Odeyi 17:30 - IWE ỌNỊNỊ

³⁰ Ụmẹ ana aza ẹ̀ yị sị yẹ ịsa ẹnẹnị, Ohomorihi ọ raà sị eyi jịnẹ ẹ. Ama booro aanị, ọ raà mẹ ọda ka avaba aza avaba aha è ro ịnẹ varẹma.

Odeyi 17:30 Referans Kwoze

Odeyi 14:16

Ịyẹẹyẹ, ộ zẹẹ ka ọzọza ọ̀ọ mẹ ịsị èe zé wa eyi.

Iruuku 24:47

Ịnị ịrẹha anị a vaa yàa kà enube ọyịzaa yị aza ka è ro ịnẹ varẹma hụụnị ebira odivi ẹnịnị, dị Ohomorihi ọ̀ vagu wa ịnị ịvị ẹnịnị nị. E vee nyimaa hụrẹ Ijerusarẹmị, dị ẹ vavọọ kà a pooro na ngụ avaba ẹhẹ.

1Ipita 4:3

Ụmẹ ọnị vịdị sị mẹ̀ ịsa ọnị anarịmadọwụ nịnịị̄ mẹ avọọ, óo ze. Ịsị ụ vịdịị mẹ nịnị yị: Ebira kẹnẹ-kẹnẹ, ịsa edivi ọnị ọchẹngụ ọzaā sì, di u wee hú eche dị aa mẹrị wụ nịnị; dị ụ raa rị ịsa di u wee hú eche chavaa nịnị kẹnẹ. Ụ rẹẹ̄ hẹkẹ ori nịnị ana vị ịsa Ohomorihi ò yi sì vụrụ-vụrụ nịnị.

Aniroomi 3:25

Ohomorihi ọ́ọ sị ọọ zụ̀ gedebee ka ọnị óo si sí ụta ịvị aza ana â sị ayị tụra anya oni o che sẹ́ ẹtẹ. Ohomorihi ọ́ọ vavọọ mẹ, agụvị dị ọ̀ zụ sị ịzẹyịza anị zụ̀ aza. Ịyẹẹyẹ vị oni Ohomorihi nyị isuuru, dị ọ sị eyi jịnẹ ịvị ana aza aa mẹ.

Odeyi 3:19

Agụvị avọọ ro ịnẹ varẹma, dị ụ wa và ká Ohomorihi vẹ nịnị, agụvị ò du ịvị awụ nịnị kwooze!

Aniroomi 2:4

Ohomorihi aa ngụ ayị awụ ẹtẹẹtẹrẹ, dị ọ rẹ nyayịnẹ nyị isuuru wụ nị. A vị du wee ree ịrẹyị ịyẹyẹẹ? Aa nị ka wẹ yị yẹ ka vị Ohomorihi aa vayị awụ di ee sì ka ọnị ọ̀ mẹ wụ di u we ro ịnẹ varẹma nị?

Aniroomi 1:28

Aza ê yi, ẹ ka eni ee sì ka ẹnị ẹ̀ yẹ Ohomorihi. Agụvị avọọ, di Ohomorihi navọ wa ka èe ro ịrẹyị kẹnẹ-kẹnẹ, dị ẹẹ mẹ̀ ịsa ẹnẹ ẹ̀ yị vọrọ nị.

Odeyi 20:21

Aniju ọnịrị Anigiriki m maa kà a yị ẹtẹẹtẹrẹ ka è ro ịnẹ varẹma, dị ẹ̀ và ká Ohomorihi vẹ, dị ẹ̀ rẹ dọ Ijeesu Ananyị yị wụ́ nị.

Iruuku 13:5

Jẹẹ ma kà a wụ ka ẹ yị vị avọọ. Ẹ̀ yị vị ụ ro ịnẹ varẹma nịnị, avọọ ẹwụ nịnị mè ree vu ẹtẹ nị.”

