Odeyi 18:25 - IWE ỌNỊNỊ

²⁵ A raà sị ịrẹyị Ananyị yị zụ̀ ọnọrụ ọnọnị. Dị aa sị ịrajẹẹ kà ịrẹyị, dị aa sị ịrẹyị Ijeesuu zụ̀ aza ahụ-ahụ nị. Ama ọyịhwọzenyi ọnị Ịjọọnụ aa mẹẹ yị aza kẹnẹ ọ yẹ nị.

Odeyi 18:25 Referans Kwoze

Odeyi 19:3

Dị Ịpọọrụ va họ̀ wa ka, “Ye re ẹngụ ọyịhwenyi ana a va mẹ yị wụ nịnị?” Dị ẹ ka, “Ọyịhwọzenyi ọnị Ịjọọnụ mẹ yọ nị.”

Aniroomi 12:11

Waa mẹ̀ ụkọrọ nịnị, asị ụ nyị uworo nịnị. Sị ayị ọnya dụ wa sịị hẹkẹ Ananyị yị nịnị.

Ihoseya 14:9

Aza ana àa yẹ ịrẹyị vaa yẹ avaba ịsa ẹnịnị. Aza ene eyi anị hweyi ẹẹ yẹ ẹ. Oze Ẹnẹyịmavara ọ vọrọ ọnị aza ana yẹ ịrẹyị aa sị mẹ ẹhẹ ẹnịnị nị. Ama ọnịvị nịnị vị ana vaa vanga, dị ẹ hyẹdụ agụvị ka ẹ sị eyi wụ̀ ịrẹyị anị.

Odeyi 19:23

Ịnị ụmẹ ọnọnị, ẹkụra Ẹhwẹsọsị ọ sị vazi agụvị oze Ikirisiti.

Odeyi 19:9

Aza ẹnyị ịnị aza ẹnẹẹ vị anayọkatẹngụ ọnịrị anakamawụ. Dị ẹyaa kà ịrẹyị odivii hi oze Ohomorihi ini eyi anịragụ nị. Agụvị avọọ, dị Ịpọọrụ hụụ ịzọọ yị wa, dị ọ rẹ kụ́ ezirẹma ene ịhị ịzọọ nị. Dị ọ kụkụ aa nọ ini isukuuru Ịtayịranọsị eyinị-eyinị, di ee pe azaa kà ịrẹyị ịzọọ nị.

Odeyi 9:2

ka ọ̀ sị iwe yị ọnị, dị ọnị ọ̀ sị na yị irehi ahẹkẹ Aniju nịnị ene hi Ịdamasịkọsị nị. Ọ kà oni òo re ọza ana aa saasa oze Ikirisiti ịzọọ, dị ọnị ọ tụ́ wa orupa vẹ Ijerusarẹmị, ẹ̀ẹ vị ọnọrụ, ẹ̀ẹ daka vị anẹẹ.

Ịmaakị 12:14

Dị ẹ vẹ nị, dị ẹ kà a yọ ka, “Nda, yâ yẹ ka ọnịrẹyịzẹyịza ụ vị nị. Wẹ yị yẹ ọzọbanyị, agụvị ka we mē re eyi aza. Ama ịzẹyịza oze Ohomorihi kẹnẹ, ụ sịị̄ zụ̀ aza nị. Ọ́ọ́ vọrọ ka yaa tụ́ ẹkẹhị irehi yị ohinọyị Aniroomi, à vị ọ yị vọrọ?

Ijemiisi 5:16

Agụvị avọọ, dọ irenu ịvị awụ yị ẹngụ nịnị, dị ụ wa rẹ mẹ̀ aduwaa yị ẹngụ nịnị, agụvị Ohomorihi ọ̀ mẹ wụ nịnị ụkụ. Aduwa ọnịrẹyịzẹyịza ọ zụ mẹ ka ịsa ẹbanyị-ẹbanyị ẹ̀ mẹ.

2 Itimoti 2:4

Ọza ana aa kụ̀ ịrẹkụ, ọ mā kụkụ nyị eyi yị ụkọrọ ẹngụ anị, agụvị ò zụ zé ọga anị ana dọ ọ eyi.

Odeyi 16:17

Dị aa dụ ẹyịrị Ịpọọrụ zị, di ee nowu ka, “Aza ẹnẹnị vị ezi ahụ Ohomorihi ana nẹba hu kere-kere. Ẹ yaa kà a wụ nịnị, ụ mẹmẹ zụ há nịnị.”

