa odivi ọnọọ mẹ?” Dị e re nowu hu avọọ, dị ẹ ka, “Kanyị ọọ za apavahị!”

Odeyi 9:4

Dị ọ hyẹdụ nya ẹtẹ, dị ọ wụ́ ọngwẹ ana kà a yọ ka, “Ịsọọrụ, Ịsọọrụ, sị ẹ vẹ dị ụ waa sị ụyaa rị mị?”

Odeyi 22:6

“Ẹkụhị ọnya, m màa nọ Ịdamasịkọsị, maa vaa ngụ ịzọọ ịnị ụmẹ ọọdụ, dị ẹtẹ vene wuse hweyi hụrẹ ẹbẹẹba vẹ, dị ọ kara mị nị.

Odeyi 22:8

Di mi tụ́ ohi ka: ‘Ẹwụ, ẹnẹ ọ vị kẹ, Ananyị yị?’ Dị ọ ka: ‘Ẹma vị Ijeesu Anịnazarẹtị ọnị ụ waa sị ụyaa rị nị.’