Odeyi 2:10 - IWE ỌNỊNỊ

¹⁰ beri Ihwirigiya ọnịrị Ipamihwiriya, Ijipiti ọnịrị oze eyi Iribiya ọgụrị Isayirini. Aza ẹnyị ẹ rẹ hụrẹ Iroomi vẹ. Aza ẹnyị ẹ yị vị Aniju, ọsa vị azọga ana dọ ahẹkẹ Aniju nịnị.

Odeyi 2:10 Referans Kwoze

Odeyi 16:6

Ịpọọrụ nịnị ệ zị oze ẹtẹ Ihwirigiya ọnịrị Ịgaratịya na para hu, agụvị ka Ụhwẹ Ọnịnị ọ yị zẹẹ ka ẹ̀ kà ịrẹyị Ohomorihi ịnị ẹtẹ Esiya.

Ịzakaraya 8:23

Ẹnẹyịmavara Ochẹtẹẹngụ ka, ịnị ụmẹ ọnọọ anẹkụra ọsa nịnị vaa vẹ vee tụ́ Aniju, dị ẹ sị ụvọ za ụtọ awuru anị, dị ẹ ka ẹnị a saasa a agụvị ka ẹnị ẹ wụ́ ka Ohomorihi ya pe e.

Odeyi 18:23

Ộ yà Antịyọkị chee, dị ọ rẹ hụụ ịzọọ nị. Dị ọ zị oze Ịgaratịya ọnịrị Ihwirigiya na para hu, dị aa tụ́ ọdọwụ ene hi ịzọọ ọtụtụrụma nị.

Odeyi 15:38

Ama Ịpọọrụ oni o yi ro ka â vọrọ ka ẹnị rị ọọ ẹ̀ zị, agụvị ka Ịmaakị ọ yị saasa wa ne tù ẹtẹ; Ipamihwiriya ọ yà varẹma, dị ọ navọ wa nị.

Odeyi 13:43

Ịjị aza ẹnẹẹ sị gara hi, Aniju ọrụrụ-ọrụrụ ọnịrị Anigiriki, ama dị ẹ sị ahẹkẹ Aniju dọ, ệ saasa Ịpọọrụ ọnịrị Ịbanabasị. Dị Ịpọọrụ ọnịrị Ịbanabasị aa kà ịrẹyịị yị wa ka ẹ̀ dọ ayamva oni Ohomorihi aa sịị yị wa, dị ẹ̀ sị ụvọ za a.

Odeyi 13:13

Ịpọọrụ nịnị ệ hụrẹ Ịpahwọsị, dị ẹ ngụ ẹpa nọ Ipeega ịnị ẹkụra Ipamihwiriya nị. Dị Ịjọọnụ Ịmaakị hụrẹ wa ụvọ ịzọọ, dị ọ sị varẹma nọ Ijerusarẹmị nị.

Ịzakaraya 8:20

Ẹnẹyịmavara kà, ụmẹ aa vẹ ọnị aza ọrụrụ vaa vị Ijerusarẹmị

2 Itimoti 1:17

Ọ màa yị va ngụ Iroomi kẹnẹ ô sì mi avaba aha, di o ve re mi nị.

Aniroomi 1:15

Agụvị avọọ ma sị ẹngụ tenyi, di me re ka ma rẹ kà enube ọyịza yị ẹwụ nịnị ene re hi Iroomi bẹẹ.

Odeyi 27:5

Ẹ́pa ayị mẹ̀ sị para oku Isirisiya ọnịrị Ipamihwiriya hu, di i ve tù Imira ịnị ẹtẹ Irisiya nị.

Odeyi 14:24

Ệ zị oze Ipisidiya para hu, dị ẹ va ngụ Ipamihwiriya nị.

Odeyi 11:20

Ẹnyị ịnị ọdọwụ ẹnẹẹ vị Aniju ana hụrẹ Ịsayịpịrụsị ọnịrị Isayirini vẹ. Ệ nọ Antịyọkị, dị ẹyaa kà enube ọyịza Ijeesuu yị Anigiriki nịnị bẹẹ nị.

Ịmaakị 15:21

Ẹ mẹ̀ sị ọọ aa na, ê re ọza ịnya aanị ana aa parahu, ọ mẹ̀ hụrẹ aarẹ aa vẹ. Aā hị́ ọọ Ịsayịmọnị Anisayireni; ọnị ọ vị ada Arẹkịsanda ọnịrị Iruhwọọsị nị. Dị ẹ sị ụkata za a ka ọ̀ va za apavahị Ijeesu nị.