Odeyi 13:10

Dị ọ ka, “Ẹwụ ozi Echu, ẹwụ ana sị avaba ẹngụ vị ireche-ireche ọnịrị irikichi, uū sì ka we du avaba ịsa ene zoza. Aanị ka aanị ụ mẹ̀ vaa vara ịzẹyịza Ohomorihii tụ́ ini ireche pooro nị?

Iruuku 7:29

“Avaba aza ọnịrị ọdẹkẹhirehi nịnị ệ wụ́ ịrẹyị anị, ẹnịnị ệ dọ ka Ohomorihi vị ọnịzẹyịza, agụvị ka Ịjọọnụ ọ sị ọyịhwọzenyi mẹ yị wa.

Ịmaakị 1:3

 nyị ọza ịnya aanị ana yà ịnị ụnọmị ana aa nọọ ka, “Tenyi oze Ananyị yị tịtẹ yọ nịnị, tenyi oze anị, dị ọ̀ vọrọ ẹtẹẹtẹrẹ!”

Ijeremaya 6:16

Ẹnẹyịmavara ộ kà a yị aza anị ka, jẹẹ ịzị oze va gẹ nịnị dị we re. Họ̀ use oze ịyẹẹyẹ nịnị, ka ịzị oze ọyịza ọnọọ ya, dị wa và tụraa nịnị, ka ọ va rọ wụ nịnị ẹngụ. Ama ẹnịnị ka heyiye, ẹnị ẹ yị zị avọọ.

Ayịsaya 40:3

 nyị ọza ịnya ana vaa yà ịnị ụnọmị ana aa nọ̀ọ ka: “Tenyi oze Ẹnẹyịmavara tịtẹ yọ nịnị! Tenyi oze anị, dị ọ̀ vọrọ ẹtẹẹtẹrẹ!

Ahẹ Ụgama 119:1

Aza ẹnẹ ẹ̀ yị mā mẹ akụvị dị ẹ yaa saasa ọda Ẹnẹyịmavara, ẹ̀ nyarị ịrẹsụ ọyịza.

1 Ịsamụwẹrị 12:23

Àa vị ẹmịị yọ, mẹ yị zụ kà ka mẹ yị mẹ̀ aduwaa yị wụ nịnị. Ọchọnọọyịrẹsụ amị! Mẹ yị zụ vavọọ mẹ̀ ebira odivi. Mị vaa sịị zụ̀ wụ nịnị ebira ene zoza dị ọ rẹ vọrọ.

Ọdọvịdị 2:22

Ộ kà ọnị a sị zama wa re, ẹnịnị ẹ vaa tẹsị ka ẹnị ẹ saasa oze anị anka ohiku ẹnịnị

Oyinyima 18:19

Mẹ yị vavọọ zụ mẹ. Ma raà nyị Abụrahamị ka ò hú ezi anị ọnịrị aneehi anị ụvọ ka ẹ̀ va tụra oze amị ka ẹ̀ẹ mẹ̀ ịsa ana vọrọ ini eyi ẹmị Ẹnẹyịmavara, dị ẹ̀ẹ mẹ ịzẹyịza. Ọnọọ vaa mẹ ka ịsa ọnị mị ka maa mẹẹ yị Abụrahamị me re oze mẹ̀ ẹ yọ.”

Ahẹ Ụgama 67:2

Ohomorihi, wàa vavọọ mẹ, aza vaa yẹ ịsa ọnị ụụ̄ mẹ, avaba anẹhẹ vaa yẹ ka ẹwaā dọ ọzaa há nị.

Iruuku 1:4

Mị vavọọ aa chẹrẹ ẹ, agụvị wa zụ yẹ avaba ịzẹyịza ịrẹyị ana vịdị raà sị zụ̀ wụ.

Odeyi 18:26

Di o nyima aa sị ọtụtụrụma kà ịrẹyị ini irehi Ohomorihi Aniju nị. Ípirisira ọnịrị Akwira mẹ̀ wụ́ ịrẹyị anị, dị ẹ sị ọọ nọ ini eehi, dị ẹ sị oze Ohomorihi zụ̀ ọọ ẹtẹẹrẹ huna avọọ nị.