Odeyi 21:5 - IWE ỌNỊNỊ

⁵ Ịjị ẹkụhị ọnị yaa mẹ ịzọọ sị gụ, dị ị hụụ ịzọọ, dị ị sị oze ayị nị. Dị avaba ẹnịnị, ose beri ezi sị yị va tụ́ huuu va para ẹkụra hu nị. Dị avaba ayị ku ẹtẹ ụtọ oku, dị ị mẹ̀ aduwa nị.

Odeyi 21:5 Referans Kwoze

Odeyi 20:36

Ịjị Ịpọọrụ sị ịrẹyị anị kà ta, dị ọnịrị wa ku ẹtẹ, dị ẹ mẹ̀ aduwa nị.

Odeyi 9:40

Dị Ipita ka avaba ẹnịnị ẹ̀ jịnẹ hi ẹhẹ, di o ku ẹtẹ, dị aa mẹ̀ aduwa nị. Di o và eyi kà oku ọnọọ, dị ọ ka, “Itabita, kwẹẹtẹ!” Dị Itabita há eyi anị nị. O mè re Ipita, dị ọ kwẹẹtẹ yaayịtẹ nị.

Odeyi 20:38

Ayị ẹnịnị o si du agụvị ịrẹyị ọnị Ịpọọrụ hyakụ kà ka e mē vene re ọnị. Dị ẹ sị ọọ na tụ́ na ngụ ịnị ẹpa nị.

Odeyi 15:3

Dị anịragụ Ohomorihi kụ́ wa ka ẹ̀ nyaatụ, dị ẹyaa na nị. E mè zị oze Ihwonesiya ọnịrị Ịsamarịya na para hu, ệ kà a, Anigiriki nịnị mẹmẹ và ká Ohomorihi na. Ịjị ọdọwụ nịnị wụ́ ọọ, avaba ẹnịnị ệ jẹ ẹtẹẹtẹrẹ.

Ahẹ Ụgama 95:6

Vẹ yaa tanaa tụra ẹtẹẹ kụ́ ọ, dị yaa jị idinku kú ẹtẹ yị Ẹnẹyịmavara. Wâ yẹ ka ọnị ọ mẹ yị nị.

Odeyi 17:10

Ẹ́tẹ mè si hozi kẹnẹ, dị ọdọwụ nịnị ka Ịpọọrụ ọnịrị Isira ẹ̀ẹ nọ Ibereya nị. Ịjị e tù ịzọọ, dị ẹ nọ ini irehi Ohomorihi Aniju nịnị nị.

Ịmaakị 1:40

 nyị ọnịkụ ọbanyị ọnya ana ká Ijeesu vẹ, dị ọ jị idinku ku ẹtẹ, dị aa dá ịpẹẹ yọ nị. Dị ọ ka, “Wèe sì, wa nyẹngụ mẹ ụkụ amịị mị.”

Imatiwu 14:21

Ọnọrụ ana rị ịsa vị akahị-akahị oze ẹẹhị (5,000). Ọza ọyị za anyẹnẹẹ ọnịrị ezweyi tụ́ ọọ.

2 Ịtọpa 20:13

Avaba anọrụ Anijuda ẹnịrị anẹẹ ẹnịnị neberi ezi ẹnịnị vị anaa jẹẹ ịnị irehi Ẹnẹyịmavara ịzọọ.

1 Ohinọyị 8:54

Ịjị Isoromọnị si aduwa ẹnịnị ọnịrị ịpọda ẹnịnị mẹ yi Ẹnẹyịmavara ta, dị ọ kwẹẹtẹ hụrẹ ini idinku anị ịzị o ku ẹtẹ tụ́ aha ịsọvọ Ẹnẹyịmavara, dị ọ́ kụ̀rà ụvọ anị tụ́ ẹbẹẹba.

Inehemaya 12:43

Ohomorihi ộ mẹ̀ ayị aza hine ẹtẹẹtẹrẹ, dị ẹ yaa jẹ, dị ẹ mẹ̀ ịsọvọ ọrụrụ-ọrụrụ nị. Ẹnịrị anyẹnẹẹ beri ezweyi e dudu rị eche ọnọnị nị. Ẹ maa jẹ Ijerusarẹmị, ọngwẹ ẹnịnị vị ọnị aza aa wụụ hụrẹ aha ẹnẹẹnẹ.

Ijosuwa 24:15

Ama ẹnịnị e yi si ka ẹnị ẹ hẹkẹ Ẹnẹyịmavara, Ẹ nyị ịhị ọnọọ ịsa ọnị ẹnịnị e vaa kụ́ yị. Avị ori ohiku ẹnịnị, avị ori Anamọrị ịzị ẹ yaa aanị. Dị Ijosuwa ka ọnịrị ovwoovu anị vị ana vaa hẹkẹ Ẹnẹyịmavara.

Iruuku 22:41

Dị ọ para wa hu na chee, di o ku ẹtẹ, dị aa mẹ̀ aduwa nị.

Ijosuwa 8:35

Avaba ọda Imosiisi vị ọnị Ijosuwa za ịrịka eyi avaba ịragụ Anisirẹrị nịnị, anẹẹ, ezi, beri azọga ana ra ịnị akakana ẹnịnị.