Odeyi 20:35 - IWE ỌNỊNỊ

³⁵ Ma raà sị zụ̀ wụ nịnị ịnị avaba oze ka â nyị ka ya maanị mẹ̀ ụkọrọ ẹtẹẹtẹrẹ, dị ya zụụ mẹ ọgụvọọ yị ọkụmị nịnị.” Tamayị ịrẹyị oni Ijeesu Ananyị yị ụvọta kà nịnị ka: “Wàaa mẹ ọza ẹyịza, ụ zụ jẹ ịrajẹ hu ka waa dọ ọza ịsa nị.”

Odeyi 20:35 Referans Kwoze

Anihiburu 13:16

Tamayị di u we re ka waa mẹ ọyịza nịnị! Ịsị ụ wàa nyị, ẹwụrị ọza ọ̀ọ gàa nịnị! Ẹngụ ẹnẹẹ ọ vị ịsọvọ oni Ohomorihi sì nị.

Ụhịrẹyị 19:17

Ọza ana mẹ ọnụya ẹyịza vị anaa sị ịsa rèré Ẹnẹyịmavara, o vee sí ọ yọ varẹma.

Imatiwu 10:8

Waa mẹ ọnịkụ ụkụ ẹnịnị, dị ụ waa ha okuu kwẹẹtẹ nịnị! Waa rẹẹ mẹ ọnịkụ ọbanyị nịnị ụkụ, dị ụ wa rẹẹ dụ ụhwẹ echuu jịnẹ nịnị! We yi sí ụta tụ́ ịnị ịsa ọnị ụ dọ nịnị; agụvị avọọ ẹwụ nịnị ọ̀ rẹẹ sị yị aza ọọhẹ!

2 Anịkọrịntị 8:9

Wâ yẹ nịnị, Íjeesu Ananyị yị oni Ohomorihi nyị mẹ ohinọyị ka ọ̀ dọ yị há, ịzị ọ vayị ọza na zá. Ọzọbanyị ọ vị nị, ộ hụvị awụ nịnị bàrà onosiye, ka ẹwụ nịnị ọ̀ zụ vara ọzọbanyị ini oze osiye anị.

1 Anịtẹsaronika 5:14

Ẹwụ nịnị ẹyịnyara amị, aarịhịnị, aza ana aa mẹ̀ ebira jugu-jugu, re ka waa tụ́ wa ọhụva nịnị. Aza ana angwa ee hí, waa tụ́ wa ọtụtụrụma. Wa rẹẹ gụ ọkụmị nịnị ụvọ. Re ka waa nyị isuuru hi avaba aza.

Aniroomi 15:1

 vọrọ ka ẹyị ẹnẹ ẹdọwụ anị katẹngụ, òo ro ịrẹyị aza ẹnẹ ẹdọwụ ẹnịnị ẹ̀yị vavọọ katẹngụ! Asa ahịka ịsị e zé yi eyi kẹnẹ, ị yaa mẹ nị!

Odeyi 20:27

Ma raà kà a wụ nịnị avaba ịsị Ohomorihi ee sì ka ọnị ọ̀ mẹ. Ẹ yị nyị ana angwa hí mi ọnị mẹ̀ yị kà wụ nịnị.

Ayịsaya 35:3

Tụ́ aza ọnị ọ sị ngụ ẹngụ ọtụtụrụma. Sị ụkata yị aza ana vaa hyẹdụ ka ẹ̀ jẹẹ.

Anihiburu 13:3

Waa tamayị aza ene hi ịnị ẹngwa nịnị, anka òo rere vị ka ẹwụrị wa ọ yà ịnị ẹngwa nịnị nị! Rẹ tamayị aza ana aa rị ụya nịnị, anka òo rere vị ka ẹwụrị wa aa rị ụya nịnị nị!

