Odeyi 18:6 - IWE ỌNỊNỊ

⁶ Ịjị ẹnịnị kwẹẹtẹ tù Ịpọọrụ, dị ẹyaa kụ̀ ọọ ụhụ, dị ọ bànyị awuru hi wa, dị ọ ka, “Wèe kuku vú nịnị, ẹwụ nịnị ọ nyị ohuvọ anị nị! Mẹ yị nyị ụvọ tụ́ ịnị usu awụ nịnị. Hụrẹ ọyaanị na, ịdị Anigiriki, mị kụkụ aa nọ nị.”

Odeyi 18:6 Referans Kwoze

Ezikẹẹrị 33:4

Ọza ana àa wụ, dị èe sere ẹngụ anị dị ọnịvị ẹnịnị vẹ dị ẹ va wụ ọ nị, ọnị ụvọta a vaa tụ́ ohuvọ nị.

2 Ịsamụwẹrị 1:16

Di Idevidi ka, “Wèe sú, ẹwa rị ịvị ẹngụ awụ nị. Ịrẹyị ọnị ẹwụ ụvọta kà vi ivenu, ka ẹwa wụ̀ ọza ọnị Ẹnẹyịmavara nyị mẹ ohinọyị nị.”

Ezikẹẹrị 18:13

Ọọ sị ẹkẹhị rèré ọza, dị ọ dọ ọtụrọsarẹsụ rawụ-rawụ tụ ọ. Ẹngụ aza ẹnẹẹ ẹ́ẹ́ zụ yara? Eyiye. Ẹ́ yị zụ yara o. Ẹnẹyịmavara kà agụvị ka ộ mẹ̀ ịsị ẹnẹnị anaa nyị ọnị ịhyẹrẹ aanị, vị́ a vaa wụ̀ ọ, dị ọnị ụvọta rị uru ẹngụ anị nị.

Inehemaya 5:13

Ẹ́ mẹ̀ sị eku hị́, dị mị và oku awuru amị ịnẹ vẹ ẹhẹ, dị mị banyị ọ, dị mị ka; aanị Ohomorihi mẹ̀ vaa banyị ẹhẹ aza ẹnẹ ẹ yị mẹ̀ ịsị e wo oto anị aanị ha nị. Ohomorihi vaa tụ ẹngụ aza ẹnẹẹ avosusu, dị a dọ wa irehi ẹnịnị nị. Dị avaba ịragụ ana gụ tụ ọ ohi ka aamị nị. Dị ẹ sị ụga yị Ẹnẹyịmavara, dị ẹ mẹ̀ ịsị e wo oto anị nị.

Odeyi 13:51

Dị Ịpọọrụ nịnị bànyị edudu ahụ ẹnịnị hi ịzọọ yị wa, dị ẹyaa nọ ẹkụra ana aā hị́ Ayịkọnịyọmị nị.

1Ipita 4:4

Ama booro aanị we yi kuku pe wa mẹ̀ ịsa edivi-edivi ẹnẹẹ nịnị. O si hí wa irenu, agụvị avọọ, dị ẹyaa kụ̀ wụ nịnị ụhụ nị.

Iruuku 9:5

Aha tụra aha ọnị ọza è yi sì wu nịnị ọzọga, ịjị ụ wàa hụrẹ ẹkụra ọnọnị nịnị, bànyị edudu ịnị ahụ awụ nịnị hi ịzọọ, dị ọ̀ vị ivenu yị wa ka ịsị ẹ mẹ, ô divi!”

Imatiwu 27:25

Dị avaba ẹnịnị tụ́ ohi, dị ẹ ka, “Naavọ, ịvị isu anị ọ̀ọ yà ịnị ịrẹsụ ayị ọnịrị ịrẹsụ ezi eyi!”

1Ipita 4:14

Aza àa kụ̀ wụ nịnị ụhụ agụvị Ikirisiti, ọyịza ọ vaa vịị yị wụ nịnị nị; agụvị ka Ụhwẹ Ọnịnị ana nyị ụbanyị yàa wụ nịnị ịrẹma.

2 Itimoti 2:25

Ọ̀ọ sị ayohunẹnẹẹ pe aza ana aa kụ̀ụ hịrẹẹ juwe, ịsavọọ Ohomorihi ọ̀ na mẹ ka è re oze ro ịnẹ varẹma, dị ẹ̀ va yẹ ịzẹyịza.

Aniroomi 3:29

Ohomorihi Aniju kẹnẹ Óhomorihi wâ vị nị? Aanị ka ẹ yị vị ọnị ọ rẹ vị Ohomorihi Anigiriki nịnị? Ọnị ọnyọọnya ọ vị Ohomorihi ẹnịnị nị,

Odeyi 28:28

Dị Ịpọọrụ ka, “Dụ wa yẹ nịnị ka a raà kà enube ẹdọha Ohomorihi yị Anigiriki nịnị. Ẹnịnị vaa sị ụtọọ pee!”

