Odeyi 22:21 - IWE ỌNỊNỊ

²¹ Dị Ananyị yị ka maa na, ka vị ọnị aa tụ́ mị huuu nọ ịda Anigiriki nịnị nị.”

Odeyi 22:21 Referans Kwoze

Odeyi 9:15

Dị Ananyị yị kà a yọ ka, “Na! Agụvị ka ma sị ọọ nyị ka ọọ mẹ ụkọrọọ mị, dị ọ̀ na kà ịrẹyị amị yị Anigiriki ọnịrị ohinọyị nịnị ne beri Anisirẹrị nịnị.

1 Itimoti 2:7

Agụvị avọọ Óhomorihi nyị mị ka ma vị odeyi, dị maa kà enube ọyịzaa yị aza nị. Dị ma rẹẹ sịị zụ̀ anẹhẹ ka ẹ̀ sị ayị tụra Ohomorihi, dị ẹ̀ rẹẹ mẹ ịzẹyịza. Me yi cheeche, ịzẹyịza m maa kà nị.

Aniroomi 15:16

ka ma vị ozi ahụ Ijeesu Ikirisiti dị maa nọ ịda Anigiriki. Maa naa mẹ̀ ụkọrọ anka ohirẹsụ irehi Ohomorihi avọọ, m màa kà enube ọyịza Ohomorihi. Mị vavọọ aa mẹ, agụvị aza ẹnẹẹ ẹ̀ zụ yà anka ịsa ene zé Ohomorihi eyi. Ụhwẹ Ọnịnị ộ vara a ọnịnịị yọ.

Aniroomi 11:13

Ẹwụ nịnị ẹnẹ ẹ̀yị vị Aniju mị kụkụ aa kà ịrẹyịị yị booro aanị nị. Ẹma vị odeyi ana aa mẹ̀ ụkọrọ ị́da Anigiriki nị. Udi amị ọnọọ vị ọnị mị nyayịnẹ sị ụbanyị yị.

2 Itimoti 1:11

Agụvị enube ọyịza ọnọọ Óhomorihi nyị mị ka ma vị odeyi, dị maa kà a, dị ma rẹ sịị zụ̀ aza nị.

Aniroomi 16:26

Ama booro aanị a raà sị tụ́ ẹhẹ. Ọnịsẹ nịnị ệ vịdị chẹrẹ ịsa tịtẹ ini oze anị. Anka Óhomorihi ana yà ịzọọ pooro zịna-zịna mẹ̀ mẹ ọda, a raà kà a ngụ avaba ẹhẹ zị, agụvị avaba aza ẹ̀ zụ dọ wụ́, dị ẹ̀ẹ ká ịrẹsụụ hi yị Ohomorihi.

Aniroomi 1:5

Ikirisiti ô nyị mi iyi ka ma vị ozirẹma anị, dị ma zụ sị oze zụ̀ avaba anẹhẹ ka ẹ̀ sị ayị tụra a, dị ẹ̀ rẹẹ wụ́ ịrẹyị chire Ohomorihi. Mi vavọọ aa mẹ agụvị ịrẹha anị.

Odeyi 18:6

Ịjị ẹnịnị kwẹẹtẹ tù Ịpọọrụ, dị ẹyaa kụ̀ ọọ ụhụ, dị ọ bànyị awuru hi wa, dị ọ ka, “Wèe kuku vú nịnị, ẹwụ nịnị ọ nyị ohuvọ anị nị! Mẹ yị nyị ụvọ tụ́ ịnị usu awụ nịnị. Hụrẹ ọyaanị na, ịdị Anigiriki, mị kụkụ aa nọ nị.”

Odeyi 13:2

Ẹ màa mẹ ụkọrọọ yị Ananyị yị, dị ẹyaa za awẹ, dị Ụhwẹ Ọnịnị kà a yị wa ka, “Sị Ịbanabasị ọnịrị Ịsọọrụ tịtẹ mị nịnị, dị ẹ̀ na mẹ̀ ụkọrọ ọnị mị hị́ wa tụ́ ịnị anị!”

Anẹhwẹsọsị 3:3

Ịsa oni Ohomorihi mẹ eto anị tịtẹ ene eyi ọza ọ̀ yị vịdị há tù, ọ raà sị zụ̀ mị saka-saka. Mâ vịdị raà chẹrẹ ịsa chee ini oze ịsa ẹnẹẹ.