Odeyi 17:25 - IWE ỌNỊNỊ

²⁵ Ẹ yị nyị ịsị ọ̀ yị nyị, agụvị avọọ ẹ yị nyị ka ọza ọ̀ na sị ụvọ anị mẹ̀ ụkọrọ dị ọ̀ sị ịsa va yọ. Ọnị ọ vanaā sị ụhwẹẹ yị aza ọnịrị avaba ịsa ana vọ nị.

Odeyi 17:25 Referans Kwoze

Oyinyima 2:7

Di Ẹnẹyịmavara Ohomorihi va dà èzi hụụnị eteesu dị ọ sị mẹ ọza nị. Ịjị ọ sị ọ mẹ, dị ọ tụ́ ụhwẹ hi ọ aahị nị. Ịjọnọọ dị ọza ọnọọ kụkụ aa tụ́ ụhwẹ dị ọ yàra nị.

Aniroomi 11:35

Ẹnẹ ka ọnị ọ zụ sị ịsa yị Ohomorihi ka ọnị ọ̀ sị dọ ọ ịsa varẹma?”

Odeyi 17:28

Ini oze anị, ị yà nyị ụhwẹ, dị yaa zịị, dị ị yàra nị. Ọjahẹ awụ nịnị ọnya ộ hyakụ kà a ka: ‘Ezi anị ẹ́yị rẹ vị nị.’

Ayịsaya 42:5

Ohomorihi ộ mẹ avaba ịsa ene hi ẹbẹẹba, dị ọ gana wa nị. Ọnị ộ mẹ̀ ẹhẹ ọnịrị avaba ịsa ene hi ịnị anị nị. Ọnị ộ mẹ̀ ka aza ene hi ịnị ẹhẹ ẹ̀ yara, dị ẹẹ tụ́ ụhwẹ nị. Ẹnẹyịmavara, Ohomorihi ọ kà a yị ozi ahụ anị ọyaanị ka;

Ijoovu 33:4

Ohomorihi ọ nyị ụkata ọnị ọ sị mẹ̀ ọnị nị. Ọnị ọ sị ụhwẹ yị ọnị nị.

Ijoovu 22:2

Arihwanị sị ẹyị ọza daka zụ mẹ yị Ohomorihi kẹ? Sị ẹ vị ọyịza ọnị ọza ana yẹ ịrẹyị huu kere-kere zụ mẹ yọ?

1 Itimoti 6:17

Aza ana vị ọzọbanyị ịnị ẹhẹ ọnọnị, hú wa ụvọ ka asị ẹ na mẹ eyi! Kàa ka asị ẹ na sị eyi tụra ụbanyị ana ahịka ọ mā za jẹẹ! Ama kà a ka ẹ̀ sị ayị tụra Ohomorihi anaā mẹ ẹyịza! Ọnị ọọ̄ sị avaba ịsaa yị ka ya sịị mẹ inohine.

Ijoovu 27:3

Ohomorihi ò sere ọnị, dị ọnị e yi su nị.

Ịzakaraya 12:1

Ọsọnị ọ vị ụtụ ọnị Ẹnẹyịmavara tụ́ hi Anisirẹrị nịnị. Ẹnẹyịmavara ana gana eguhi ku ẹbẹẹba, dị ộ mè ẹtẹ, dị ọ sị ụhwẹ ka ọ sị ra kà,

Ahẹ Ụgama 16:2

Mị ka Ẹnẹyịmavara, ẹwa nyị mị nị Avaba ịsa ozoza ọnị mị nyị, ẹwa sị mị nị

Ijoovu 12:10

Ẹhẹ ọzọza vana ya ịnị ụvọ Ohomorihi.

Odeyi 14:17

Ama aa yịị sịị zụ̀ wụ nịnị ka ọnị yà ịzọọ ini oze ịsa ozoza ọnị ọọ̄ mẹ̀. Ọọ̄ mẹ ka orihi ọ̀ọ zụ̀ụ hụrẹ ẹbẹẹba vẹ. Ịsa ịnị aarẹ aa mẹ ẹtẹẹtẹrẹ ịnị ụmẹ ẹnịnị. Ọọ̄ sị ịsọyịrịị wụ nịnị, ọ rẹẹ̄ mẹ ka ayị awụ nịnị òo hine.”

Imatiwu 9:13

Ama na nịnị, di u we ne sì uruvo ịsa ọnị ịrẹyị ọnọnị kà nịnị ka: ‘Me yi sì ịsọvọ, àyị vị ayamva.’ Agụvị ka mẹ yị vẹ ka ma hị́ ọnịrẹyịzẹyịza, àyị vị ka ọnịvị nịnị è ro ịnẹ varẹma nị.”

Imatiwu 5:45

Wa vavọọ mẹ agụvị dị è re ka ezi Ada awụ ẹbẹẹba ụ vị nịnị nị, agụvị ka aa mẹ ka ọyị anị ọ̀ọ háa yị aza edivi ọnịrị aza ọyịza. Ọ raa zụ̀ orihii yị ọnịzẹyịza ọnịrị aza ẹnẹ ẹ̀yị nyị ịzẹyịza.

Ayịsaya 57:16

Ẹma mẹ ka aza amị yàra nị; mẹ yị maanị vaa kà a pooro ka ệ mẹ divi nịnị, à vị ka ma maanị kụ́ ayịị hi wa pooro. Agụvị ka aza ẹnẹnị gẹdẹ-gẹdẹ ọnị mẹ ka ẹ̀ yàra aanị, vị ene vee su eyi amị.

Ijoovu 34:14

Ohomorihi ọ̀ọ dọ ụhwẹ anị varẹma, avaba ayị vị ene su, dị ẹ varẹma nọ ịnị eteesu.

Ịrịka 27:16

Taarụ! Ẹnẹyịmavara Ohomorihi ana yẹ ịsa ya ịnị ayị ẹyọza, navọ wa nyị ọza ana vaa vị ọdọvịdị yị Isirẹrị.

Ịrịka 16:22

Ama dị ẹnị ẹyịva ẹnẹẹ ka ịrẹsụ hi, dị ẹ mẹ̀ aduwa kà a, Tee! Ohomorihi anaā sịị ụhwẹ yị aza, sị ẹ vị dị a vaa hụvị ọza ịnya kụ ayị hi avaba ịragụ?

Iwe Ọhụhị Imosiisi ana aa hị́ Ọyịvatụrọda 30:20

Sì ịrẹyị Ẹnẹyịmavara Ohomorihi awụ nịnị, wụ́ chire e, dị ụ waa mẹ ịzẹyịza ka a na, dị ẹwụrị evere ọ zụ ku orubo ịnị ẹtẹ ọnị ọ hị́ eku anị yị ohiku ẹnịnị Abụrahamị, Ayiziiki ọnịrị Ijekọvụ.

Ijeremaya 38:16

Ọ kà, dị ohinọyị Ịzẹdẹkaya were kà a yị ọnị ka, ọnị ộ sị Ohomorihi ana sị ụhwẹ yị avaba aza hị́ eku ka, ọnị ẹ́ yị vaa wụ̀ ọnị. Ọnị ẹ́ yị rẹ vaa hụrẹ ọnị ụvọ yị aza enee si ọnị isu nị.