Odeyi 19:23 - IWE ỌNỊNỊ

²³ Ịnị ụmẹ ọnọnị, ẹkụra Ẹhwẹsọsị ọ sị vazi agụvị oze Ikirisiti.

Odeyi 19:23 Referans Kwoze

Odeyi 24:22

Ịhwẹrịsị ộ yẹ ini oze Ikirisiti ẹtẹẹtẹrẹ. Dị ọ za ịrẹyị ọnọọ jẹẹ nị. Dị ọ ka, “Ịjị Irisiya ana vị ọga ọbanyị isoja nịnị ọ̀ọ vẹ, mị vaa mẹ̀ ọkarẹyị ịrẹyị awụ nịnị.”

Odeyi 19:9

Aza ẹnyị ịnị aza ẹnẹẹ vị anayọkatẹngụ ọnịrị anakamawụ. Dị ẹyaa kà ịrẹyị odivii hi oze Ohomorihi ini eyi anịragụ nị. Agụvị avọọ, dị Ịpọọrụ hụụ ịzọọ yị wa, dị ọ rẹ kụ́ ezirẹma ene ịhị ịzọọ nị. Dị ọ kụkụ aa nọ ini isukuuru Ịtayịranọsị eyinị-eyinị, di ee pe azaa kà ịrẹyị ịzọọ nị.

Odeyi 9:2

ka ọ̀ sị iwe yị ọnị, dị ọnị ọ̀ sị na yị irehi ahẹkẹ Aniju nịnị ene hi Ịdamasịkọsị nị. Ọ kà oni òo re ọza ana aa saasa oze Ikirisiti ịzọọ, dị ọnị ọ tụ́ wa orupa vẹ Ijerusarẹmị, ẹ̀ẹ vị ọnọrụ, ẹ̀ẹ daka vị anẹẹ.

2 Anịkọrịntị 6:9

Aza ọrụrụ-ọrụrụ ệ yẹ yị, ama aza aa mẹ anka vị ẹ̀ yị nyị ọza ana yẹ yị nị. Ịjị ẹnyị àa na ngụ ka vị i wusu nị, ama ya yị yàra. Â sị ụya rị yị, ama ọza ọ yị wụ yị.

Odeyi 24:14

Mâ dọ ka hịịn, maa hẹkẹ Ohomorihi ada ayị nịnị ini oze Ikirisiti ẹnẹ ẹnị ka ọyị vọrọ. Mâ dọ avaba ịsa anaa chẹrẹ tụ́ ịnị ọda wụ́ beri ịrẹyị ọnị ọnịsẹ nịnị rẹ chẹrẹ tịtẹ.

Odeyi 22:4

Mâ sị ụya rị aza ana zị oze Ikirisiti ọnọnị ne tù ka mâ hyakụ wụ̀ wa bẹẹ. Mâ za aza, anọrụ ọnịrị anẹẹ, dị maa tụ́ waa orupa, dị maa kụ́ waa hi ịnị ẹngwa nị.

Odeyi 18:26

Di o nyima aa sị ọtụtụrụma kà ịrẹyị ini irehi Ohomorihi Aniju nị. Ípirisira ọnịrị Akwira mẹ̀ wụ́ ịrẹyị anị, dị ẹ sị ọọ nọ ini eehi, dị ẹ sị oze Ohomorihi zụ̀ ọọ ẹtẹẹrẹ huna avọọ nị.

2 Anịkọrịntị 6:5

Ê tụ́ yị, á kụ́ yị hi ịnị ẹngwa, â tụ́ ịrẹyị tù yị. Aza ệ za yị mẹ̀ ụkọrọ, yẹ yị sụ̀ ara, yẹ yị rẹ rị ịsa.

2 Anịkọrịntị 11:26

Ịnị ụsẹ ọnị yaa zịịzị, ịjị ẹnyị enyi ka ọnị ọ̀ kụ́ yị, ịjị ẹnyị oyi dụ yị. Dị anda ayị ẹnịrị Anigiriki aa mẹ ayị hụrẹ ẹmị ịnẹ. Màa yà ịnị ẹkụra, màa yà ịnị avị, angwahi ọ vị nị. Oku vị ayịhụrịnẹ ọta onireche nịnị vị ayịhụrịnẹ.