Odeyi 21:8 - IWE ỌNỊNỊ

⁸ Eyinẹhẹ anị, dị ị hụụ ịzọọ, dị ị na Isesariya nị. Dị ị nọ ini eehi Ihwiripi ana vị okenubọyịza ana vị ọnya ịnị ọnọgụvọ ịhịmba ẹnẹẹ, dị yà ịzọọ nị.

Odeyi 21:8 Referans Kwoze

Odeyi 6:5

Ịrẹyị ọnọọ ô zé avaba ẹnịnị eyi. Dị ẹ nyị Isitivini nị, ana sị ayị tụra Ohomorihi ẹtẹẹtẹrẹ, dị Ụhwẹ Ọnịnị rẹ dọ avaba ayị anị. Dị ẹ rẹ nyị Ihwiripi ọnịrị Ipirokorusi beri Inikanọ ọnịrị Itimoni nị. Ẹ rẹ nyị Ipaminasi ọnịrị Inikorasi Anantịyọkị ana dọ ahẹkẹ Aniju.

Anẹhwẹsọsị 4:11

Ọnị ọ sị ụkata yị aza ẹnyị ka ẹ̀ vị odeyi, dị aza ẹnyị ẹ̀ vị ọnịsẹ, dị aza ẹnyị ẹ̀ rẹ vị enenubọyịza nị. Ọ rẹ sị ụkata yị aza ẹnyị ka ẹ̀ vị aza ana sị eyi pe aza Ohomorihi, dị aza ẹnyị ẹ̀ẹ zụ̀ aza ịsa nị.

2 Itimoti 4:5

Ama ewè re ka wáa sị ụvọ za ẹngụ awụ ịnị avaba ịsa! Waa sị ẹngụụ dọ ụya, dị waa kà enube ọyịza anka ụkọrọ awụ! Di u we re ka waa mẹ avaba ụkọrọ awụ saka-saka!

Odeyi 28:16

I mè tù Iroomi, â zẹẹ ka Ịpọọrụ ọ̀ yà aha anị. Dị a ka isoja ọnya ọ̀ sị eyi pe e nị.

Odeyi 16:13

Ịjị ẹkụhị ụhwọtụ si tù, dị ị hụụnị ẹkụra ọnọọ nọ ụtọ okuha, ịzị i ro ka â nyị aha ana a yàā mẹ̀ aduwa. Yâ yaayịtẹ ịzọọ, dị yaa kà ịrẹyị yị anyẹnẹẹ ana kụ́ gụ hi ịzọọ nị.

Odeyi 16:10

Ị́pọọrụ mè yi re ẹtẹ ọnọnị kẹnẹ, di i tenyi ẹngụ ka yaa nọ Imasedoniya nị. Ya sị yẹ ka Ohomorihi ọ hị́ yị ka ya na kà enube ọyịza yị anịzọọ nị.

Odeyi 9:30

Ịjị ọdọwụ nịnị ana vọ sị yẹ, dị ẹ sị Ịsọọrụ chí na ngụ Isesariya, dị ẹ ka ọ̀ọ nọ Ịtasọsị nị.

Odeyi 28:11

Ịrẹma ụhwẹ ẹẹta kwooze, dị ị sị ẹpa tụ́ ini òkū nị. Ẹpa ọnị ị ngụ vị ana hụrẹ Arekisandiriya vẹ. Ịzọọ ẹ́pa ọnọọ yà ịnị ụmẹ ọgụ nị. Aā hị́ ẹpa ọnọọ “Ori adẹgụnẹva”.

Odeyi 27:1

A mẹ̀ sị ọọ kà ka ya ngụ ẹpa, dị ya nọ Itari, â sị Ịpọọrụ ọnịrị anịnẹngwa ẹnyị chire ọga isoja nịnị ẹchẹhị ana aā hị́ Ijuriyọsị ụvọ. Ijuriyọsị vị ọnya ini isoja nịnị Ọgọsịtọsị.

Odeyi 23:23

Ọga ọbanyị ọnọọ ộ hị́ ọga isoja nịnị ẹchẹhị anị ẹẹva, dị ọ kà a yị wa ka, “Nyị isoja nịnị ịrẹka dị ẹ̀ nọ Isesariya! Kụ́ onumaata ẹtarẹwụ beri ọnọha ịrẹka saasa wa, dụ wa kwẹẹtẹ nịnị ịnị ụmẹ agogo ịhịịna ịrahụ!

Odeyi 20:13

Yáa dọ ọvịdị, dị ị na ngụ ẹpa, dị yaa nọ ẹkụra Asọsị nị. Ịzọọ ị yaa naa sị Ịpọọrụụ tụ́ ịnị ẹpa nị. Ọ vịdị kà a yị ka ya vavọọ mẹẹ, agụvị ka ahụ ọ́nị aa sịị nọ ịzọọ nị.

Odeyi 20:6

A mẹ̀ sị Eche Ịbụrẹẹdị ọnị ọza ọ̀ yị mā sị òwù tụ́ ịnị anị rị kwooze, dị ị ngụ ẹpa hụrẹ Ihwiripi, di i ve tù wa Itirowasị ịhị ẹ tụ́ ọọ ẹkụhị ẹẹhị nị. Dị ị yà ịzọọ mẹ ẹkụhị ịhịmba nị.

Odeyi 18:22

O mè tù Isesariya, dị ọ hịrẹ nọ Ijerusarẹmị, dị ọ na kụ́ anịragụ Ohomorihi ene hi ịzọọ, dị ọ kụkụ aa nọ Antịyọkị nị.

Odeyi 16:16

Ẹkụhị ọnya, ị màa naa mẹ̀ aduwa, ozi ahụ ọnẹẹ ọnya aanị ọ va gẹrị ẹyị. Ozi ọnẹẹ ọnọọ ộ nyị ụhwẹ echu ana aa mẹẹ ka ọ̀ọ kà ịsẹ. Ọọ̄ kà ịsẹ, dị aa sị dọ ẹkẹhịị yị ọga anị ẹtẹẹtẹrẹ.

Odeyi 10:1

 nyị ọnọrụ ọnya aanị ẹkụra Isesariya ana aā hị́ Ịkọnẹrịyọsị. Ọga isoja ẹchẹhị nịnị ọ vị nị. Ini isoja nịnị Aniroomi ẹ yà nị.

Odeyi 21:16

 nyị ezirẹma ẹnyị ana hụrẹ Isesariya vẹ, dị ẹnị anị nị. Ọza ọnọọ ọ rị Iminasoni nị. Ịsayịpịrụsị ọ hụrẹ vẹ nị. O si kù ọnọọ hụrẹ sị ayị tụra Ijeesu.