Anẹhwẹsọsị 4:28

Ọza eneē vidii yi oyi, ọ̀ na hụụnị oyi oyiyi! Ọ̀ kụkụ naa sị ụvọ anịị mẹ̀ ụkọrọ ini oze ene zoza, dị ọ̀ zụ nyị, dị ọ̀ hyakụụ mẹ ọgụvọọ yị onosiye nịnị bẹẹ!

Odeyi 20:20

Wa rẹ yẹ ka ẹ yị nyị ịsị mị sị tẹ wụ nịnị ịnị ịsa ẹnẹẹ ana zụ gụ wụ nịnị ụvọ, m màa zụ̀ wụ nịnị ịsa ịnị ịnọyị-ịnọyị, dị mị raa kà a ngụ irehi-irehii zị nị.

Ayịsaya 32:8

Ama aza obooro ẹnị vị ana aā gẹ eyi ịsị e zoza. Ịrẹyị ana vọrọ ẹ ẹẹ̄ jẹẹ pè nị.

2 Anịkọrịntị 12:13

Ye re ebira ana a mẹ hi wu nịnị ana sị zụ̀ ka anịragụ Ohomorihi ana vọ ê huna wụ nịnị? Mâ yẹ kẹnẹ ka mẹ yị vị ẹnya tụra awụ nịnị. Àa vị ịnị ọnọọ yọ, aarịhịnị, vagu mi nịnị kẹ!

2 Anịkọrịntị 11:9

M mẹ̀ yà ịdị awụ nịnị, mèee sì ịsa, mẹ yị kụ́ ọọ kata wụ nịnị ẹngụ. Anda ayị ana hụ rẹ Imasedoniya vẹ, ẹ́ yaa sị ịsị mèe sì yị mị nị. Mẹ yị kụ́ ọọ kata wụ nịnị ẹngụ ịnị ẹngụ ịnị ịsọnyị-ịsọnyị. Avọọ m mẹ̀ yị vaa mẹ pooro nị.

1 Anịtẹsaronika 4:11

Re ka wáa nyị ebira hẹẹ nịnị, dị ọzọza ò sị eyi pe ụkọrọ anị. Ọzọza ọ̀ọ sị ụvọ anịị mẹ̀ ụkọrọ anka ị mẹ̀ vịdị kà a wụ nịnị.

2 Anịkọrịntị 11:12

Ịsị mị mẹ aanị, m maa yịị mẹ nị. Me yi sì ka ẹnị ana aā hị́ ẹngụ ẹnịnị ezirẹma Ijeesu, è re oze wo oto ka ẹyịrị ẹnị vị ọnyọọnya.

1 Anịkọrịntị 9:12

Wâ dọ nịnị ka ịsị ụ wàa nyị, ẹwụrị aza ana vọ ẹ̀ gà a nịnị. Ẹyị a vana vọrọ ka wa vịdị gà ịsị ụ wàa nyị tù nịnị nị. Ịsa ẹnẹẹ ệ vọrọ tụra yị, ama yẹ yị va kà ka wa sị yị nịnị. Ama yâ sị ẹngụ dọ avaba ịsa, agụvị ka ye yi sì ka ịsọnyị-ịsọnyị ọ̀ dọ enube ọyịza Ikirisiti oze.

Odeyi 20:34

Ẹwụ nịnị ụvọta ộ yẹ ka ụvọta amị ọnọnị mị sị mẹ̀ ụkọrọ anaa vọrọ ka ẹmịrị aza ana yà pe mi, ẹ̀ẹ rị nị.

Odeyi 20:36

Ịjị Ịpọọrụ sị ịrẹyị anị kà ta, dị ọnịrị wa ku ẹtẹ, dị ẹ mẹ̀ aduwa nị.

3 Ịjọọnụ 1:7

Agụvị ịrẹyị Ijeesu aza ẹnẹẹ sị sị aa jịnẹ nị. Ẹnịnị ẹ́ yị dọ ka ẹnị ẹ̀ dọ ịsọnyị-ịsọnyị hụụnị ụvọ aza ẹnẹ ẹ̀ yị vị ọdọwụ.