Odeyi 19:25 - IWE ỌNỊNỊ

²⁵ Dị ọ hị́ avaba aza ọnị ọnịrịị̄ mẹ̀ ụkọrọ ọnọọ gụ, dị ọ ka, “Ẹwụ nịnị ẹyịnyara amị, wâ yẹ nịnị ka ụkọrọ ọnọnị ọ sị yị da hí nị.

Odeyi 19:25 Referans Kwoze

Odeyi 16:19

Ịjị ọga ozi ọnẹẹ ọnọọ re ka oze ẹkẹhị ẹnịnị o si gu, dị ẹ wụsẹ va za Ịpọọrụ ọnịrị Isira, di e tura wa nọ ini orere ịdị ọdọvịdị ẹnịnị nị.

Ẹtore 18:3

Ọ raà mẹ ka avaba anẹkụra ẹ dọ ọda ebira ịdọtị ọnị ọọ̄ mẹ̀. Ohinọyị anẹhẹ nịnị e reè pe e sẹ̀ ịrẹka. Agụvị ka ụbanyị anị ẹ mā hụ ọọ, ọ raà mẹ ka osohu anẹhẹ nịnị ẹ̀ vara ọnyẹkẹhị.

2Ipita 2:3

Ọnịsẹ ireche ẹnẹẹ vị eneyọhụrẹ, agụvị avọọ dị ẹyaa sị ịtọpa irechee vene wu nịnị, agụvị dị ẹ̀ zụ sị wụ nịnị sẹ ohu. O si kù ọnị ọmọkarẹyị ẹnịnị tenyi ẹngụ tịtẹ. Ụmẹ ana vọ aa chee aanị, dị à wụ̀ wa vá ha.

Ihoseya 4:8

Ẹ yaa tụ́ aza ụka ka ẹẹ mè ebira odivi agụvị dị ẹnị ẹẹ kụ́ ịsa ịsọvọ ịvị ẹnịnị rị.

Odeyi 19:24

 nyị ọza ịnya aanị anaā mẹ̀ ụhị. Ịrẹha anị ọ rị Idemetiriyọsị nị. Ọọ̄ sị enyusẹ mẹ irehi ori ọnẹẹ ẹnẹ ẹẹ̄ hị́ Atemiisi ana aza ẹnyịị hị́ Idiyana. Ụkọrọ ọnọọ ộ nyị ọgụ yị anụkọrọ ẹnẹẹ ẹtẹẹtẹrẹ.

Odeyi 19:26

Wê ree nịnị, dị ụ rẹ wụ́ ọọ nịnị bẹẹ nị ka Ịpọọrụ ọnọnị ọ sị aza ọrụrụ-ọrụrụ vara ayị, ayị vị ini Ẹhwẹsọsị kẹnẹ, ama avaba ẹtẹ Esiya. Ọ kà ịsị aza sị ụvọ mẹ, ayị vị Ohomorihi ẹ vị.