Odeyi 17:11 - IWE ỌNỊNỊ

¹¹ Anibereya nịnị ẹ dọ ịrẹyị Ohomorihi tụ́ ịnị ayị huna Anịtẹsaronika nịnị nị. Ệ sị avaba ayị ẹnịnị dọ ịrẹyị Ohomorihi. Dị ẹyaa zama Iwe Ohomorihi re eyinị-eyinị ka eni è re e, àa vị ịzẹyịza avaba ịrẹyị ọnị Ịpọọrụ kà vị nị.

Odeyi 17:11 Referans Kwoze

Ayịsaya 34:16

Na ka iwe Ẹnẹyịmavara di wee re ịsa ọnị ọ̀ vaa mẹ. Ẹ yị nyị inomi ọnịrị uye ene vee vu, ẹ yị ọnị ẹyị vaa nyị ọnọhụva. Ẹnẹyịmavara o reè wo oto anị. Ọnị ụvọta vaa sị ọ sị.

Ịjọọnụ 5:39

Waa kà Iwe Ohomorihi nịnị ẹtẹẹtẹrẹ, agụvị ka wâ dọ nịnị ka ịnị anị, ụ nyẹngụ re ịsị ẹ zụ sị wụ nịnị yàra pooro zịna-zịna nị. Iwe Ohomorihi ọnọọ gẹdẹ-gẹdẹ vị ana aa kà ịrẹyị amị.

1 Anịtẹsaronika 2:13

Iruvo ọsa ọnị ị raa sịị kụ́ Ohomorihi avọ pooro yị: Ị mẹ̀ va kà ịrẹyị Ohomorihii wụ nịnị, wâ wụ́ ọọ nịnị, dị ụ rẹ dọ ọ nịnị nị. Wẹ yị dọ ọ nịnị anka ịrẹyị ọza kẹnẹ, ama anka ịrẹyị Ohomorihi. Ịzẹyịza, ịrẹyị Ohomorihi yọ nị, agụvị ka Ohomorihi aa mẹ̀ ụkọrọ ịnị ayị ẹwụ nịnị ana sị ayị tụraa ẹtẹẹtẹrẹ.

Imatiwu 13:23

Ọza ana dọ ihu ọnọọ tụ́ ịnị ẹtẹ ozoza, ọ vị ọza ana wụ́ ịrẹyị ọnọọ, dị ọ yẹ ịsị ọ vị nị. Dị ọ raa nyị ẹtụtụ nị, ẹnyị ệ nyị ẹtụtụ ẹchẹhị-ẹchẹhị, ẹnyị ẹbẹẹta-ẹbẹẹta, ẹnyị ohurẹẹwụ-ohurẹẹwụ.”

Ụhịrẹyị 9:9

Wàa sị ịrẹyọyẹ zụ ọnịrẹyọyẹ, dị ọ yẹ ịrẹyị huna avọọ. Wàa zụ ọnịzẹyịza ịsa, dị ọ yẹ ịsa ọnọọ huna avọọ.

Ụhịrẹyị 1:5

Ọza ana àa yẹ ịrẹyị ọ sị ụtọ pe ụhịrẹyị ẹnẹnị, dị ọ yẹ ịrẹyị hu avọọ. Ọza ọnị eyi anị hweyi vaa nyị eyohweyi hu avọọ,

1 Anịtẹsaronika 1:6

Ẹwụ nịnị ọ́ rẹ sị ahụ ẹyị hi ẹtẹ, dị ụ raa sị ahụ Ijeesu Ananyị yịị hi ẹtẹ nịnị nị. Wàa daka rị ụya nịnị pooro, wâ dọ enube ọnọọ nịnị, dị Ụhwẹ Ọnịnị sị ịrajẹ wụ nịnị nị.

Ịjọọnụ 3:21

Ama ọza anaā mẹ ịzẹyịza, ọnịị̄ vẹ ini ẹtohweyi, agụvị ka ee sì ka avaba ọzọza ò re e ka Ohomorihi aa mẹ ka ọnị ọ̀ọ mẹ̀ ịsa ẹnẹẹ nị.

2 Anịtẹsaronika 2:10

Ịnị ịsa odivi anị, ọ vaa sị irechee vene aza ene vee vụ ẹtẹ. E vee vu ẹtẹ kẹnẹ, agụvị ka ẹnịnị e yi sì ịrẹyị ịzẹyịza, ana zụ mẹ ka à yaanị dọ wa há.

