Odeyi 20:6 - IWE ỌNỊNỊ

⁶ A mẹ̀ sị Eche Ịbụrẹẹdị ọnị ọza ọ̀ yị mā sị òwù tụ́ ịnị anị rị kwooze, dị ị ngụ ẹpa hụrẹ Ihwiripi, di i ve tù wa Itirowasị ịhị ẹ tụ́ ọọ ẹkụhị ẹẹhị nị. Dị ị yà ịzọọ mẹ ẹkụhị ịhịmba nị.

Odeyi 20:6 Referans Kwoze

Odeyi 12:3

O mè re ka ô hine Aniju nịnị, dị ọ rẹ na za Ipita nị. Ụmẹ ọnọọ, a sịị̄ rị Eche Ịbụrẹẹdị ọnị ọza ọ̀ yị mā sị òwù tụ́ nị.

Odeyi 16:12

Dị ị hụụ ịzọọ, dị ị nọ ẹkụra Ihwiripi nị. Ihwiripi ọ vị ẹkụra ịpaapa ịnị ẹtẹ Imasedoniya nị. Aniroomi ọ raa mẹ ịjọvaa tụra a nị. Yâ yà ịnị ẹkụra ọnọọ mẹ ẹkụhị chee.

Ọyịkụra 23:15

Ụ vaa rị Eche ọnị ọza ọ̀ yị ma sị owu tụ́ ịnị ịsa anị. Ịnị ẹkụhị ịhịmba wẹ yị vaa sị owuu tụ́ ịnị ịsa awụ nịnị. Wâ tamayị ka avọọ m mẹ̀ vịdị mẹ̀ ẹ ọdaa wụ nị. Ụmẹ anị òo si tụ́ ịnị ụhwẹ Abibi du u re ka wâ vavọọ mẹ̀ ẹ. Wáā yẹ ka ịnị ụhwẹ ọnọọ ụ jịnẹ hụrẹ Ijipiti nịnị nị. Wàa vavọọ aa vaa hẹkẹ mị nịnị, asị a nyị ọza ana jị avọ osusu vẹ.

2 Itimoti 4:13

Wàaa vẹ, ụ sị awuru ọbanyị amị ọnị mị navọ tụ́ Itirowasị yị Ikaripọsị va mị! Rẹ kụ́ iwe amị va mị bẹẹ! Kụ́ ẹnya ọchẹrịsa ẹnẹẹ beri ọọ. Asị a nyị ka wẹ yị kụ́ ẹnya ọchẹrịsa ẹnẹẹ vẹ.

Ọyịkụra 34:18

Waā rị eche ọnị ọza ọ̀ yị mā sị owu tụ́ ịnị ịsọyịrị anị. Pooro ịnị ẹkụhị ịhịmba asị ụ rị ịsa ana a sị òwù tụ́ anka m mẹ̀ vịdị mẹ ọda anịị wụ. Ụmẹ aanị ọ̀ọ rẹ maanị sị tù ịnị ụhwẹ Abibi, re ka wâ mẹ ido ọnọnị. Ịnị ụhwẹ ọnọọ ụ sị jịnẹ hụrẹ Ijipiti nị.

1 Anịtẹsaronika 2:2

Wáa yẹ nịnị, ị mẹmẹ vịdị rị ụya dị a kụ̀ yị ụhụ Íhwiripi. Ama Ohomorihi ọ sị sị ọtụtụrụma yị ka ya kà enube ọyịza anị yị wụ nịnị, aza ẹ̀ẹ daka sì ka ẹnị ẹ̀ dọ yị oro.

Anihwiripi 1:1

Ẹmị Ịpọọrụ ọnịrị Itimoti ana vị ezi ahụ Ijeesu Ikirisiti aa chẹrẹ iwe ọnọnịị tụ́ụ hi avaba aza Ohomorihi ẹnị ẹnịrị Ijeesu sị vị ọnya ene hi Ihwiripi, re ne beri ọdọvịdị ịragụ Ohomorihi ọnịrị aza ana aa mẹ ọgụvọọ yị wa.

Odeyi 28:14

Yê re ọdọwụ ẹnyị ịzọọ, dị ẹ ka ya yà pe ẹnị mẹ ẹkụhị ịhịmba nị. Dị ị hụụ ịzọọ aa nọ Iroomi nị.

Odeyi 21:8

Eyinẹhẹ anị, dị ị hụụ ịzọọ, dị ị na Isesariya nị. Dị ị nọ ini eehi Ihwiripi ana vị okenubọyịza ana vị ọnya ịnị ọnọgụvọ ịhịmba ẹnẹẹ, dị yà ịzọọ nị.

Odeyi 21:4

Yê re ezirẹma ẹnyị ịzọọ, dị ị yà ịzọọ pe wa mẹ ẹkụhị ịhịmba nị. Ụhwẹ Ọnịnị ộ mẹ̀ ka ẹ̀ kà a yị Ịpọọrụ ka asị ọ nọ Ijerusarẹmị.

Odeyi 16:8

Dị ẹ zị oze Imisiya, di e chí na ngụ Itirowasị nị.

Odeyi 16:10

Ị́pọọrụ mè yi re ẹtẹ ọnọnị kẹnẹ, di i tenyi ẹngụ ka yaa nọ Imasedoniya nị. Ya sị yẹ ka Ohomorihi ọ hị́ yị ka ya na kà enube ọyịza yị anịzọọ nị.

Odeyi 20:5

Dị aza ẹnẹnị tụ́ ọvịdị ayị, dị ẹ na jẹẹ zí yi ẹkụra Itirowasị nị.

Odeyi 20:16

Ịpọọrụ ọ sị ọọ kà ka ọnị aa para Ẹhwẹsọsị hu kẹnẹ nị, agụvị di asị o du ụmẹ ha ịnị ẹtẹ Esiya. Aa há eyi, ee sì ka ịsavọọ ọnị ọ̀ zụ yà Ijerusarẹmị ịnị ẹkụhị eche Ịpẹntịkọsị.