Imatiwu 27:32

Ẹ mẹ̀ sị ọọ aa na, ê re Anisayireni ọnya aanị. Aā hị́ ọọ Ịsayịmọnị. Dị ẹ sị ụkata za a ka ọ̀ va za apavahị Ijeesu nị.

Ihoseya 11:1

Ẹnẹyịmavara kà Isirẹrị mẹ hụrẹ vị ozweyi ọnị sì ịrẹyị anị, dị ọnị hị́ ọ hụrị Ijipiti nị.

Ịdanịyẹrị 11:43

Avaba igooru ọnịrị Isiriva beri ogu ana nyị eyi ana vọ ana Anijipiti kụ tẹ vị ọnị ohinọyị Isiriya ọnọnị vaa kụ. Anẹkụra anaā hị́ Aniribiya ọnịrị Etiyopiya vị ọnị ọ rẹ vaa nyị ẹbẹẹba anị.

Ezikẹẹrị 30:5

Isoja ana Anijipiti nịnị na hị́ hụrị ẹtẹ Anikusi, Iridiya, Aniribiya, Arebiya, Ikubu ọnịrị ẹnị ana a na hị́ hụrị aha ana vọ vị ana a vaa wụ̀ ịnị ịrẹkụ ọnọọ.

Ijeremaya 46:9

Kà a ka à kụ umaata ọnịrị ụkẹkẹ ịrẹkụ hi ẹhẹ. Kụ isoja nịnị hi ẹhẹ, kụ́ Anẹkụra ana aā hị́ Isudanị ọnịrị Aniribiya ana yara kụ ịrẹkụ hi ẹhẹ. Na kụ Anẹkụra ana aā hị́ Iridiya ana yara ne ọpa ẹtẹẹtẹrẹ hi ẹhẹ nịnị.

Oyinyima 12:10

Ịnị ụmẹ ọnya ụngwẹ ô nyima aa kụ̀ ịnị ẹtẹ Ikanaani. Ụngwẹ ọnọọ vị ana aa kụ̀ ẹtẹẹtẹrẹ, agụvị avọọ di Abụramị si hu aa nọ Ijipiti ka ọnị ọ̀ na ra ịzọọ nị.

Ẹtore 11:8

Oku ẹnịnị vaa yà ini oze ẹkụra ọbanyị, ịzị a vịdị kanyị Ananyị yị za ọchị apavahị. Ịrẹha ẹkụra ọnọọ ana ahịka vị e si juwe ịsa nị, aā hị́ Isodọmị, à vị Ijipiti nị.

Aniroomi 1:7

Mâ kụ́ avaba awụ nịnị ene hi Iroomi oni Ohomorihi sì ịrẹyị anị, dị ọ hị́ wụ nịnị ka wa vị aza anị. Ohomorihi Ada ayị ọnịrị Ijeesu Ananyị yị ọnị ọ nyị ka ọ̀ dọ yị há ẹ̀ mẹ ọyịza wụ nịnị, dị ẹ̀ rẹ sị ẹngwọọrọ yị wụ nịnị!

Odeyi 28:15

Ọdọwụ ene hi Iroomi ệ wụ́ ka yaa vẹ, dị ẹ vẹ pooro ve tù ohu Apiyọsị ọnịrị ẹkụra “Irehi aha ọyịchi ẹẹta”, dị ẹ va gẹrị ẹyị nị. Ị́pọọrụ mè re wa, ộ kụ́ Ohomorihi avọ, dị ayị anị nẹtẹ nị.

Odeyi 18:2

O ne tù Aniju ọnya ịzọọ, ana aā hị́ Akwira; ẹkụra Ịpọntụsị a yà ma a nị. Ose anị ọ rị Ipirisira nị. Oò yi kù ẹnẹ ẹnịnị hụrẹ ẹtẹ Itari vẹ. Ệ hụụ ịzọọ, agụvị ka ohinọyị Ịkịrawụdịyọsị ộ mẹ̀ ọda ka à dụ avaba Aniju nịnị jịnẹ hụrẹ Iroomi. Dị Ịpọọrụ ne hee wa,

Odeyi 13:1

Ịnị ịragụ Ohomorihi ana yà Antịyọkị â nyị ọnịsẹ ẹnyị ọnịrị ọzwọzịsa nịnị ene hi ịzọọ. Ẹnịnị ẹ vị Ịbanabasị ọnịrị Isimiyọnị ana aā hị́ Ozoji, beri Irusiyọsị ana vị Anisayireni, ne beri Imaneya ana a pá ọnịrị Ịhẹrọdị ohinọyị aha ọnya, ọnịrị Ịsọọrụ.

