Odeyi 17:24 - IWE ỌNỊNỊ

²⁴ Ohomorihi ana mẹ ẹhẹ ọnịrị avaba ịsa ene hi ịnị anị, ọnị ọ nyị ẹbẹẹba ọnịrị ẹhẹ nị. Ọ mā ra ini irehi ana aza dà.

Odeyi 17:24 Referans Kwoze

1 Ohinọyị 8:27

Yâ yẹ de ka ẹ yị vị ka ịnị ẹhẹ ụ waa vaa ra nị. Ẹbẹẹba keekere ini ihinẹba ọ yị hyakụ dọ wụ, dị ma va na kà irehi ọnị mị ka mị da aanị nị.

Iwe Ọhụhị Imosiisi ana aa hị́ Ọyịvatụrọda 10:14

Ẹnẹyịmavara ọ nyị avaba ẹbẹẹba ọnịrị ẹtẹ beri avaba ịsa ene hi ịnị anị.

Odeyi 7:48

Ama Ohomorihi ọgọdọgọdọ ọnị ụvọ ọza è yi mè tù ọ mā ra ini irehi ana aza dà; anka ọ́nịsẹ ọnya mẹ̀ kà a ka

Ayịsaya 66:1

Ẹnẹyịmavara kà a, ẹbẹẹba vị aha ọyị yaatụ ohinọyị anị, dị ẹhẹ vị ịrẹhụ ọnị ọnị aa kụ́ ahụ hi nị. Ẹngụ irehi si è ro ka ẹnị ẹ zụ da yị ọnị kẹ? Ịzị ẹ vị aha ẹnẹ zụ da ka ọnị ọ ra kẹ?

2 Ịtọpa 6:18

Ama ọ́ọ́ vaa ra ịnị akakana aza ịrẹma ọnị avaba ẹbẹẹba ẹ yị dọ ọ ya? Irehi anị ọnị ọ dà aanị wáá vaa dọ ọ ya?

Imatiwu 11:25

Ịjọnọọ dị Ijeesu ka, “Ọga, ana nyị ẹbẹẹba ọnịrị ẹhẹ! Mâ kụ́ wụ avọ, agụvị ka ịsa ọnị ụ sị tẹ yị aza ana yẹ ịsa, wa raà sị zụ̀ aza ẹnẹ ẹ̀ yị nyị ịsị ẹ yẹ.

2 Ịtọpa 2:6

Ama ẹnẹ zụ dà irehi ene rere ọ? Ẹbẹẹba kere-kere ẹ yị hyakụ dọ ọ ya, ẹnẹ va zụ dà irehi yọ, ẹ vị ka a dà aha ịzị a vaa mẹ̀ ịsọvọ yọ?

Ahẹ Ụgama 115:16

Ẹnẹyịmavara ọ nyị avaba ẹbẹẹba nị. Dị ọ sị ẹhẹ dị ọ sị yị aza nị.

Ẹtore 20:11

Mée re aga ohinọyị ọnya aanị. Ọ́ọ banyị ẹtẹẹtẹrẹ, dị ọ vị ọvwọọvụ nị. Dị ọza ịnya yaayịtẹ ịnị anị nị. Dị ẹtẹ ọnịrị ẹbẹẹba ee zwee hụrẹ ọvịdị anị, dị ọza ò yi kuku re wa nị.

Odeyi 14:15

“Anda ayị nịnị, sị ẹ vẹ dị ụ maanị aa mẹ nịnị aanị? Ọza anka ẹwụ nịnị mẹ̀ rẹ yà ị vị nọ! Yâ vẹ ịzẹnị ka ya va kà enube ọyịza wụ nịnị, ka wa và hụụnị ịsa kẹnẹ-kẹnẹ ẹnẹnị, dị ụ wa và ká Ohomorihi ana yàra na nịnị! Ohomorihi ọnọọ ọ mẹ ẹbẹẹba ọnịrị ẹhẹ beri òkū ọnịrị avaba ịsa ene hi ịnị ẹnịnị nị.

Odeyi 4:24

Ẹ mẹ̀ vavọọ wụ́, di e dudu sị ayị vị ọnya, di e nowu hị́ Ohomorihi nị. Dị ẹ ka: Ohi-ọmenezeyi Ananyịwa, ẹwa mẹ ẹbẹẹba ọnịrị ẹtẹ nị. Ẹwa rẹ mẹ òkū ọnịrị avaba ịsị e hi ịnị anị nị.