Ahẹ Ụgama 50:21

Ohomorihi ka ụ mẹ̀ vavọọ aa mẹ nịnị, oni o yi tụ́ ohi di oni ee re wu nịnị kẹnẹ nị Dị ẹwụ nịnị kuku ree ro o ka ọnyọọnya ẹwụrị ọnị vị nịnị nị Ohomorihi ka ọnị vaa kà a wụ nịnị eyi gẹrị eyi ka ịsị waa mẹ nịnị, o yi zoza.

Odeyi 17:23

M màa parahu ịnị ẹkụra awụ nịnị, di mi re avaba ịzị ụụ̄ mẹ hẹkẹ nịnị; mê re ụta ọnya anaa chẹrẹ ịsa tụ́ ka: ‘Ohomorihi ọnị ọza ẹ̀ yị yẹ.’ Ohomorihi ọnọọ ọnị ụ waa hẹkẹ nịnị, dị ụ wẹ̀ yị yẹ ẹ nịnị, m maa kà ịrẹyị anịị wụ nịnị aanị nị.

Odeyi 11:18

Ịjị ẹ maanị wụ́, dị ẹ kụ́ ịrẹka ẹnịnị kwooze, dị ẹ kụkụ aa ga Ohomorihi nị. Dị ẹ ka, “Ọnị ọ vị ka Ohomorihi ọ rẹ raà sị oze yị Anigiriki ka eni è re zụ ro ịnẹ varẹma, dị ẹ̀ zụ yàra ị́dị anị zịna-zịna.”

Ịmaakị 6:12

Dị ẹ jịnẹ na, dị ẹyaa kà ịrẹyị Ohomorihi ka aza è ro ịnẹ varẹma nị.

Ịmaakị 1:15

dị ọ ka, “Ụmẹ o si tù, ọ sị vọ chee, dị ịjọva Ohomorihi ọ̀ vẹ. Ro ịnẹ varẹma hụụnị ebira odivi awụ nịnị, dị ụ wa dọ enube ọyịza wụ́ nịnị!”

Imatiwu 3:2

Dị ọ ka: aza è ro ịnẹ varẹma hụụnị ebira odivi ẹnịnị, agụvị ka ụmẹ ọnị Ada ayị ẹbẹẹba vaa sị mẹ ịjọva aa gụrị ẹtẹ nị.

2 Anịkọrịntị 7:10

Ọza òo du ayị anka Óhomorihi mè sì, ọọ̄ mẹ̀ ka ọza ọnọọ ò ro ịnẹ varẹma, dị Ohomorihi ọ̀ dọ ọ há. Ọza ọ mā sị ụmayịyẹ ịnị ọnọọ. Ama àa vị ọza ee du ayị anka anẹhẹ kẹnẹ nị, isu ọọ̄ sịị vẹ nị.

Iruuku 15:10

Dị ma rẹ kà a wụ nịnị ka avọọ gẹdẹ-gẹdẹ anggẹẹrị Ohomorihi màa jẹ ịrajẹ agụvị ọnịvị ọnya ene ro ịnẹ varẹma nị.”

Imatiwu 4:17

Hụrẹ ụmẹ ọnọọ, dị Ijeesu nyima dị aa kà ịrẹyị Ohomorihi nị. Dị ọ ka, “Ro ịnẹ varẹma hụụnị ịvị awụ nịnị, agụvị ka ụmẹ ana Ada ayị ẹbẹẹba vaa sị mẹ ịjọva aa gụrị ẹtẹ.”

Aniroomi 3:23

agụvị ka avaba aza ẹ sị ịvị mẹ, ẹ yị kụkụ nyị tụ́ ịnị igirima Ohomorihi.

Ayịsaya 21:12

Dị mị ka eyi aa vaa nị̄, ama ẹtẹ re venee hozi. Mị ka ọ̀ọ ka ọnị ee hii họ̀ use, ọ̀ vavẹ di ò re ve họ̀ use.

Imatiwu 20:7

Dị ẹ kà a yọ ka agụvị ka ẹ yị nyị ọza ana hị́ ẹnị ụkọrọ yọ nị. Dị ọ kà a yị wa ka: ‘Nọ ịnị ụbazị amị nịnị ka ịsị ẹ̀ẹ vọrọ, mị vaa sịị yị wụ nịnị.’