Odeyi 19:22 - IWE ỌNỊNỊ

²² Dị ọ tụ́ Itimoti ọnịrị Ẹrasịtụsị, aza ẹnị ẹẹva ịnị aza ene ee pee mẹ̀ ụkọrọ, nọ Imasedoniya nị. Dị ọnị yị yà ẹtẹ Esiya kù chee nị.

Odeyi 19:22 Referans Kwoze

2 Itimoti 4:20

Ẹrasịtụsị yà Ịkọrịntị, mâ navọ Itirohwimọsị tụ́ Imiretụsị agụvị ka ẹngụ aa zị ọọ.

Aniroomi 16:23

Ịgayọsị adarehi amị ọnị ịragụ Ohomorihi ịzẹnị aa kụ́ụ gụ ị́da anị ka ẹnị kụ́ wụ nịnị. Ẹrasịtụsị anaā sịị ẹkẹhị ẹkụraa tẹ ka ọnị kụ́ wụ nịnị. Ikuaritu ọhụva ayị ka ọnị rẹ kụ́ wụ nịnị.

Odeyi 19:29

Avaba ẹkụra ọnọọ ọ sị vazi. Dị aza ẹnẹẹ za Ịgayọsị ọnịrị Arisitakọsị, Animasedoniya ana aa dụ Ịpọọrụụ zị, di e tura wa di e dudu aa nọ ini orere ịzị a yàā mẹ aahẹ nị.

Odeyi 19:10

Ịpọọrụ ộ vavọọ mẹ̀ ẹ mẹ ịrayị ẹẹva. Dị avaba aza ana ra ịnị ẹtẹ Esiya, Aniju ọnịrị Anigiriki, wụ́ ịrẹyị Ananyị yị nị.

Odeyi 18:5

Ịjị Isira ọnịrị Itimoti hụrẹ Imasedoniya vẹ, dị Ịpọọrụ kụkụ nyayịnẹ aa kà enube ọyịza nị. Dị aa kà a yị Aniju nịnị ka Ijeesu ọ vị Ikirisiti nị.

Odeyi 16:3

Ịpọọrụ ee sì ka ọnị ọ̀ sị Itimoti za, agụvị avọọ dị ọ jị ọọ ụvẹvẹnẹ nị. Ọ vavọọ mẹ, agụvị ka avaba Aniju ene hi ịzọọ ệ yẹ Itimoti ka ada anị vị Anigiriki.

Odeyi 16:1

Ịpọọrụ ọ na ngụ Idabe ọnịrị Ịrịsịtịra. Â nyị ọdọwụ ọnya aanị ana ra ịzọọ, ana aā hị́ Itimoti. Ọnyị anị ọnị rẹ vị ọdọwụ, dị ahịka Aniju ọ vị nị. Ama ada anị vị Anigiriki.

Odeyi 13:5

E mè tù ẹkụra ana aā hị́ Isaramisi, dị ẹ nọ ini irehi Ohomorihi Aniju nịnị, dị ẹ na kà enube ọyịza yị wa nị. Ệ sị Ịjọọnụ za ka ọ̀ọ mẹ ọgụvọọ yị ẹnị ịnị ụkọrọ ọnọọ.

1 Anịtẹsaronika 1:8

Oze ịnị ụvọ awụ nịnị ị́rẹyị Ananyị yị sị zị gara na ngụ Imasedoniya ọnịrị Akaya nị. Ẹ yị hyakụ vị ịzọọ kẹnẹ, ọ sị ngụ ịrẹyị avaba aha ka waa sị ayị tụra Ohomorihi nịnị. Ịjọnọọ ẹ yị kụkụ nyị ịsị a vọrọ ka ẹ yà kà.

2 Anịkọrịntị 8:1

Ẹwụ nịnị ẹyịnyara amị, jẹẹ yaa kà a wụ nịnị ịsị Ohomorihi sị ayamva anị mẹ yị anịragụ anị ene hi Imasedoniya.

2 Anịkọrịntị 1:16

Mê ro ka maa ha hee wu nịnị, màaa nọ Imasedoniya ọnịrị màa rẹ hụụ ịzọọ aa vaa vẹ, dụ wa zụ mẹ ọgụvọ mị nịnị ka ma zụ nọ Ijudiya.

Odeyi 20:1

Ịjị ẹvazi ọnọnị ta, dị Ịpọọrụ hị́ ọdọwụ nịnị gụ, dị ọ sị ịrẹyị tụ́ wa ọtụtụrụma, dị ọ kụ́ wa adịhyọsa, dị ọ hụụ ịda ẹnịnị, dị aa nọ Imasedoniya nị.

2 Anịkọrịntị 11:9

M mẹ̀ yà ịdị awụ nịnị, mèee sì ịsa, mẹ yị kụ́ ọọ kata wụ nịnị ẹngụ. Anda ayị ana hụ rẹ Imasedoniya vẹ, ẹ́ yaa sị ịsị mèe sì yị mị nị. Mẹ yị kụ́ ọọ kata wụ nịnị ẹngụ ịnị ẹngụ ịnị ịsọnyị-ịsọnyị. Avọọ m mẹ̀ yị vaa mẹ pooro nị.

2 Anịkọrịntị 2:13

Ama ayị amị ọ sị vazi, agụvị ka me yi re Ịtayịtọsị ọyịnyara amị. Dị mị hụụ ịzọọ, dị maa nọ Imasedoniya nị.

Odeyi 19:21

Ịrẹma ịsa ẹnẹnị, dị Ịpọọrụ ro o tụ́ ịnị ayị anị ka, ọnị ọ̀ọ raà zị oze Imasedoniya ọnịrị Akaya na para hu, ọnị raa nọ Ijerusarẹmị nị. Dị ọ ka, “Màa raà nọ ịzọọ, â nyị ka ma rẹ nọ Iroomi bẹẹ.”

Odeyi 20:34

Ẹwụ nịnị ụvọta ộ yẹ ka ụvọta amị ọnọnị mị sị mẹ̀ ụkọrọ anaa vọrọ ka ẹmịrị aza ana yà pe mi, ẹ̀ẹ rị nị.

2 Anịkọrịntị 8:19

Ẹ yị hyakụ vị ọnọọ kẹnẹ, anịragụ ẹ sị ọọ nyị, dị ẹ tụ́ ọọ ka ọ̀ọ saasa ayịị jịnẹ ini oze ụkọrọ ẹyịza ọyịmẹ̀ nị ọnị yaa mẹ nị. Yaa sịị sị ụbanyịị yị Ohomorihi, dị ya rẹ sị zụ̀ ka yee sì ka ya gụ aza ụvọ.