Odeyi 21:31 - IWE ỌNỊNỊ

³¹ Aza ẹnẹẹ ee sì ka ẹnị ẹ̀ wụ Ịpọọrụ. Dị a wụsẹ tụ́ ne tù ọga ọbanyị isoja nịnị ka ịrẹkụ ọ sị chị tụ́ Ijerusarẹmị nị.

Odeyi 21:31 Referans Kwoze

Odeyi 17:5

Ama Aniju nịnị aa kụ̀ ụhị. Dị ẹ na tọ̀ọ́ aza kẹnẹ-kẹnẹ hụrẹ oze vẹ, dị ẹ kụ́ ẹngụ gụ nị. Dị ẹ za ẹkụra, dị ẹ vàa zí nị. Dị ẹ hara nọ ini eehi Ijasoni, di eyee sì ka ẹnị ẹ̀ sị Ịpọọrụ ọnịrị Isira tụ́ ẹhẹ yị aza nị.

Odeyi 25:23

Eyinẹhẹ anị, dị Agiripa ọnịrị Ịbẹnayịsị vẹ nị. Dị aza anị kụ́ ẹnya hi ẹngụ ẹtẹẹtẹrẹ, dị ẹ ngụ ini ikootu nị. Dị ọga ẹbanyị isoja nịnị ọnịrị ọdọvịdị ẹkụra nịnị ẹnị rẹ vẹ bẹẹ nị. Dị Ịhwẹsịtọsị ka à sị Ịpọọrụ vẹ, dị a sị ọọ vẹ nị.

Odeyi 24:22

Ịhwẹrịsị ộ yẹ ini oze Ikirisiti ẹtẹẹtẹrẹ. Dị ọ za ịrẹyị ọnọọ jẹẹ nị. Dị ọ ka, “Ịjị Irisiya ana vị ọga ọbanyị isoja nịnị ọ̀ọ vẹ, mị vaa mẹ̀ ọkarẹyị ịrẹyị awụ nịnị.”

Odeyi 24:6

Vi o ree sì ka oni ò du irehi Ohomorihi ẹngụ, dị ị zaa nị. [Ị yaanị sị ọkarẹyị mẹ yọ anka ọda ayị;

Odeyi 23:17

Dị Ịpọọrụ hị́ ọnya ịnị ọga isoja nịnị ẹchẹhị ana yà ịzọọ, dị ọ ka, “Sị ozi ọnọrụ ọnọnị ne tù ọga awụ nịnị ka â nyị ịsị ee sì ka ọnị ọ̀ kà zụ̀ ọọ!”

Odeyi 22:22

Aza ẹnẹẹ ệ sị ụtọ pe ịrẹyị Ịpọọrụ pooro dị ọ va kà ọsọnị. Ọ mẹ̀ sị ọsọnị kà kẹnẹ, di e nowu zẹtẹ, dị ẹ ka, “Wụsẹ sị ọọ kwooze! À wụ ọọ, ka ẹ yị vọrọ ka ẹngụ ọza ọnọnị ọ̀ ra ẹ́hẹ!”

Odeyi 21:38

Ọnọọ vị ka ayị vị ẹwa vị Anijipiti ọnọọ ana kụ́ ẹvazi ngụ ịnị ẹkụra ịnị ụmẹ ọnya? Ọnọrụ ọnọọ ộ kụ́ ọwọza ẹnị akawụ-akawụ oze ẹẹva (4,000), dị ẹ na ngụ ịnị ụnọmị nị.”

Odeyi 19:40

Wâ yẹ ka a nyayịnẹ hị́ yị ka ya va kà ọ̀ kụ́ ẹvazi ọnọnị vẹ. Àa hị́ yị, di ye yi re ịrẹyị kà.”

Odeyi 10:1

 nyị ọnọrụ ọnya aanị ẹkụra Isesariya ana aā hị́ Ịkọnẹrịyọsị. Ọga isoja ẹchẹhị nịnị ọ vị nị. Ini isoja nịnị Aniroomi ẹ yà nị.

Ịjọọnụ 18:12

Di isoja nịnị ẹnẹẹ beri ọga ẹnịnị ọnịrị iporisi Aniju nịnị za Ijeesu, dị ẹ sụ́ ọọ nị.

Ịjọọnụ 16:2

Ẹ vaa dụ wụ nịnịị jịnẹẹ hụụnị irehi Ohomorihi. Mị ka ụmẹ hyakụ aa vẹ, dị aza ana aa wụ wụ nịnị, ro o ka vị ẹnị aa mẹ̀ ịsa ozozaa yị Ohomorihi nị.

Ịmaakị 14:2

Dị ẹ ka asị a mẹẹ ịnị akakana eche, agụvị ka ịrazị va sị chị yị aza nị.

Imatiwu 26:5

Dị ẹ ka asị a mẹ̀ ẹ ịnị akakana eche, agụvị ka ịrẹkụ va sị chị yị aza nị.

1 Ohinọyị 1:41

Adonija ọnịrị aza ana hi ẹtẹ pè e ẹ sị ịsa rị ta, dị ẹ wụ́ ẹtẹ ịrẹyị nị. Ịjị Ijowabi wụ́ ịkakanchị ịrẹyị, dị ọ ka, “Sị ẹ maanị aa sụ́ ịrẹyị dị ẹkụra kụ́ vazi aanị?”

Imatiwu 27:27

Dị isoja ịgọvọnọ ẹnẹẹ sị Ijeesu nọ ịnị ọba irehi anị nị, dị ẹ hị́ isoja nịnị ana vọ gụ kara a nị.

Odeyi 26:21

Agụvị ịrẹyị ọnọnị Ániju nịnị sị za mị, m mẹ̀ yà ini irehi Ohomorihi, dị ẹ ka ẹnị aa wụ̀ mị nị.

Odeyi 24:7

ama Irisiya ọga ọbanyị isoja nịnị ộ vẹ, dị ọ va sị ụkata dọ ọ hụrẹ yị ụvọ nị.