Odeyi 18:19 - IWE ỌNỊNỊ

¹⁹ Ẹ mẹ̀ va sị ngụ Ẹhwẹsọsị, dị Ịpọọrụ navọ wa tụ́ ịzọọ nị. Dị ọnị nọ ini irehi Ohomorihi Aniju nịnị, di e pe Aniju nịnị kà ịrẹyị nị.

Odeyi 18:19 Referans Kwoze

2 Itimoti 1:18

Ananyị yị ọ̀ navọ ịnị ẹkụhị ọkarẹyị, ọ̀ vayị Onesihworọsị oo! Wâ yẹ ka vị ọ nyayịnẹ gụ mị ụvọ Ẹ́hwẹsọsị ẹtẹẹtẹrẹ nị.

1 Itimoti 1:3

Mee sì ka wa yị jẹẹ Ẹhwẹsọsị, anka m mẹ̀ vịdị kà a wụ, m màa parahuu nọ Imasedoniya. Aza hi ịzọọ ana aa sị ịsa irechee zụ̀ aza. Re ka wee hú wa ụvọ ka asị ẹ rẹ̀ vavọọ mẹ!

Anẹhwẹsọsị 1:1

Ẹmị Ịpọọrụ oni Ohomorihi nyị ka ọ̀ vị odeyi Ijeesu Ikirisiti, ọ chẹrẹ iwe ọnọnị tụ́ hi aza Ohomorihi ene hi Ẹhwẹsọsị nị, aza ana ahịka ẹ́ẹ sị ayị tụra Ijeesu Ikirisiti, dị ẹnịrị ọ sị vị ọnya.

1 Anịkọrịntị 16:8

Ama Ẹhwẹsọsị ịzẹnị mị vaa yà pooro dị ẹkụhị Ịpẹntịkọsịtị ò tù nị.

1 Anịkọrịntị 15:32

M mẹ̀ yà Ẹhwẹsọsị, à kà a ka ẹmịrị uye ịnị avị obooro aa vụ̀ ịrẹvụ nị. Àa vị ka oku nịnị ẹ yị mā yaanị ha kwẹẹtẹ, ọgụ ịsị ọnọọ vị yị mị? Vị ị yaanị aa kà a kẹnẹ ka à vẹ yaa rị, di yee hú, dị yaa mẹrị ka, ọ yị jẹẹ di ye sú ni.

Odeyi 20:16

Ịpọọrụ ọ sị ọọ kà ka ọnị aa para Ẹhwẹsọsị hu kẹnẹ nị, agụvị di asị o du ụmẹ ha ịnị ẹtẹ Esiya. Aa há eyi, ee sì ka ịsavọọ ọnị ọ̀ zụ yà Ijerusarẹmị ịnị ẹkụhị eche Ịpẹntịkọsị.

Odeyi 19:1

Aporo ọnị mẹ̀ yà Ịkọrịntị, dị Ịpọọrụ zị oze ịnị akakana ẹkụra ọnọọ, dị ọ na ngụ Ẹhwẹsọsị nị. Di o ne tù ezirẹma ẹnyị ịzọọ nị.

Odeyi 18:24

 nyị ọnọrụ ọnya aanị ana aā hị́ Aporo, ana vẹ Ẹhwẹsọsị. Ẹkụra Arekisandiriya a yà maa nị. Ọ zụ kà ịrẹyị ẹtẹẹtẹrẹ, dị ọ rẹ yẹ ịrẹyị Ohomorihi ẹtẹẹtẹrẹ nị.

Odeyi 18:4

Ẹkụhị ụhwọtụ-ẹkụhị ụhwọtụ, dị Ịpọọrụ aa nọ ini irehi Ohomorihi Aniju ịzọọ, di ee pe waa kà ịrẹyị nị. Di ee sì ka ọnị ọ̀ mẹ ka Aniju ọnịrị ịzọọ, di ee pe waa kà ịrẹyị nị. Di ee sì ka ọnị ọ̀ mẹ ka Aniju ọnịrị Anigiriki nịnị ẹ̀ vara ayị nị.

Ẹtore 2:1

(Ọza oni mi re ka): Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Ẹhwẹsọsị ka: Ọza ana kụ́ ụzọmị ịhịmba tụ́ ịnị ụvọ anị dị aa zị ụsẹ ịnị akakana ịzị aā sị ozotupaa tụ́ ịhịmba ana a sị igooru mẹ avọọ, ọ tụ́ mị ụtụ ọnọnị nị:

Ẹtore 1:11

Dị ọ ka, “Chẹrẹ ịsị u wèe re tụ́ ini iwe, dị ụ wa sị tụ́ nọ ịnị ịragụ Ohomorihi ịhịmba ene hi ịnị ẹtẹ Esiya: Ẹhwẹsọsị, Ịsịmụna, Ipagamụmị, Itiyatira, Isaadisi, Ihwiradehwiya ọnịrị Irayodesiya.”

2 Itimoti 4:12

Ma raà tụ́ Ịtayịkịkọsị nọ Ẹhwẹsọsị.

Odeyi 19:26

Wê ree nịnị, dị ụ rẹ wụ́ ọọ nịnị bẹẹ nị ka Ịpọọrụ ọnọnị ọ sị aza ọrụrụ-ọrụrụ vara ayị, ayị vị ini Ẹhwẹsọsị kẹnẹ, ama avaba ẹtẹ Esiya. Ọ kà ịsị aza sị ụvọ mẹ, ayị vị Ohomorihi ẹ vị.

Odeyi 19:17

Avaba Aniju ọnịrị Anigiriki ana ra hi Ẹhwẹsọsị, ệ wụ́ ịrẹyị ọnọọ, dị angwa kuku ee hí wa ẹtẹẹtẹrẹ nị. Dị a sị ụbanyị yị ịrẹha Ijeesu Ananyị yị hu avọọ nị.

Odeyi 18:21

Ama ọ màa na, dị ọ kà a yị wa ka, “Ohomorihi òo sì, maa vaavẹ.” Dị ọ ngụ ẹpa hụrẹ Ẹhwẹsọsị aa na nị.

Odeyi 18:20

Ẹnịnị ê sì ka Ịpọọrụ ọ̀ yà ịdị ẹnịnị kù chee, ama ô yi.

Odeyi 19:28

Ịjị ẹ maanị wụ́, dị ayị ẹnịnị aa dà ọva nị, di e nowu zẹtẹ, dị ẹ ka, “Ẹwụ Idiyana Anẹhwẹsọsị waa nyị ụbanyị!”

Odeyi 19:35

Ịjị ọga ọchẹrịsa ịnị ẹkụra ọnọọ vụrị raà mẹ ka aza ẹnẹẹ è kú irenu, dị ọ ka, “Ẹwụ nịnị Anẹhwẹsọsị avaba ọza ộ yẹ ka Anẹhwẹsọsị e sị eyi pe irehi ori ọnẹẹ ọbanyị Idiyana ọnịrị ori ene chí vẹ nị.

Odeyi 20:17

Ịpọọrụ ộ tụ́ ọnụtụ hụrẹ Imiretusi nọ Ẹhwẹsọsị. Dị ọ ka ọ̀ kà a yị azọkụ ịragụ Ohomorihi ene hi ịzọọ ka è ve tù ọnị nị.

Odeyi 21:29

Ẹ́ vavọọ kà, agụvị ka ê vịdị re Ịpọọrụ ọnịrị Itirohwimọsị ana vị Anẹhwẹsọsị ịnị ẹkụra, dị ẹ sị ọọ hị́ ka vị Ịpọọrụ sị ọọ vẹ ini irehi Ohomorihi nị.