Odeyi 21:9 - IWE ỌNỊNỊ

⁹ Ihwiripi ộ ma ezi anẹẹ ẹẹna ẹnẹ ẹ̀ yị yẹ ọnọrụ, ana vị ọnịsẹ.

Odeyi 21:9 Referans Kwoze

Odeyi 2:17

Ọ kà Ohomorihi kà a ka, “Ịnị ụmẹ ọdịrẹma, ọnị vaa tụ́ Ụhwẹ Ọnịnị anịị ká avaba anẹhẹẹ vẹ. Ezi anọrụ ọnịrị ezi anẹẹ awụ nịnị vaa kà ịsẹ, ezwọọmụha awụ nịnị vee re ẹtẹ, azọkụ awụ nịnị vaa ra ụra.

Ẹtore 2:20

Ama â nyị ịsa ọnya ọnị ụ wẹ̀ yị mẹ ẹtẹẹrẹ nịnị: Wâ dọ yị ọnẹẹ ọnọọ ana aā hị́ Ijezebẹrị ana ka ọnịsẹ ọnị vị nị. Ama aa zụ̀ ezi ahụ anị ịsa, ee vene wa naa sẹ̀ ịrẹka, ẹ rẹ yaa rị ịsa ana a sị mẹ̀ ịsọvọ hi ori.

Iruuku 2:36

A rẹ nyị ọnịsẹ ọnẹẹ ọnya aanị ana aā hị́ Aana; ozi Ịhwanụwẹẹrị ọ vị nị. Ovwoovu Aseri ọ chị hụrẹ vẹ nị. Ọ sị vị ọzọkụ ẹtẹẹtẹrẹ. Ọ mẹ̀ hụrẹ hụ orihi, ịrayị ịhịmba ọ́nịrị ọva anị ra vị nị.

Ijowẹrị 2:28

Ịnị ụmẹ ọdịrẹma, Ẹnẹyịmavara kà ọnị vaa sị Ụhwẹ anị yị avaba aza: dị ezi anọrụ ọnịrị ezi anẹẹ awụ nịnị aa ka ịsẹ; dị azọkụ awụ nịnị aa ra ụra, dị ezwọọmụha awụ nịnị ee re ẹtẹ.

Ọyịkụra 15:20

Di Imeriyamị ana vị ọnịsẹ ana vị onyeyiza Imosiisi sị ọpanyị ana sịị̄ jị ahẹ nị; ụvọ dị ẹ yaa dụ ọ ịrẹma dị ẹ yaa nyị ẹzẹ nị.

Odeyi 13:1

Ịnị ịragụ Ohomorihi ana yà Antịyọkị â nyị ọnịsẹ ẹnyị ọnịrị ọzwọzịsa nịnị ene hi ịzọọ. Ẹnịnị ẹ vị Ịbanabasị ọnịrị Isimiyọnị ana aā hị́ Ozoji, beri Irusiyọsị ana vị Anisayireni, ne beri Imaneya ana a pá ọnịrị Ịhẹrọdị ohinọyị aha ọnya, ọnịrị Ịsọọrụ.

Inehemaya 6:14

Dị mị da ịpẹ yị Ohomorihi ka ọ sị ụya rị Itobaya ọnịrị Ịsanbaratị ịnị ịsa odivi ọnị ẹ yaa mẹ̀. Dị ọ rẹ sị ụya rị Inodaya, ọnẹẹ ana vị ọnịsẹ ọnịrị ọnịsẹ nịnị ana vọ ana sị vụrị ka ẹnị ẹ tụ mị angwahi.

2 Ohinọyị 22:14

Ihirikaya, Ahikami, Akibọ, Ịsahwanị, ọnịrị Asaya ọnị ohinọyị tụ́ ụtụ ene tụ́ ọnẹẹ ọnịsẹ ọnya aanị ana a hị́ Ihurida ana ra aha ọwọọwa Ijerusarẹmị. Ẹnịnị e juwe yọ ịsị ẹ mẹ. Ọva ọnẹẹ ọnọọ ọ rị Isarumi ana vị ozi Itikiva, ozi Iharihasi. Ọnị ọ vị ọza ene si eyi pe awuru ene hi ini irehi Ohomorihi.

Ọdọvịdị 4:4

Ịnị ụmẹ ọnọọ, Idebora ana vị ose Irapidoti ana vị ọnịsẹ ộ vị ọdọvịdị Anisirẹrị nịnị nị.

1 Anịkọrịntị 7:38

Ọza ana nyị ọnẹẹ anị, ọ́ọ mẹ̀ ẹ ẹtẹẹrẹ. Ọza ẹnẹ ẹ̀ yị nyị aanị, ọ́ọ mẹ̀ ẹ ẹtẹẹrẹ hu nị.

Ezikẹẹrị 13:17

Ezikẹẹrị ka Ẹnẹyịmavara ộ kà a yị ọnị ka, ozi-ọza, ọnị ò ré anyẹnẹẹ anda ẹnịnị anaa dà ịrẹyịị kà, ka vị ẹnị aa kà ịsẹ nị. Ọ kà ọnị ò tụ́ wa ohuvọ, dị ọnị ọ̀ kà a yị wa ka.