Odeyi 20:17 - IWE ỌNỊNỊ

¹⁷ Ịpọọrụ ộ tụ́ ọnụtụ hụrẹ Imiretusi nọ Ẹhwẹsọsị. Dị ọ ka ọ̀ kà a yị azọkụ ịragụ Ohomorihi ene hi ịzọọ ka è ve tù ọnị nị.

Odeyi 20:17 Referans Kwoze

Ịtayịtọsị 1:5

Iruvo ọnị mị sị navọ wụ tụ́ Ikirete ọ vị ka we tenyi ịsa ana a vọrọ ka à mẹ nị. Nyị azọkụ ịragụ Ohomorihi tụ́ ẹkụra ọzọza. Tamayị ịsị mị vịdị kà wụ oo!

Odeyi 11:30

Ịzẹyịza, dị ẹ vavọọ mẹ nị. Dị ẹ sị ịsị e re tụ́ Ịbanabasị ọnịrị Ịsọọrụ hi azọkụ ịragụ Ohomorihi ene hi Ijerusarẹmị nị.

1 Itimoti 5:17

Azọkụ ịragụ Ohomorihi ana àa mẹ̀ ụkọrọ ẹtẹẹrẹ, vị ana a vọrọ ka à sị ụbanyị yị, dị à rẹẹ sị ịsaa yị wa; hu keekere, aza ana aa sịị vụrị ka ẹnị ẹ̀ẹ kà ịrẹyị Ohomorihi, dị ẹnị ẹ̀ rẹẹ zụ̀ aza ịsa.

Ijemiisi 5:14

Àa nyị ọza ẹnẹ ẹngụ aa zị ịnị ẹngụ awụ nịnị, ọza ọnọọ ọ̀ hị́ azọkụ ịragụ Ohomorihi, dị ẹ va aduwaa yọ, dị ẹ̀ sị angwẹ sisi ọ ịrẹsụ ịnị ịrẹha Ananyị yị.

Odeyi 20:28

Sị eyi pe ẹngụ awụ nịnị! Du we re sị eyi pe avaba aza Ohomorihi ọnị Ụhwẹ Ọnịnị si chire wu nịnị ụvọ! Waa tẹsị anịragụ Ohomorihi nịnị! Wâ yẹ nịnị ka anya ẹngụ anị ọ sị mẹ ka ẹ̀ vị áanị nị.

Odeyi 14:23

Ịnị ịragụ Ohomorihi ọnya-ọnya, Ịpọọrụ nịnị ệ nyị azọkụ ịragụ yị wa. Dị ẹ mẹ̀ aduwa, dị ẹ za awẹ, dị ẹ kụ́ aza ẹnẹẹ chire Ananyị yị ẹnị ẹnịnị sị ayị tụra ụvọ nị.

3 Ịjọọnụ 1:1

Ẹmị ọzọkụ ịragụ Ohomorihi aa chẹrẹ iwe ọnọnịị túu hi ẹwụ Ịgayọsị ọnị mị sì ịrẹyị anị ẹtẹẹtẹrẹ nị.

2 Ịjọọnụ 1:1

Ẹmị ana vị ọzọkụ ịragụ Ohomorihi aa chẹrẹ iwe ọnọnịị tụ́ụ hi wu, onyeyiza ayị ọnị Ohomorihi nyị ọnịrị ezi anị. Mée sì ịrẹyị awụ nịnị ẹtẹẹtẹrẹ. Ẹ yị vị ẹmị ịnya kẹnẹ o sì ịrẹyị awụ nịnị, ama avaba aza ana sị ịzẹyịza dọ.

1Ipita 5:1

Máa nyị ịrẹyị ọyịkà yi azọkụ ịragụ Ohomorihi ene hi ịnị akakana awụ nịnị. Ẹmị rẹ vị ọzọkụ ịragụ anka ẹwụ nịnị. Mâ sị eyi amị re ụya ọnị Ikirisiti rị. Ẹmịrị ẹwụ nịnị vaa nyịị tụ́ ịnị ụbanyị Ijeesu Ikirisiti oni Ohomorihi vaa sịị zụ̀ aza.

Odeyi 16:4

Ẹ màa na ịnị ẹkụra ẹnẹẹ, dị ẹ kà a yị ọdọwụ ene re hi ịzọọ ka è sị eyi pe ọda ana odeyi nịnị ọnịrị azọkụ ịragụ Ohomorihi mẹ Íjerusarẹmị nị.

Odeyi 15:23

Dị a chẹrẹ iwe ọnọnị, dị a sị tụ́ wa ụtụ nị: “Ẹyị odeyi beri azọkụ ịragụ Ohomorihi ọnịrị ọdọwụ ana vọ, yâ kụ́ wụ nịnị ẹtẹẹtẹrẹ, ẹwụ nịnị anda ayị ẹnẹ ẹ̀ yị vị Aniju ene hi Antịyọkị ọnịrị Isiriya ne beri Isirisiya!

Odeyi 15:6

Dị odeyi nịnị ọnịrị azọkụ ịragụ nịnị gẹ, ka eni è ro tụ́ ịnị ịrẹyị ọnọọ nị.

Odeyi 15:4

Ịjị e tù Ijerusarẹmị, anịragụ Ohomorihi beri odeyi nịnị ọnịrị azọkụ ịragụ nịnị ệ kụ́ wa nyaasẹ ẹtẹẹtẹrẹ. Dị Ịpọọrụ nịnị kà a yị wa avaba ịsị Ohomorihi pe wa mẹ nị.

Odeyi 18:19

Ẹ mẹ̀ va sị ngụ Ẹhwẹsọsị, dị Ịpọọrụ navọ wa tụ́ ịzọọ nị. Dị ọnị nọ ini irehi Ohomorihi Aniju nịnị, di e pe Aniju nịnị kà ịrẹyị nị.

Odeyi 20:15

Dị ị sị ẹpa hụụ ịzọọ, dị ị va ngụ ọgụrị Ichiyosi eyinẹhẹ anị nị. Eyinẹhẹ ọnị ị va ngụ ịzọọ, dị ị rẹ va ngụ Isamosi nị. Eyinẹhẹ ọnị ị rẹ va ngụ Isamosi, dị ị rẹ va ngụ Imiretusi nị.