Ijeremaya 10:11

Kà ẹ yị wa nịnị ka, ori ẹnẹnị, ẹ yị vị ẹnị ọ mẹ ẹbẹẹba ọnịrị ẹhẹ ọnọnị. Ẹnịnị vị ene e vee vú ẹtẹ hụụnị ẹhẹ. Ọza, e me vene re wa ịnị ẹhẹ.

Iruuku 10:21

Ịnị ụmẹ ọnọọ gẹdẹ-gẹdẹ dị Ụhwẹ Ọnịnị mẹ ka ịnẹ Ijeesu ò hine ẹtẹẹtẹrẹ nị. Dị ọ ka, “Nda ana nyị ẹbẹẹba ọnịrị ẹhẹ, mâ kụ́ wụ avọ, agụvị ka ịsa ọnị ụ sị tẹ yị aza ana yẹ ịsa, wa raà sị zụ̀ aza ẹnẹ ẹ̀ yị nyị ịsị ẹ yẹ. Nda, avọọ gẹdẹ-gẹdẹ o mè zé wu eyi nị.

Ayịsaya 42:5

Ohomorihi ộ mẹ avaba ịsa ene hi ẹbẹẹba, dị ọ gana wa nị. Ọnị ộ mẹ̀ ẹhẹ ọnịrị avaba ịsa ene hi ịnị anị nị. Ọnị ộ mẹ̀ ka aza ene hi ịnị ẹhẹ ẹ̀ yara, dị ẹẹ tụ́ ụhwẹ nị. Ẹnẹyịmavara, Ohomorihi ọ kà a yị ozi ahụ anị ọyaanị ka;

2 Ohinọyị 19:15

Ộ mẹ̀ aduwa, dị ọ ka: Ẹwụ Ẹnẹyịmavara, Ohomorihi Anisirẹrị nịnị, ohinọyị ana ya ẹbẹẹba anggẹẹrị nịnị, ẹwụ ịnyara ọ vị̀ Ohomorihi nị. Ẹ wa vị ohinọyị avaba ẹhẹ nị. Ẹwụ tụ ẹtẹ ọnịrị ihinẹba nị.

Ijeremaya 23:24

Ọ kà áá nyị ọza ana zụ tẹ aha ewere ọnyọọnyị ka asị ọnị ré ọnị? Ọ kà áá nyị ịzị ọnị ẹ̀ yị yà ẹbẹẹba ọnịrị ịnị ẹhẹ ọnọnị kẹ?

Anihiburu 3:4

Yáa yẹ ka avaba irehi saka-saka ọza ọ dàa nị. Ama Ohomorihi ọ mẹ avaba ịsa nị.

Imatiwu 5:34

Ama ẹma kà a yị wụ nịnị nị ka asị ụ hyeku vụrụ-vụrụ; asị ụ sị ẹbẹẹba hyeku, agụvị ka ịzị Ohomorihiī yaayịtẹ yọ nị!

Ayịsaya 40:12

Áá nyị ọza ana nyẹngụ sị ụvọta anị mọ̄ enyi ini òkū dị ọ yẹ ọ mẹmẹ rụrụ a vị dị ọ sị ụvọ mọ̄ eguhi dị ọ yẹ ọ mẹmẹ gana? Áá nyị ọza ana nyẹngụ sị aku za èzi ene hi ịrẹsụ ẹtẹ a vị dị ọza ọ ịngọ ngọ ataba ọnịrị otutu nini dị ọ yẹ ẹ mẹmẹ rata?

Ahẹ Ụgama 24:1

Ẹnẹyịmavara ọ nyị ẹhẹ, ọnịrị avaba ịsa ene hi ini anị nị. Ọnị ọ rẹ nyị aza ene hị́ ịnị anị nị.

Anihiburu 1:2

Ama ịnị ụmẹ ọnọnị ana vị ụmẹ ọdịrẹma aanị, oze ịnị ụvọ Ozi anị ọ zị kà ịrẹyịị yị nị. Ohomorihi ọ sị ọọ nyị ka ọnị ọ̀ sị avaba ịsa yọ. Oze ịnị ụvọ Ozi anị ọnọọ ọ rẹ zị mẹ avaba ẹhẹ nị.

Ịjọọnụ 1:1

Hụrẹ ụmọrụmọ, dị a va yẹ ka aa mẹ ẹhẹ, Ịrẹyị Ohomorihi hụrẹ yà ịzọọ nị. Ịrẹyị ọnọọ vị ana yà ịdị Ohomorihi, Ịrẹyị ọnọọ gẹdẹ-gẹdẹ vị Ohomorihi.