Odeyi 26:20

Mâ vịdị kà ịrẹyị Ohomorihi Ị́damasịkọsị ọnịrị Íjerusarẹmị beri avaba ẹtẹ Ijudiya ọnịrị yị Anigiriki. Dị mị ka ẹnịnị è ro ịnẹ varẹma hụụnị ịvị ẹnịnị, dị ẹ̀ va ká Ohomorihi vẹ nị. Dị ẹ̀ rẹ mẹ̀ ebira ana sị zụ̀ ka ẹ sị ịnẹ ro varẹma.

Odeyi 26:11

Ụmẹ ọrụrụ-ọrụrụ mị sị sị ụya rị wa ịnị avaba irehi Ohomorihi nị, dị maa sị ụkata za wa ka ẹ̀ẹ kà ịrẹyị odivii hi Ijeesu nị. Ayị ẹnịnị ộ kụ́ mị pooro ne tù ka mâ tụra wa nọ ẹkụra ọsa ka ma na sị ụya rị wa.”

Imatiwu 22:10

Ịzẹyịza, di ezi ahụ ẹnẹẹ jịnẹ nọ oze, dị ẹ hị́ avaba aza enee re vẹ nị, à hị́ ọza ọyịza, à hị́ ọza odivi. Dị irehi ịzị a yà aa nyị ọnẹẹ aanị vị ohihi yị aza ana aa vaa rị ịsa nị.

Imatiwu 10:14

Ọza tụra ọza ẹnẹ ẹ̀ yị dọ wụ nịnị, dị ẹ̀ yị rẹ wụ́ ịrẹyị awụ nịnị nị, bànyị edudu ahụ awụ nịnị hi ịzọọ, wàaa hụụnị ẹkụra ọnọọ, àa vị ini eehi ọnọọ nịnị.

Iruuku 22:65

Avọọ ẹ màa yịị kụ̀ ọọ ụhụ irenyi-irenyi nị.

Imatiwu 21:43

Agụvị avọọ, dị ma kà a wụ nịnị ka a vaa dọ wụ nịnị oze anaa vọrọ ka wa zị ngụ ịzị Ohomorihi yà aa mẹ ịjọva, dị a sị yị anẹkụra ana vaa nyị ẹtụtụ anị.

Imatiwu 8:11

[Ẹma kà a wụ nịnị nị ka aza ọrụrụ-ọrụrụ vaa hụrẹ ịzị ọyịị̄ zịị hụrẹ ọnịrị ịzị ọyịị̄ zịị ngụ ẹtẹẹ vẹ, dị ẹ yaayịtẹ pe Abụrahamị ọnịrị Ayiziiki ne beri Ijekọvụ ịzị Ada ayị ẹbẹẹba yà aa mẹ ịjọva ka ẹnị ẹ̀ rị ịsa.]

Ireevi 20:9

Ẹnẹyịmavara ộ mẹ̀ ẹ ọda ka, ọza tụra ọza anaa kụ́ ada anị à vị ọnyị anịị ụhụ, à wụ̀ ọ. Ọza ọnọọ o si ẹngụ anị isu nị. À sị a nyị ọza ana á tụ ohuvọ.

1 Itimoti 5:22

Asị ụ há eyi sị ụvọ tụra ọza, dị ụ wa mẹ̀ aduwaa yọ. Asị ụ na bẹ tụ́ ịnị ịvị ọza ẹnẹsa! Re ka wáa nyị ayị ọnịnị!

1 Ohinọyị 2:33

Ijowabi ọnịrị ezi anị ịrẹma-ịrẹma vị oni oponu aza ẹnẹẹ vaa yà ịrẹsụ ẹnịnị pooro zịna-zịna. Ama Ẹnẹyịmavara vị ana vaa sị ẹngwọọrọ yi Idevidi ọnịrị ezi anị ịrẹma-ịrẹma ne beri aneehi aanị ọnịrị ohinọyị ọnị ọ rị, pooro zịna-zịna.”

Ezikẹẹrị 33:6

Ama oserẹtẹ ọnọọ òo re ka ịrẹkụ aa vẹ, dị è yi hu ọpanyị dị ọ sị ka aza ọnọ, dị ọnịvị kụ́ ịrẹkụ vẹ dị ẹ va wụ̀ ọza ọnyọọnyị nị, ọza ọnọọ vị ana wụ agụvị ebira odivi anị. Ama oserẹtẹ ọnọọ vaa kụ́ irenu anị ịrẹsụ iswọọza ọnọọ.

Imatiwu 21:41

Dị ẹ kà a yị Ijeesu ka, “Vị aa wụ̀ aza edivi ẹnẹẹ ha piti-piti, dị ọ sị ụbazị anị rere aza ẹnẹsa ana vaa sị ẹtụtụ anịị vaa yọ, ụmẹ òo si tù nị.”