Odeyi 20:36 - IWE ỌNỊNỊ

³⁶ Ịjị Ịpọọrụ sị ịrẹyị anị kà ta, dị ọnịrị wa ku ẹtẹ, dị ẹ mẹ̀ aduwa nị.

Odeyi 20:36 Referans Kwoze

Odeyi 21:5

Ịjị ẹkụhị ọnị yaa mẹ ịzọọ sị gụ, dị ị hụụ ịzọọ, dị ị sị oze ayị nị. Dị avaba ẹnịnị, ose beri ezi sị yị va tụ́ huuu va para ẹkụra hu nị. Dị avaba ayị ku ẹtẹ ụtọ oku, dị ị mẹ̀ aduwa nị.

Iruuku 22:41

Dị ọ para wa hu na chee, di o ku ẹtẹ, dị aa mẹ̀ aduwa nị.

Anihwiripi 4:6

Asị ụ và ayị awụ nịnị zi agụvị ịrẹyị ịsọnyị-ịsọnyị. Ama ịsị wèee sì nịnị, kà a yị Ohomorihi nịnị. Waa mẹ̀ aduwa ọnịrị ịpọda nịnị, dị ụ wa rẹ kụ́ Ohomorihi avọọ tụ́ ọ nịnị.

Odeyi 7:60

Di o ku ẹtẹ, di o nowu tụ́ ẹba dị ọ ka, “Ananyị yị, asị ụ sị ịvị ịrẹyị ọnọnị tụ́ wa ọrọkọ!” Ịjị ọ maanị sị ọọ kà, di o sú nị.

Anẹhwẹsọsị 3:14

Agụvị avọọ, mê ku ẹtẹ yị Ohomorihi Ada ayị.

Ịdanịyẹrị 6:10

Ịjị Ịdanịyẹrị sị yẹ ka â maanị sị ọda mẹ dị o si hu aa nọ ini eehi anị nị. Ô tụ ịnị eehi, dị ọ nọ ịrẹsụ ọtụrọsa, dị ọ na ozokete aku anị nị. Ozokete ọnọọ vana va eyi ka oze Ijerusarẹmị. Dị o ku ẹtẹ, dị aa mẹ̀ aduwaa hi Ohomorihi anka ọ mẹẹ̄ vịdị yịị mẹ nị. Ụpẹ ẹẹta ọọ̄ mẹ̀ aduwa ịnị ẹkụhị nị.

2 Ịtọpa 6:13

Isoromọnị ộ vịdị ra sị enyusẹ mẹ ụta ana gọdọ ẹtẹ ahụ ịhịmba rị ẹjịjị, dị ọ rẹ gana ahụ ịhịmba rị ẹjịjị, dị ọ nẹba ahụ ẹẹna rị ẹjịjị. Ụta ọnọnị vị ọnị ọ sị tụ́ ịnị akakana ohweje eyi ẹhẹ ana gụrị ụta ịsọvọ. Isoromọnị ộ hịrẹ ụta ọnọọ, dị ọ va eyi ka ụta ịsọvọ ọvịdị ịragụ ana ya ịrẹma anị, dị ọ va ụvọ hịrẹ, di o ku ẹtẹ,

Odeyi 9:40

Dị Ipita ka avaba ẹnịnị ẹ̀ jịnẹ hi ẹhẹ, di o ku ẹtẹ, dị aa mẹ̀ aduwa nị. Di o và eyi kà oku ọnọọ, dị ọ ka, “Itabita, kwẹẹtẹ!” Dị Itabita há eyi anị nị. O mè re Ipita, dị ọ kwẹẹtẹ yaayịtẹ nị.

Odeyi 20:35

Ma raà sị zụ̀ wụ nịnị ịnị avaba oze ka â nyị ka ya maanị mẹ̀ ụkọrọ ẹtẹẹtẹrẹ, dị ya zụụ mẹ ọgụvọọ yị ọkụmị nịnị.” Tamayị ịrẹyị oni Ijeesu Ananyị yị ụvọta kà nịnị ka: “Wàaa mẹ ọza ẹyịza, ụ zụ jẹ ịrajẹ hu ka waa dọ ọza ịsa nị.”