Odeyi 18:24 - IWE ỌNỊNỊ

²⁴ Â nyị ọnọrụ ọnya aanị ana aā hị́ Aporo, ana vẹ Ẹhwẹsọsị. Ẹkụra Arekisandiriya a yà maa nị. Ọ zụ kà ịrẹyị ẹtẹẹtẹrẹ, dị ọ rẹ yẹ ịrẹyị Ohomorihi ẹtẹẹtẹrẹ nị.

Odeyi 18:24 Referans Kwoze

Ịtayịtọsị 3:13

Aarịhịnị, mẹ ọgụvọ yị Ịzẹẹna ana vị ịrọya, ọnịrị Aporo, dị è nyima ụsẹ ẹnịnị. Re ka ịsị èe vee sì, wáa sị yị wa.

1 Anịkọrịntị 4:6

Ẹwụ nịnị ẹyịnyara amị, agụvị awụ nịnị mị sị ẹngụ amị ọnịrị Aporo aa mẹ apojuwe ịrẹyị ẹnẹnị aanị nị. Máa vavọọ mẹ, agụvị wa zụ yẹ iruvo ịsa anaa chẹrẹ nịnị ka, “Asị a nyị ọza awụ nịnị ana na sị aza ẹnyị mẹ eyi, dị ọ̀ọ sị eyii wụ ọsa!”

1 Anịkọrịntị 16:12

Ịnị ịrẹyị ẹnẹbẹnị ayị Aporo, mâ da ịpẹ yọ ẹtẹẹtẹrẹ ka ọnịrị ẹyịnyara ayị ana vọ è ve hee wu nịnị. Ama mee ro ka o yi sì ka ọnị ọ̀ vẹ booro aanị. Ama òo si oze re, ọ vaa vẹ.

1 Anịkọrịntị 1:12

Ịsị maa kà, yị: ọzịnya-ọzịnya awụ nịnị aa kà ịsa irenyi-renyi. Aza ẹnyị ka Ịpọọrụ ọ́nị jẹẹ yị nị, aza ẹnyị ka Aporo ọ́nị jẹẹ yị nị, dị aza ẹnyị rẹ ka Ipita ọ́nị jẹẹ yị nị. Dị aza ẹnyị ẹnị rẹ ka Ikirisiti ẹ́nị jẹẹ yị nị.

Odeyi 6:9

Dị aza ẹnyị aanị kwẹẹtẹ tù Isitivini nị. Ini ogu aza ana nyị irehi Ohomorihi ẹnịnị ẹ yà nị. Aā hị́ wa “Aza ana sị ẹngụ ẹnịnị nyị.” Ẹnịnị vị Aniju ana hụrẹ Isayirini ọnịrị Arẹkịsanda vẹ. Ẹnyị vị ana rẹ hụrẹ Isirisiya ọnịrị Esiya vẹ. Eyee pe Isitivinii nyị ahankata.

Anikorasi 3:16

Navọ ịrẹyị Ikirisiti ọ̀ yà ịnị ayị awụ nịnị ẹtẹẹtẹrẹ. Waa jị ahẹ ụga irenyi-irenyi nịnị. Waa jị ahẹ kụ́ Ohomorihi avọ nịnị.

2 Anịkọrịntị 10:10

Aza ẹnyị aa kà a ka ịrẹyị ini iwe Ịpọọrụ ộ katẹngụ, o zụ henyi ọza. Ama ọnị ụvọta ọ̀ọ va sị ngụ ịdị ayị dị ọ sị vara ọza gụyẹ-gụyẹ, dị ẹ yị nyị ịsị ịrẹyị anị vị.

Odeyi 27:6

Ọga isoja nịnị ẹchẹhị ọnọọ ô re ẹpa ọnya ịzọọ, ana hụrẹ Arekisandiriya aa nọ Itari; dị ọ kụ́ yị hi ọọ nị.

Odeyi 7:22

Imosiisi ộ kọ avaba ịrẹyọyẹ Anijipiti. Ịrẹyị anị ọnịrị ịsa ana aa mẹ, vị ana nyị ụkata.

Iruuku 24:19

Dị Ijeesu họ̀ ọ ka, “Sẹ mẹ?” Dị ẹnịnị kà a yọ ka, “Ịrẹyị Ijeesu Anịnazarẹtị ana vị ọnịsẹ. Ohomorihi ọnịrị avaba aza ệ yẹ ka ịrẹyị anị ọnịrị ụkọrọ anị ộ banyị.

Imatiwu 13:52

Dị Ijeesu rẹ kà a yị wa ka, “Avaba ọzwọzọda ana àa raà sị ịrẹyị ịjọva Ada ayị ẹbẹẹba zụ̀, vị ana sị mẹẹ anka adarehi ana nyẹngụ kụ́ ịsa ọwọọwa ọnịrị ọkụkụ hụụnị ụhwọ anị vẹ.”

Ayịsaya 3:3

Aza ana vọ ọnị ọ rẹ vaa kụ́ụ hụrẹ oze ẹ vị ọga isoja ọnịrị aza ẹbanyị ne beri aza ene eē pè azaa juwe ọnịrị aza ana zụ mẹ ụna ọnịrị aza ana aa sị ẹbẹẹ mẹ ịrẹyị.

Ẹzịra 7:12

Tangwa o Ẹzịra, ohirẹsụ irehi Ohomorihi, ọka ana zụ ọza ịrẹyị Ohomorihi ana nyị ẹbẹẹba.

Ẹzịra 7:6

Ẹzịra vị ọka ana zụ ọza ọda ọnị Ẹnẹyịmavara Ohomorihi Anisirẹrị sị yị Imosiisi. Ẹnẹyịmavara ọ mẹ ka ohinọyị o sì ịrẹyị Ẹzịra, dị ọ sị ịsa tụra ịsa ọnị Ẹzịra họ̀ use anị yị ọ nị.

Ọyịkụra 4:10

Di Imosiisi ka: Ẹnẹyịmavara ọnị, ọ́ọ́ yẹ ka dị ọ va kà ịrẹyị ọnị ọ mā vịdị zị zụ kà ịrẹyị.

Odeyi 18:28

Ọ́nịrị Aniju nịnị màa nyị ahankata ịnị orere dị aa sịị zụ̀ waa hụụnị Iwe Ohomorihi ka Ijeesu ọ vị Ikirisiti nị; dị ẹnịnị kuku ee re ẹtẹ kẹnẹ nị.

Odeyi 18:19

Ẹ mẹ̀ va sị ngụ Ẹhwẹsọsị, dị Ịpọọrụ navọ wa tụ́ ịzọọ nị. Dị ọnị nọ ini irehi Ohomorihi Aniju nịnị, di e pe Aniju nịnị kà ịrẹyị nị.

Odeyi 18:21

Ama ọ màa na, dị ọ kà a yị wa ka, “Ohomorihi òo sì, maa vaavẹ.” Dị ọ ngụ ẹpa hụrẹ Ẹhwẹsọsị aa na nị.

Odeyi 19:1

Aporo ọnị mẹ̀ yà Ịkọrịntị, dị Ịpọọrụ zị oze ịnị akakana ẹkụra ọnọọ, dị ọ na ngụ Ẹhwẹsọsị nị. Di o ne tù ezirẹma ẹnyị ịzọọ nị.