Odeyi 19:26 - IWE ỌNỊNỊ

²⁶ Wê ree nịnị, dị ụ rẹ wụ́ ọọ nịnị bẹẹ nị ka Ịpọọrụ ọnọnị ọ sị aza ọrụrụ-ọrụrụ vara ayị, ayị vị ini Ẹhwẹsọsị kẹnẹ, ama avaba ẹtẹ Esiya. Ọ kà ịsị aza sị ụvọ mẹ, ayị vị Ohomorihi ẹ vị.

Odeyi 19:26 Referans Kwoze

1 Anịkọrịntị 8:4

Ini oze ịrẹyị ka áá zụ rị ịsa ana a sị mẹ̀ ịsọvọ yị ori nịnị, yâ yẹ ka ẹ yị nyị ịsị ori nịnị vị ịnị ẹhẹ. Ya rẹ yẹ ka Ohomorihi vị ọnya chọchọchọ.

Odeyi 17:29

Yàa vị ezi Ohomorihi, ẹ yị vọrọ ka ye ro o ka ya zụ sị ịsa anaa sị igooru ọnịrị ọmọ beri ịrẹta bẹ juwe anị. Ịsa ẹnẹẹ vị ụkọrọ ụvọ aza kẹnẹ; ariro aza ẹ jẹẹ yị nị.

Ẹtore 9:20

Aza ana vọ ọnị ụyọrị ẹẹta ẹnẹẹ ẹ̀ yị wụ, e yi yi ro ịnẹ varẹma hụụnị ịsa ẹnẹ ẹ yaa mẹ. Ẹyaa yị hẹkẹ ụhwẹ echu nịnị ọnịrị ori ana a sị igooru ọnịrị enyusẹ irenyi-irenyi ọnịrị ịrẹta beri ọchị mẹ. Ịsa ẹnẹẹ ẹnị e yi zụ re ẹtẹ, ẹ yị zụ wụ́ ịrẹyị, ẹ yị rẹ zụ zị ụsẹ.

Odeyi 19:10

Ịpọọrụ ộ vavọọ mẹ̀ ẹ mẹ ịrayị ẹẹva. Dị avaba aza ana ra ịnị ẹtẹ Esiya, Aniju ọnịrị Anigiriki, wụ́ ịrẹyị Ananyị yị nị.

Odeyi 14:15

“Anda ayị nịnị, sị ẹ vẹ dị ụ maanị aa mẹ nịnị aanị? Ọza anka ẹwụ nịnị mẹ̀ rẹ yà ị vị nọ! Yâ vẹ ịzẹnị ka ya va kà enube ọyịza wụ nịnị, ka wa và hụụnị ịsa kẹnẹ-kẹnẹ ẹnẹnị, dị ụ wa và ká Ohomorihi ana yàra na nịnị! Ohomorihi ọnọọ ọ mẹ ẹbẹẹba ọnịrị ẹhẹ beri òkū ọnịrị avaba ịsa ene hi ịnị ẹnịnị nị.

Iwe Ọhụhị Imosiisi ana aa hị́ Ọyịvatụrọda 4:28

Ẹnị ene hi ẹhẹ vị ana vaa hẹkẹ ori nịnị ọnị ọzarẹyịrẹsụ sị ụvọ anị mẹ̀, ọchị ọnịrị ịrẹta. Ori ẹnịnị ẹ yị zụ re ẹtẹ, ẹ yị zụ wụ̀ ịrẹyị, ẹ yị zụ rị ịsa, dị ẹ hyakụ zụ wụ̀ agụ ịsa.

1 Anịtẹsaronika 1:9

Avaba aza aa kà a, u meme sì yi ọzọga nịnị, i mè ve hee wu nịnị. Ẹ rẹ yaa kà a, ụ mẹmẹ và hụụnị ori ọyịhẹkẹ và ká Ohomorihi vẹ nịnị, dị ụ kụkụ aa hẹkẹ Ohomorihi obooro ana yára nịnị.

Anigaratiya 4:8

Ịjị ụ wẹ̀ẹẹ̀ yị yẹ Ohomorihi nịnị, wâ vị ọrịhị tụ́ ịnị ụvọ ori nịnị ẹnẹ ẹ̀ yị vị Ohomorihi.

1 Anịkọrịntị 12:2

Wâ yẹ ka ịnị ụmẹ ọnị ụ vị anarịmadọwụ nịnị, â kụ́ wụ nịnị nyeeyi zị oze irenyi-irenyi na ngụ ịdị ori ẹnẹnị ẹnẹ ẹ̀ yị nyị ụhwẹ.

Ijeremaya 10:11

Kà ẹ yị wa nịnị ka, ori ẹnẹnị, ẹ yị vị ẹnị ọ mẹ ẹbẹẹba ọnịrị ẹhẹ ọnọnị. Ẹnịnị vị ene e vee vú ẹtẹ hụụnị ẹhẹ. Ọza, e me vene re wa ịnị ẹhẹ.

Odeyi 18:19

Ẹ mẹ̀ va sị ngụ Ẹhwẹsọsị, dị Ịpọọrụ navọ wa tụ́ ịzọọ nị. Dị ọnị nọ ini irehi Ohomorihi Aniju nịnị, di e pe Aniju nịnị kà ịrẹyị nị.

Ihoseya 8:6

Ọza ọ bẹ ọchị ọnị ẹ yaa hẹkẹ avọọ nị. Ori kẹnẹ ọ vị nị, agụvị avọọ ọnị aa chaka a rugurugu ha.

Odeyi 19:1

Aporo ọnị mẹ̀ yà Ịkọrịntị, dị Ịpọọrụ zị oze ịnị akakana ẹkụra ọnọọ, dị ọ na ngụ Ẹhwẹsọsị nị. Di o ne tù ezirẹma ẹnyị ịzọọ nị.

Odeyi 19:25

Dị ọ hị́ avaba aza ọnị ọnịrịị̄ mẹ̀ ụkọrọ ọnọọ gụ, dị ọ ka, “Ẹwụ nịnị ẹyịnyara amị, wâ yẹ nịnị ka ụkọrọ ọnọnị ọ sị yị da hí nị.