Odeyi 22:25 - IWE ỌNỊNỊ

²⁵ Ẹ mẹ̀ sị Ịpọọrụ sụ́ orupa ka eni è ve tụ́ ọọ, dị Ịpọọrụ kà a yị ọga isoja nịnị ẹchẹhị ana jẹẹ ịzọọ, dị ọ ka, “Áá vọrọ ka è tụ́ Aniroomi ịjapa, ịrẹma ọnị ọza ọọ̀yị hyakụ sì iruvo ịrẹyị anị?”

Odeyi 22:25 Referans Kwoze

Odeyi 16:37

Dị Ịpọọrụ kà a yị wa ka, “Ẹ yị nyị ịsị ẹ kà a ka yâ rị ịvị anị. Ama dị ẹ yị za yị, di e tụ́ yi ịjapa ịnị orere nị, ẹyị ana vị Aniroomi. Dị ẹ kụ́ yị và hi ịnị ẹngwa nị. Á yị di eyee sì ka eni è were kụ́ yị jịnẹ!”

Odeyi 25:16

Dị mị kà a yị wa ka Aniroomi ọ mā kà a ka à na wụ̀ ọza ana àa za, ẹ̀ yị vị ọnịrị ọza ana zaa maanị ee re ẹngụ eyi gẹrị eyi, dị ẹ̀ kụ́ ịrẹka. Ịjọnọọ di ò re oze kụ́ irenu anị ini oze ịrẹyị ana àa ka ộ mẹ̀.

Odeyi 27:43

Ama ọga isoja nịnị ọnọọ oyi sì ka à wụ Ịpọọrụ, dị ọ ka asị ẹ vavọọ mẹ nị. Dị ọ ka aza ana àa zụ họ̀ enyi, è vịdị ji ngụ enyi, dị ẹ̀ na ngụ ini eteesu nị.

Odeyi 23:17

Dị Ịpọọrụ hị́ ọnya ịnị ọga isoja nịnị ẹchẹhị ana yà ịzọọ, dị ọ ka, “Sị ozi ọnọrụ ọnọnị ne tù ọga awụ nịnị ka â nyị ịsị ee sì ka ọnị ọ̀ kà zụ̀ ọọ!”

Odeyi 27:3

Eyinẹhẹ anị, ya na sị ngụ Ịsịdọnị. Ijuriyọsị, ộ ngụ ayị Ịpọọrụ, dị ọ sị oze yọ ka ò ne hee ọta anị, dị ẹ̀ zụ sị ịsa yọ nị.

Odeyi 27:1

A mẹ̀ sị ọọ kà ka ya ngụ ẹpa, dị ya nọ Itari, â sị Ịpọọrụ ọnịrị anịnẹngwa ẹnyị chire ọga isoja nịnị ẹchẹhị ana aā hị́ Ijuriyọsị ụvọ. Ijuriyọsị vị ọnya ini isoja nịnị Ọgọsịtọsị.

Odeyi 10:1

 nyị ọnọrụ ọnya aanị ẹkụra Isesariya ana aā hị́ Ịkọnẹrịyọsị. Ọga isoja ẹchẹhị nịnị ọ vị nị. Ini isoja nịnị Aniroomi ẹ yà nị.

Imatiwu 27:54

Ọga isoja ẹchẹhị nịnị ọnịrị isoja nịnị ana yà pe e ene ee sere Ijeesu, ê re, ẹ́tẹ mè henyi ọnịrị avaba ịsa ana mẹ. Angwa ô hí wa, dị ẹ ka, “Ịzẹyịza, ọnọrụ ọnọnị vị Ozi Ohomorihi o!”

Imatiwu 8:8

Dị ọga isoja nịnị ọnọọ tụ́ ohi, dị ọ ka, “Mẹ yị yà ọza anaa vọrọ ka wa ngụ ini eehi anị. Mị mẹ ọda kẹnẹ, ka ẹngụ ozi ahụ amị vaa ta.

Imatiwu 10:17

Ama sị eyi pe ẹngụ awụ nịnị, oo! Â nyị aza ana vaa za wụ nịnịị nọ ikootu. E re vee tụ́ wu nịnị ịjapa ini irehi ahẹkẹ Aniju ẹnịnị.

Odeyi 22:26

Ịjị ọga ọnọọ maanị wụ́, dị ọ na kà a yị ọga ọbanyị ọnọọ, dị ọ ka, “Sị eyi pe ẹngụ awụ ịnị ịsụ waa mẹ aanị, oo, agụvị ka Aniroomi ọ́nọrụ ọnọọ vị nị.”

Odeyi 23:27

Aniju nịnị ệ za ọnọrụ ọnọnị, di eyee sì ka ẹnị ẹ̀ wụ ọọ nị. Mâ wụ́ ka Aniroomi ọ vị nị, dị ẹmịrị isoja nịnị amị va zị nọ ịzọọ, dị ị na dọ ọ hụrẹ wa ụvọ nị.