Odeyi 21:40 - IWE ỌNỊNỊ

⁴⁰ Dị ọga ọbanyị ọnọọ ka ooho nị. Dị Ịpọọrụ jẹẹ ẹbanoze, di o mi aza ẹnẹẹ ụvọ nị. E mè si kú irenu, dị Ịpọọrụ aa sị ẹkụra Ihiburuu kà ịrẹyịị yị wa nị. Dị ọ ka:

Odeyi 21:40 Referans Kwoze

Odeyi 12:17

Di o mi wa ụvọ ka è kú irenu nị. Dị ọ kà a yị wa, Ánanyị yị mẹmẹ sị ọ hụụnị ẹngwa nị. Dị ọ hụụ ịzọọ nọ aha ọsa nị.

Odeyi 26:14

Dị avaba ayị hyẹdụ và hi ẹtẹ nị.” Dị mị wụ́ ka ọngwẹ ọnya ộ kà ịrẹyịị mị ịnị ẹkụra Ihiburu, dị ọ ka: “Ịsọọrụ, Ịsọọrụ, sị ẹ vẹ dị waa sị ụyaa rị mị? Wáá yẹ ka ịrẹyị ọkatẹngụ ọ vị nị ka waa gụ ahụụ chire ikeyi?”

Odeyi 22:2

Ẹ mẹ̀ wụ́ ka ẹkụra Ihiburu aa sịị kà ịrẹyịị yị ẹnị, di e kú irenu sisisi huna avọọ nị. Dị Ịpọọrụ ka:

Ịjọọnụ 5:2

 nyị adagu ọnya aanị, ana gụrị Oze Atẹmẹ Íjerusarẹmị. Aā hị́ adagu ọnọọ Ịbẹtịsata ịnị ẹkụra Anihiburu nịnị. Ajẹngụ ẹẹhị e hi ịzọọ nị.

Odeyi 21:35

Ệ sị ọọ ne tù ẹbanoze, dị isoja nịnị ẹnẹẹ kuku chema Ịpọọrụ nị, agụvị ka aza ẹnẹẹ aa jị ayị baaba.

Odeyi 19:33

Aniju nịnị ệ sị Arẹkịsanda hụụnị akakana aza ka ọ̀ nọ ọvịdị, dị aza kụkụ tụ́ ọọ ụvọ tụ́ ọvịdị nị. Arẹkịsanda ô mi aza ẹnẹẹ ụvọ ka ọnị ọ̀ nyẹngụ kà ịrẹyị yị aza ẹnẹẹ.

Ẹtore 16:16

Dị ụhwẹ echu ẹnẹẹ kụ́ ohinọyị ẹnẹẹ gụ tụ́ aha ọnya aanị ana aā hị́ Amagẹdọnị ịnị ẹkụra Anihiburu nịnị nị.

Ẹtore 9:11

Ẹnịnị ệ nyị ohinọyị ọnya. Ohinọyị ọnọọ ọ vị anggẹẹrị ana sị eyi pe ọbọbọ ọnọọ nị. Ịrẹha anị ịnị ẹkụra Anihiburu ọ rị Abadoni nị. Anẹkụra Igiriki ẹnị vị anaā hị́ ọọ Aporiyọnị (ọnị ọ vị ka odusaha).

Odeyi 13:16

Dị Ịpọọrụ kwẹẹtẹ, di o mi wa ụvọ nị, dị ọ ka, “Ẹwụ nịnị Anisirẹrị ọnịrị aza ana vọ ene hí angwa Ohomorihi, sị ụtọ pe ịrẹyị amị nịnị!

Odeyi 6:1

Ô tù ụmẹ ọnya, ézirẹma nịnị màa rụrụụ hu avọọ, ahankata ọ sị ngụ ịnị akakana Aniju ana aa kà ẹkụra Anigiriki ọnịrị Anihiburu nịnị. Anigiriki ẹnẹẹ ka ọza ana aa gà ịsa eyinị-eyinị, ọ raà sị eyi jịnẹ osoku ẹnịnị.

Ịjọọnụ 19:20

Aniju ọrụrụ-ọrụrụ ệ kà ịsa ọnọọ ọnị ọ vavọọ chẹrẹ, agụvị ka ịzị a kanyị Ijeesu za apavahị tụ́, ộ gụrị ẹkụra ẹtẹẹtẹrẹ. Â sị ẹkụra Ihiburu chẹrẹ ẹ, dị a rẹ sị ẹkụra Iratini beri Igiriki vavọọ chẹrẹ ẹ nị.

Ịjọọnụ 19:17

Dị Ijeesu jịnẹ tụ́ ẹhẹ, dị ọ za apavahị anị, dị ọ sị ọ aa nọ aha ọnya aanị ana aā hị́ “Aha akokoro ịrẹsụ” ọnị Anihiburu anaā hị́ ịzọọ “Ịgọrịgọt”.

Ịjọọnụ 19:13

Ịjị Ipayireti vavọọ wụ́ ịrẹyị ọnọọ, dị ọ sị Ijeesu jịnẹ vẹ nị. Dị ọ va yaayịtẹ aha ọkarẹyị anị nị. Aā hị́ ịzọọ “Oze ịrẹta”, ama Igabata Ániheberuū hị́ ọọ nị.

Iruuku 23:38

Dị ẹ chẹrẹ ịrẹyị ọnọnị tụ́ akẹbẹẹba nị ka, “Ohinọyị Aniju nịnị yị”.

2 Ohinọyị 9:13

Ịzịịzọọ, dị ẹnị ọdọvịdị isoja ana vị ogu Ijehu aanị tụ ịta ẹnịnị tịtẹ ka Ijehu ọ̀ jẹẹ ịrẹsụ anị nị. Ẹnịnị ê hú ịkakanchị, di e nowu ka: Ijehu ọ vị ohinọyị nị.

Odeyi 1:19

Avaba aza ana ra Íjerusarẹmị ệ wụ́ ọọ. Agụvị avọọ, dị ẹ kụkụ aa hị́ ẹtẹ ọnọọ ‘Akẹrịdama’ ịnị ẹkụra ẹnịnị nị, oni iruvo anị vị ‘Ẹtẹ anya’.