Odeyi 18:10 - IWE ỌNỊNỊ

¹⁰ agụvị ka mâ yà pe wu. Ẹ yị nyị ọza ana zụ mẹ wụ ịsọnyị-ịsọnyị. Mâ nyị aza rụrụ hi ịnị ẹkụra ọnọnị.”

Odeyi 18:10 Referans Kwoze

2 Anịkọrịntị 12:9

Ama dị o tụ́ mi ohi ka: Ẹyịza ọọhẹ anị ộ hụ mị nị. Ọ kà, ịnị ahịmị ọza, aza vaa yaa re ụkata ọbanyị anị ẹtẹẹtẹrẹ nị. Agụvị avọọ maa jẹ ka maa sị ahịmị amịị wo oto. Ọnọọ vaa mẹ ka ụkata oni Ohomorihi nyị ka ọ̀ dọ yị há ọ̀ yàrị ẹmị.

Imatiwu 28:20

Sị zụ̀ wa nịnị ka ẹ̀ẹ saasa avaba ịsa ọnị mị mẹ ọda anịị wụ nịnị! Tamayị, mị vaa yàa pe wu nịnị ịnị avaba ụmẹ pooro ne tù ọdịrẹma ẹhẹ.”

Ayịsaya 41:10

Asị ụ hi angwa ka ọnị ya pe wụ nịnị! Ọnị ọ vị Ohomorihi awụ nịnị, asị ụ hi angwa. Ọnị vaa sị ụkata yị wụ nịnị, dị ọnị gụ wụ nịnị ụvọ, Ọnị vee sere wụ, dị ọnị dọ wụ ha.

Ọyịkụra 4:12

Dị ọ ka ọ̀ọ na, ka ọnị vaa mẹ ka ọ zụ ka ịrẹyị. Ọ rẹ ka ọnị rẹ vaa sị zụ̀ ọ ịsị a vọrọ ka ọ̀ kà.”

Aniroomi 8:31

Sị ị kụkụ vaa kà booro aanị? Ohomorihi ọ̀ọ yà yị ịrẹma, ẹnẹ kụkụ zụ kwẹẹtẹ tù yi?

Ịjọọnụ 10:16

Ma rẹ nyị atẹmẹ ọsa, ana ahịka e yi hi ini irehi atẹmẹ ọnọnị. Â nyị ka ma kụ́ wa vẹ, ẹnị rẹ vaa wụ́ ọngwẹ amị. Ọnya avaba ẹnịnị kụkụ vaa vị nị, ọza ịnya ọ vaa tẹsị ẹnịnị nị.

2 Itimoti 4:22

Ananyị yị ọ̀ yà ịnị ayị awụ! Ohomorihi ọ̀ mẹ ọyịza wụ nịnị!

Ayịsaya 54:17

Ama ẹ yị nyị ẹnya ịrẹkụ ana hụ vị awụ mẹ, ana vaa mẹ̀ ụkọrọ. Avaba ịrarẹ ana àa sị ịrẹyị awụ na tụ́ ịrẹka, vị ọnị ụ vaa kụụ hi ireche.” Ẹnẹyịmavara kà ịsa ọnị mẹ tịtẹ yị ezi ahụ anị yị, ọnị vaa mẹ ka ẹ̀ nyị ehuna.

Ịjọọnụ 11:52

Ẹ yị rẹ vị ịrẹyị ẹnịnya kẹnẹ, ama ka ọ rẹ vaa kụ́ avaba aza Ohomorihi ana gara hi avaba aha gụ tụ́ aha ọnya.

Imatiwu 10:30

Avaba ẹyị ị́rẹsụ awụ nịnị vị oni Ohomorihi za ịrịka.

Ijosuwa 1:9

Dị Ẹnẹyịmavara rẹ ka ọnị ọ kà a yọ nọ! ọnị ka ọ̀ nyị ọtụtụrụma dị ọ sị ayị vị ọnya. Ọ kà asị o hí angwa, asị ayị hụrẹ ẹ ịnẹ ka ọnị Ẹnẹyịmavara ana vi Ohomorihi anị vaa yàa pè e oze tụra oze ọnị ọ̀ọ vaa zị.

Odeyi 15:18

 yẹ ịsa ẹnẹnị hụrẹ ụmọrụmọ.”

Iruuku 21:18

Ama ẹyị ịrẹsụ awụ nịnị ikonya o yi vee vú.

Ayịsaya 43:2

Wàa ngụ enyi ana nyị ịnẹ, mị vaa yàa pe wu; Akanya awụ ẹ yị vee huna awụ. Wàa ngụ ịraa parahu, ọ yị vaa rị wụ;

2 Itimoti 4:17

Ama Ananyị yị ộ jẹẹ pe mi, dị ọ sị ụkata mị ka ma zụ kà enube ọyịza ẹtẹẹtẹrẹ, dị avaba aza ẹnẹ ẹ̀ yị vị Aniju ẹ̀ zụ wụ́ nị. Ohomorihi ộ dọ mị hụrị irenu idu.

Imatiwu 1:23

“Re, ozwoorihi ọnya ẹnẹ ẹ̀ẹẹ̀ yị yẹ ọnọrụ vee zyẹẹ, dị ọ ma ozi ọnọrụ ọnya. A vaa hị́ ịrẹha anị Ẹmanụwẹrị oni iruvo anị vị Ohomorihi yà beri eyi.”

Ayịsaya 8:10

Ụ wàa mẹ̀ zụ u tenyi ẹngụ nịnị, we yi yèe ree mẹ nịnị; nyayịnẹ gẹ eyi nịnị, osusu avaba anị aa vị nị, agụvị ka Ohomorihi jẹẹ pè yị.

Odeyi 15:14

Ịsayịmọnị ọ sị ọọ kà a yị, Óhomorihi ọnị ụvọta meme nyima aa sị ayịị tụ́ ịnị ịrẹyị Anigiriki bẹẹ. Agụvị avọọ dị ọ nyị aza hụụnị Anigiriki ka ẹ̀ vị aza anị nị.

Ọdọvịdị 2:18

Ụmẹ tụra ụmẹ ọnị Ẹnẹyịmavara ọ̀ọ nyị ọdọvịdị yị wa ọọ jẹẹ pe wa, dị ọ dọ wa ha hụụnị ụvọ ọnịvị ẹnịnị pooro di e su nị. Ẹnẹyịmavara vị anaā vayị ẹnịnị agụvị aza ana mẹ ẹvaya yị wa, dị a sị ụya rị wa.

Ijosuwa 1:5

Ẹnẹyịmavara rẹ kà a yị nyị ọza ana va nyayịnẹ và eyii kà Ijosuwa pooro dị ọ̀ sị ẹhẹ tịtẹ. Ộ kà ọnị mẹ̀ yà pè Imosiisi, avọọ ọnị mẹ̀ rẹ vaa yà pè Ijosuwa nị. Ọ kà ọnị ọ yị vaa mẹ̀ ụhị nyị ọ, ọnị ọ yị vaa hụrẹ ẹ ụvọ.

Odeyi 18:9

Ịrahụ ẹkụhị ọnya, Ịpọọrụ ô re ẹtẹ, dị Ananyị yị kà ịrẹyịị yọ nị. Dị ọ ka, “Asị u hí angwa, wa yịị kà enube ọyịza! Asị ụ hụrẹ ụvọ,

Odeyi 18:11

Dị Ịpọọrụ yà ịzọọ mẹ ịrayị ọnya tụra ụhwẹ ịhịnọnyị, dị aa sị ịrẹyị Ohomorihi zụ̀ aza nị.