Odeyi 2:36 - IWE ỌNỊNỊ

³⁶ “Agụvị avọọ ẹwụ nịnị Anisirẹrị, yẹ nịnị ịzẹyịza ka Ijeesu ọnọọ ọnị ụ kanyị za ọchị nịnị, ọnị Óhomorihi mẹ Ananyị yị ọnịrị Ọdọzaha nị!”

Odeyi 2:36 Referans Kwoze

2 Anịkọrịntị 5:10

agụvị ka ẹ yị zụ nyị ka avaba ayị ọ yị vaa nọ ọvịdị Ikirisiti, dị ọ̀ mẹ̀ ọkarẹyị yị. Ọzọza vaa dọ ọgụ ịsa ọnị ọ mẹ, ọ mẹ̀ yà ịnị ẹhẹ ọnọnị; ọ̀ọ vị ọyịza, ọ̀ọ vị odivi.

Ezikẹẹrị 34:30

Ẹnẹyịmavara kà avaba aza vaa yẹ ka Anisirẹrị nịnị vị aza anị. Ọnị Ohomorihi ee sere wa nị.

Ịzakaraya 13:1

Ẹnẹyịmavara Ochẹtẹẹngụ kà a ịjị ụmẹ òo si tù, enyi vee si hụụnị ẹtẹ ana vaa nyịna ezi Idevidi ẹnịrị aza ene hi Ijerusarẹmị hụụnị ebira odivi ẹnịnị ọnịrị ẹvụvụ ori ọnị ẹ yaa hẹkẹ.

Iruuku 2:11

A sị ozi ọnya ma yị wụ nịnị ajịnị tụ́ ịnị ẹkụra Idevidi. Ozi ọnọọ ọ vị Ọdọzaha nị, ọnị ọ vị Ikirisiti Ananyị yị nị.

Ijeremaya 33:14

Ẹnẹyịmavara kà, re, ụmẹ aa vẹ ọnị ọnị vaa mẹ avaba ịsa ọnị ọnị ka ọnị vaa mẹẹ yị Anijuda ẹnịrị Anisirẹrị nịnị aanịị yị wa.

Ijeremaya 31:31

Ẹnẹyịmavara kà, re, ụmẹ aa vẹ ọnị ọnịrị Anisirẹrị beri Anijuda nịnị vaa zẹẹ oto ọwọọwa.

Ijeremaya 9:26

Anijipiti nịnị, Anijuda nịnị, Anedomi nịnị, Anaamọnị nịnị, Animowabi nịnị ẹnịrị avaba aza ana ra hi ịnị ụnọmị rọnyị-rọnyị. Ka avaba aza ẹnẹnị ẹ yị jị ụvẹvẹnẹ, dị avaba Anisirẹrị nịnị ẹnị ẹ̀ yị rẹ mẹ̀ ebira aza ana a jị ụvẹvẹnẹ nị.

Ijeremaya 2:4

Wụ ịrẹyị ọnị Ẹnẹyịmavara aa ka nịnị, avaba ẹwụ nịnị evere Ijekọvụ ana vị Anisirẹrị.

Ezikẹẹrị 36:22

Avọọ, ọnị Ezikẹẹrị ọ̀ na kà ụtụ ọnị ọnị Ẹnẹyịmavara aa tụụ hi Anisirẹrị nịnị aanị booro aanị ka: Ẹ́ yị vị agụvị ẹwụ nịnị Anisirẹrị ọnị aa vaa mẹ ịsị ọnị ọnị aa vaa mẹ aanị o, ama, agụvị ịrẹha ọnịnị anị ọnị waa mẹ ụhịị nyịị ngụ ẹkụra-ẹkụraa zị nịnị yọ nị.

Ezikẹẹrị 36:32

Ẹnẹyịmavara kà, ọnị ee sì ka ẹwụ nịnị Anisirẹrị ọ̀ yẹ ka, ẹ́ yị vị agụvị awụ nịnị ọnị vaa mẹ avaba ịsa ẹnẹnị o. Ọnị ee sì ka ụhị ịsa ọnị waa mẹ ọ̀ nyị wụ nịnị.

Ezikẹẹrị 45:6

A rẹ́ vaa dà ẹtẹ ọsaa gụrị ẹtẹ ana á dà tịtẹ yị Ohomorihi aanị. Ẹtẹ ọnọọ vaa gọdọ ikiromita ẹwụrẹva rị ẹjịjị, dị ọ gana ikiromita ẹẹva rị ẹjịjị. Ẹkụra ịzọọ vaa vị̀ị yị avaba Anisirẹrị nịnị dị ẹ ra ịnị anị nị.

Odeyi 2:35

pooro dị ma sị ọnịvị awụ tụ́ ịzị ụ waa kụ́ ahụụ hi.”

Odeyi 5:28

“Aanịka yẹ́ẹ́ kà wụ nịnị ọ̀nọ̀ ka asị ụ kụkụ sị ịrẹha ọnọnị zụ̀ aza ịsa nịnị? Wee re nịnị! Ịsị ụ waa sịị zụ̀ aza nịnị, ọ sị gara hi avaba Ijerusarẹmị. Wee sì ka à kà a ka ẹ ya mẹ ka a wụ̀ nị.”