Odeyi 18:2 - IWE ỌNỊNỊ

² O ne tù Aniju ọnya ịzọọ, ana aā hị́ Akwira; ẹkụra Ịpọntụsị a yà ma a nị. Ose anị ọ rị Ipirisira nị. Oò yi kù ẹnẹ ẹnịnị hụrẹ ẹtẹ Itari vẹ. Ệ hụụ ịzọọ, agụvị ka ohinọyị Ịkịrawụdịyọsị ộ mẹ̀ ọda ka à dụ avaba Aniju nịnị jịnẹ hụrẹ Iroomi. Dị Ịpọọrụ ne hee wa,

Odeyi 18:2 Referans Kwoze

2 Itimoti 4:19

Kụ́ Ipirisira ọnịrị Akwira yị mị ne beri aneehi Onesihworọsị.

1 Anịkọrịntị 16:19

Anịragụ Ohomorihi ene hi Esiya, ka ẹnị kụ́ wụ nịnị. Akwira ọnịrị Ipirisira beri anịragụ Ohomorihi anaā gụ ini eehi ịdị ẹnịnị ka ẹnị kụ́ wụ nịnị ẹtẹẹtẹrẹ, agụvị ka ẹwụrị wa vị ọnya ini oze Ananyị yị.

Odeyi 18:26

Di o nyima aa sị ọtụtụrụma kà ịrẹyị ini irehi Ohomorihi Aniju nị. Ípirisira ọnịrị Akwira mẹ̀ wụ́ ịrẹyị anị, dị ẹ sị ọọ nọ ini eehi, dị ẹ sị oze Ohomorihi zụ̀ ọọ ẹtẹẹrẹ huna avọọ nị.

Odeyi 11:28

Ọnya ịnị ẹnịnị ana aā hị́ Agabọsị, ộ kwẹẹtẹ, dị Ụhwẹ Ọnịnị sị ụkata yọ, dị ọ kà ịsẹ ka ụngwẹ ọbanyị aa vẹ ịnị avaba ẹhẹ nị. Ụngwẹ ọnọọ ộ vẹ ịnị ụmẹ oni Ịkịrawụdịyọsị sị rị ohinọyị.

Odeyi 18:18

Ịpọọrụ ộ yà Ịkọrịntị pe ọdọwụ nịnị kù. Dị ọ hụụ ịzọọ, dị ọnịrị Ipirisira beri Akwira ngụ ẹpa, ka ẹnị ẹ̀ nọ Isiriya nị. Dị ẹ va na, ô beri Ohomorihi zẹẹ ịzẹzẹ Íkenkire, dị ọ kụ́ ịrẹsụ anị nị.

Odeyi 2:9

Ẹkụra ọnị ị hụrẹ vẹ yị: Ipatiya beri Imediya ọnịrị Erami beri Imesopotamiya ọnịrị Ijudiya beri Ikapadosiya; Ịpọntụsị ọnịrị Esiya,

1Ipita 1:1

Ẹma vị Ipita ana vị odeyi Ijeesu Ikirisiti nị. Maa chẹrẹ iwe ọnọnịị tụ́ụ hi wu nịnị aza oni Ohomorihi nyị mẹ aza anị, ana gara hi avaba aha, dị ẹ vị ọzọga hi ịnị ẹkụra Ịpọntụsị, Ịgaratịya, Ikapadosiya ọnịrị Esiya beri Ibitiniya.

Odeyi 27:1

A mẹ̀ sị ọọ kà ka ya ngụ ẹpa, dị ya nọ Itari, â sị Ịpọọrụ ọnịrị anịnẹngwa ẹnyị chire ọga isoja nịnị ẹchẹhị ana aā hị́ Ijuriyọsị ụvọ. Ijuriyọsị vị ọnya ini isoja nịnị Ọgọsịtọsị.

Odeyi 27:6

Ọga isoja nịnị ẹchẹhị ọnọọ ô re ẹpa ọnya ịzọọ, ana hụrẹ Arekisandiriya aa nọ Itari; dị ọ kụ́ yị hi ọọ nị.

Anihiburu 13:24

Kụ́ avaba ọdọvịdị awụ nịnị, ọnịrị avaba aza Ohomorihi ana vọ! Anda ayị ana hụrẹ Itari vẹ ka ẹnị kụ́ wụ nịnị o.