Odeyi 22:12 - IWE ỌNỊNỊ

¹² “Â nyị ọnọrụ ọnya aanị ana yà Ịdamasịkọsị, ana aā hị́ Ananịya. Ộ nyị ahẹkẹ ẹtẹẹtẹrẹ, dị ọ rẹẹ̄ saasa ọda ayị nị. Aniju nịnị ene hi ịzọọ vị ana nyayịnẹ sị ụbanyị yọ.

Odeyi 22:12 Referans Kwoze

Odeyi 10:22

Dị ẹ ka, “Ịkọnẹrịyọsị ọga ayị vị ọnịzẹyịza, dị ọ rẹ nyị angwahi Ohomorihi nị. Avaba Aniju nịnị ệ sị ụbanyị yọ ẹtẹẹtẹrẹ. Anggẹẹrị Ohomorihi ọnya ộ kà a yọ ka ọ̀ tụ́ hị́ wụ vẹ ini eehi ịdị anị, dị ọ̀ wụ́ ịrẹyị ọnị ụ wàa nyị ọyịkà.”

Odeyi 6:3

Agụvị avọọ, ẹwụ nịnị anda ayị, nyị aza ẹnị ịhịmba ịnị ẹngụ awụ nịnị ana aza yẹ ka Ụhwẹ Ọnịnị ọ raà dọ avaba ayị ẹnịnị, dị ẹ rẹ nyị ịrẹyọyẹ. Dị ya sị wa tụ́ iruvo ụkọrọ ọnọọ.

3 Ịjọọnụ 1:12

Àa vị Idemetiriyọsị yọ, ọzọza vị anaa kà ọyịza anị. Ebira ozoza anị ộ hyakụ sị zụ̀ ka aa saasa ịzẹyịza Ohomorihi. Ẹya rẹ dọ ivenu tụ́ ọ bẹẹ; wáa yẹ ka ye me cheeche.

Anihiburu 11:2

Anụmẹ ịyẹẹyẹ ẹ́ẹ vavọọ sị ayị tụra Ohomorihi, dị Ohomorihi kà ọda yị wa nị.

1 Itimoti 3:7

A rẹ vọrọ ka aza ẹnẹ ẹ̀ yị vị ọdọwụ, ẹ̀ zụ dọ ivenu tụ́ ọọ ka hịịn, ebira anị óo zoza. Àyị vị avọọ, aza ẹ zụ mẹ̀ ụhị nyị ọọ, dị ọ sị hụrẹ ne ngụ ịnị ịrẹpa Echu.

2 Anịkọrịntị 6:8

 sị ụbanyị yị, a rẹ mẹ̀ ụhị nyị yị.  kụ̀ yị ụhụ, a rẹ ga yị. Ịzẹyịza ịị̄ kà nị, ama aza ệ za yị anka onireche avọọ.

Odeyi 17:4

Aza ẹnyị ệ dọ wụ́, dị ẹ kụkụ aa saasa Ịpọọrụ ọnịrị Isira nị. Anigiriki ọrụrụ-ọrụrụ ana aa hẹkẹ Ohomorihi beri anyẹnẹẹ ene eyi yẹ ịnị ẹkụra, ẹnị ẹ rẹ dọ wụ́.

Odeyi 8:2

Dị aza ẹnyị ene sì ịrẹyị Ohomorihi va sị oku Isitivini, di e ne ne e nị, di e jị òrèrè anị ẹtẹẹtẹrẹ nị.

Iruuku 2:25

 nyị ọnọrụ ọnya aanị Íjerusarẹmị ọnị ịrẹha anị rị Isimiyọnị. Ọnịzẹyịza ọ vị nị, dị ọ rẹẹ̄ hẹkẹ Ohomorihi nị. Ee zí eyi ka Ohomorihi ọ̀ va kụ́ Anisirẹrị vavẹ udi ẹnịnị. Ụhwẹ Ọnịnị yà ịnị ayị anị.