Odeyi 19:38 - IWE ỌNỊNỊ

³⁸ Idemetiriyọsị ọnịrị anụkọrọ anị ẹ̀ẹ ka â nyị ọza ana nyị ịrẹyị ẹnịnị, ẹkụhị ikootu yà ịzọọ, ọnọba nịnị re hi ẹtẹ, ẹ nyẹngụ na hị́ ẹngụ ịrẹka ịzọọ.

Odeyi 19:38 Referans Kwoze

Odeyi 13:7

Ozi Ijeesu vị ọnya ini ezi ahụ ọnọba ẹkụra ọnọọ ana aā hị́ Ịsagịyọsị Ịpọọrụ. Ộ yẹ ịrẹyị ẹtẹẹtẹrẹ. Ọnọba ọnọọ ộ hị́ Ịbanabasị ọnịrị Ịsọọrụ nọ ịdị anị, agụvị ka ee sì ka ọnị ọ̀ wụ́ ịrẹyị Ohomorihi.

1 Anịkọrịntị 6:1

Àa nyị ọza awụ nịnị ọnị ọnịrị ọdọwụ ọsa nyị ịrẹyị, ọ́ọ́ vọrọ ka ọ̀ sị ọ nọ ikootu ịdị aza ẹnẹ ẹ̀ yị vị Anikirisiti? Sị ẹ vẹ dị ẹ̀ẹ ma kụ́ ẹngụ ẹnịnị nọ ịdị aza Ohomorihi?

Odeyi 18:14

Ị́pọọrụ mẹ̀ ka ọnị ọ̀ yị há irenu ịrẹyị kẹnẹ, dị Igariyo kà a yị Aniju nịnị ka, “Àa yaanị vị ịrẹyị ka ọza ộ jịnẹ ọda, à vị ka ộ mẹ̀ ịsa odivi ẹnyị kẹnẹ yọ nị, ọ yaanị vọrọ ka me batọ ịrẹyị awụ nịnị, ẹwụ nịnị Aniju.

Iwe Ọhụhị Imosiisi ana aa hị́ Ọyịvatụrọda 17:8

Àa nyị ịrẹyị ọkatẹngụ ọnị ọmọkarẹyị okokooro ẹ yị zụ ka, anka ẹhụ ịrẹyị ogu oyizune, ụnava ịnị ọchẹngụ, a vị ẹhahi ọza ọyị wụ̀ ọnịrị ọza ọyị nyeeyi wụ̀. Ẹngụ ịrẹyị ẹnẹnị vị ana vaa kụ nọ ịzị Ẹnẹyịmavara Ohomorihi nyị ka aa hẹkẹ ọnị.

Odeyi 13:8

Ịrẹha ọnịsẹ ireche ọnọọ ọ rị Erimasi ịnị ẹkụra Anigiriki nị; iruvo ịrẹha anị vị ọnịvọpa. Erimasi ọ yị zẹẹ Ịbanabasị ọnịrị Ịsọọrụ; ee sì ka ọnị ọ̀ vara ọnọba ọnọọ ayị ka asị ọ dọ Ohomorihi wụ́.

Odeyi 13:12

Ịjị ọnọba ọnọọ re ịsị ẹ mẹ, ộ dọ Ohomorihi wụ́, agụvị ka ịrẹyị Ohomorihi ọnọọ wụ́ ô hí oo irenu.

Odeyi 19:24

 nyị ọza ịnya aanị anaā mẹ̀ ụhị. Ịrẹha anị ọ rị Idemetiriyọsị nị. Ọọ̄ sị enyusẹ mẹ irehi ori ọnẹẹ ẹnẹ ẹẹ̄ hị́ Atemiisi ana aza ẹnyịị hị́ Idiyana. Ụkọrọ ọnọọ ộ nyị ọgụ yị anụkọrọ ẹnẹẹ ẹtẹẹtẹrẹ.

Odeyi 19:39

Ama àa nyị ịrẹyị ọsa oni u wee sì nịnị, a nyẹngụ kụ́ ọọ nọ ịzị ọdọvịdị ayị nịnịị̄ kụ́ gụ, di aa na kà a ịzọọ.