Odeyi 6:9

Dị aza ẹnyị aanị kwẹẹtẹ tù Isitivini nị. Ini ogu aza ana nyị irehi Ohomorihi ẹnịnị ẹ yà nị. Aā hị́ wa “Aza ana sị ẹngụ ẹnịnị nyị.” Ẹnịnị vị Aniju ana hụrẹ Isayirini ọnịrị Arẹkịsanda vẹ. Ẹnyị vị ana rẹ hụrẹ Isirisiya ọnịrị Esiya vẹ. Eyee pe Isitivinii nyị ahankata.

Odeyi 6:5

Ịrẹyị ọnọọ ô zé avaba ẹnịnị eyi. Dị ẹ nyị Isitivini nị, ana sị ayị tụra Ohomorihi ẹtẹẹtẹrẹ, dị Ụhwẹ Ọnịnị rẹ dọ avaba ayị anị. Dị ẹ rẹ nyị Ihwiripi ọnịrị Ipirokorusi beri Inikanọ ọnịrị Itimoni nị. Ẹ rẹ nyị Ipaminasi ọnịrị Inikorasi Anantịyọkị ana dọ ahẹkẹ Aniju.

Imatiwu 2:15

Dị ẹnịnị yà ịzọọ pooro ne tu ụmẹ ọnị Ịhẹrọdị wusu nị. Ọnọnị ộ mẹ̀ agụvị ịsa ọnị Ohomorihi zi oze ịnị ụvọ ọnịsẹ anị ọnya ka, ọ̀ zụ sẹ. Ộ kà a ka, “Hụrị ẹtẹ Ijipiti mị hị́ ozi emi hụrẹ vẹ nị”.

Ijeremaya 9:26

Anijipiti nịnị, Anijuda nịnị, Anedomi nịnị, Anaamọnị nịnị, Animowabi nịnị ẹnịrị avaba aza ana ra hi ịnị ụnọmị rọnyị-rọnyị. Ka avaba aza ẹnẹnị ẹ yị jị ụvẹvẹnẹ, dị avaba Anisirẹrị nịnị ẹnị ẹ̀ yị rẹ mẹ̀ ebira aza ana a jị ụvẹvẹnẹ nị.

Ẹsịta 8:17

Dị avaba Aniju ene hi ịzị ọda ọnọọ tù ịnị ẹtẹ ọnọọ aa rị eche anị. Dị aahẹ aa sụ́ ịrẹyị kuu ịnị avaba ẹtẹ ọnọọ nị. Dị angwahi sị ngụ aza ana vọ ẹngụ nị. Dị aza ọrụrụ-ọrụrụ anẹkụra irenyi-irenyi kụkụ aa hí ẹngụ ẹnịnị Aniju nị.

Odeyi 23:11

Ịrahụ ịhị ọnọọ, dị Ananyị yị va jẹẹ pe Ịpọọrụ, dị ọ ka, “Ngwara eyi hi! Ụ mẹ̀ kà ịrẹyị amị Íjerusarẹmị aanị, â nyị ka wa rẹ dọ ivenu amị Íroomi.”

Imatiwu 23:15

Wa sị dà nịnị. Ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Ẹ yị nyị ịzị ụ wẹ̀ yị mā nọ ka wa na sị ọza vẹ ịnị ahẹkẹ awụ nịnị. Wàa raà sị ọọ vẹ, dị ụ vara a ozi ini ẹkụra huna ẹngụ awụ nịnị ụvọta.

Odeyi 2:11

Aza ẹnyị ayị ẹ rẹ hụrẹ Ikirete beri Arebiya vẹ. Dị ị maanị yị hụrẹ ẹkụra irenyi-irenyi vẹ, ya yị wụ́, ẹ màa sị ẹkụra ayịị kà ụkọrọ ohyozirenu oni Ohomorihi mẹ.”

Odeyi 17:21

Avaba Anatẹnị ọnịrị azọga ene hi ịzọọ vị eneē sì ka ẹnị ẹ̀ sị avaba ụmẹ ẹnịnị tịtẹ, dị ẹnị ẹ̀ sịị kà ịrẹyị, dị ẹ̀ rẹẹ̄ wụ́ ịtọpa ịsa ọwọọwa ana àa mẹ kẹnẹ.