Ayịsaya 40:28

Aanịka wẹ́ẹ́ yị yẹ? Wẹ́ẹ́ yị wụ̀? Ẹnẹyịmavara ọ vị Ohomorihi ana yara pooro nị. Ọnị ọ tụ ẹhẹ vẹ nị. Ọ yị mā ngụ ọ ẹngụ, ọ yị mā ha a. Ẹ yị nyị ọza ana yẹ ịsị vị aro anị.

Ịzakaraya 12:1

Ọsọnị ọ vị ụtụ ọnị Ẹnẹyịmavara tụ́ hi Anisirẹrị nịnị. Ẹnẹyịmavara ana gana eguhi ku ẹbẹẹba, dị ộ mè ẹtẹ, dị ọ sị ụhwẹ ka ọ sị ra kà,

Ahẹ Ụgama 148:13

Avaba awụ nịnị ọ̀ọ kụ́ Ẹnẹyịmavara avọ, agụvị ka ọnị ịnyara ọ nyị ụbanyị nị, Ụbanyị anị ộ para ẹtẹ ọnịrị ihinẹba hu.

Ịdanịyẹrị 4:35

Inebukadineza ka, ẹ yị nyị ịsị avaba anẹhẹ vị̀ eyi Ohomorihi. Anggẹẹrị ene hi ẹbẹẹba ọnịrị avaba anẹhẹ vị ene hi ịnị ụvọ anị. Ọnị ọ vị ọmẹrẹyị ọnị ọza ẹ yị ma họ̀ ka sị ẹ vẹ nị. Ẹ̀nẹẹ nọ ọ ịrẹvụ?

Ijeremaya 32:17

Tee, Ohomorihi Ananyị yị! Ẹwa tana ụvọ dị ụ sị ụkata awụ tụ́ ẹbẹẹba ọnịrị ẹhẹ ọnọnị nọ. Ẹ́ yị nyị ịsị ẹ katẹngụ yị ụ o.

Ayịsaya 45:18

Ẹnẹyịmavara ịnya kẹnẹ ọ vị Ohomorihi nị! Ọnị ọ tụ ẹbẹẹba ọnịrị ẹhẹ ịzị ọ kụ aza hi ka ẹ ra, asị ọ vị osusu. Ọ kà ọnị Ẹnẹyịmavara ọ vị Ohomorihi, ẹ yị nyị Ohomorihi ọsa.

Ahẹ Ụgama 146:5

Aza ana ahịka Ohomorihi oni Ijekọvụ hẹkẹ aa gụ ụvọ nị ẹ̀ nyarị ịrẹsụ ọyịza. Mị ka aza ẹnẹẹ ana ahịka Ẹnẹyịmavara ana vị Ohomorihi ẹ sị ayị tụra nị ẹ̀ nyarị ịrẹsụ ọyịza.

Oyinyima 14:19

Dị ọ mẹ̀ aduwa yi Abụramị dị ọ ka, “Ohomorihi ọgọdọgọdọ ọnị ụvọ ọza è yi mè tù ana mẹ ẹbẹẹba ọnịrị ẹhẹ ọ̀ navọ ó zee yị Abụramị.

Oyinyima 14:22

Dị Abụramị ka: Eyiye, ọnị ộ vịdị raà sị́ Ẹnẹyịmavara Ohomorihi ana nẹba hu keekere ana mẹ ẹbẹẹba ọnịrị ẹhẹ hị́ eku,

Oyinyima 1:1

Ịjị Ohomorihi nyima aa tụ́ ẹhẹ ộ tụ́ ẹbẹẹba ọnịrị ẹtẹ.

Ịmarakayị 2:10

Dị Ịmarakayị ka, aanịka ẹ yị vị ada ọnya ọ ma ayị? Áa vị ẹ yị vị Ohomorihi ọnya ọ tụ yị vẹ ẹhẹ? Sị ẹ vaa vẹ di e yee vene ẹngụ? Sị ẹ vẹ dị ẹ yaa sị eyi kẹnẹ-kẹnẹ re ịsa ọnị Ohomorihi ka ọnị a mẹ yị ohiku ẹnịnị?

Aniroomi 1:19

Ịsa ana vọrọ ka aza ẹ̀ yẹ ini oze Ohomorihi, ệ yẹ ẹ, agụvị ka Ohomorihi ọnị ụvọta ọ sị zụ̀ wa nị.