1Ipita 2:2

Ama waa mẹ nịnị anka ozi ọwọọwa eneē sì ịrẹva oyi hú. Ẹwụ nịnị ọ̀ rẹ vavọọ sì ịrẹyị Ohomorihi ọ̀yị wụ́, agụvị dị ụ waa vịraa tụ́ ịnị ẹdọha nịnị,

Iruuku 24:44

Dị Ijeesu kà a yị wa ka, “Ịsị mị vịdị sị kà a wụ nịnị, m mẹ̀ yà pe wu nịnị, yị, ka: Avaba ịrẹyị amị ana a chẹrẹ tụ́ Iwe Imosiisi ọnịrị iwe ọnịsẹ nịnị beri iwe ahẹ ụga, ẹ yị zụ nyị ka ẹ yị vaa sẹ”.

Ayịsaya 8:20

Ọza ana àa kà ịrẹyị dị ọ̀ yị kà a anka ọda ọnịrị ịrẹyị Ohomorihi mẹ̀ kà a nị, ẹnịnị ẹ yị nyị ẹtohweyi.

Ụhịrẹyị 8:10

Ộ ka a sị ụvọ za ịrẹyị anị agụvị ka, ẹnị e zoza huni ẹkẹhị ọnịrị ọmọ nị.

Ijemiisi 1:21

Agụvị avọọ, sị ụvọ hụụnị avaba ebira ịdọtị ọnịrị ebira odivi nịnị! Ká ịrẹsụ hi yị Ohomorihi, dị ụ wa dọ ịrẹyị oni o chire tụ́ ịnị ayị awụ nịnị. Ịrẹyị ọnọọ ọ zụ dọ ụhwẹ awụ nịnị há nị.

Ahẹ Ụgama 119:148

Mẹ yị sụ pooro ịrahụ agụvị di mee ro ịrẹyị ịsa ọnị ụ ka ụ vaa mẹ.

Ahẹ Ụgama 119:100

Mâ yẹ ịrẹyị huna azọkụ nịnị agụvị ka maa saasa ọda ọnị ụ mẹ.

Ahẹ Ụgama 119:97

Ẹnẹyịmavara, mâ dà sì ịrẹyị ọda awụ kẹnẹ. Mmiī roo nọ ịnị anị pooro nị.

Odeyi 10:33

Dị mị wụsẹ tụ́ va hị́ wụ nị. Wâ mẹẹ dị ụ vẹ. Avaba ayị hi ọvịdị Ohomorihi ịzẹnị, yee zí ka ya wụ́ ụtụ oni Ohomorihi ọ̀ọ tụ́ wụ hi yi.”

Odeyi 2:41

Aza ana sị ịrajẹ dọ ịrẹyị anị, â mẹ̀ ọyịhwọzenyi yị wa. Ịhị ọnọọ ẹhụụ aza ẹnị akahị-akahị oze ẹẹta (3,000) ọ vaka ọdọwụ nịnị nị.

Ijoovu 23:12

Ịsa ọnị Ohomorihi ka ọnị saasa a ụmẹ tụra ụmẹ nị. Ọnị sị ụvọ za ẹtẹẹrẹ nị.

Odeyi 17:1

Ịpọọrụ ọnịrị Isira ệ zị oze Anhwipori ọnịrị Aporoniya, dị ẹ na ngụ Ịtẹsaronika nị. Irehi ahẹkẹ Aniju nịnị yà ịzọọ.

Odeyi 11:1

Apositeri nịnị ọnịrị ọdọwụ nịnị ene hi avaba Ijudiya ệ wụ́ ka Anigiriki ẹnị ẹ rẹ sị ịrẹyị Ohomorihi dọ.

Iruuku 16:29

Dị Abụrahamị kà a yọ ka: ‘Ẹyịnyara awụ ệ nyị ịrẹyị Imosiisi ọnịrị ọnịsẹ nịnị, ẹ̀ wụ́ ịrẹyị ẹnẹẹ!’

Ijeremaya 2:21

Maa nyị ụ nịnị jẹẹ anka ọza ana sị uhu ịvayịnị ene hu kere-kere dị o chire tu irenyi avọọ. Ama wee re ịsị ụ kụkụ vị nịnị booro aanị? Vị ụ kụkụ sị mẹ nịnị anka ịvayịnị ana vụ, dị ẹ̀ yị nyị ịsị ọ kụkụ rụra mẹ avọọ nị.

Iwe Ọhụhị Imosiisi ana aa hị́ Ọyịvatụrọda 29:29

A nyị ịsa ẹnyị ọnị Ẹnẹyịmavara Ohomorihi sị tẹ̀ yị ẹyị aza: Ama ộ sị ọda anị zụ yị ka ẹnịrị evere ayị ẹ saasa pooro zịna-zịna.

Iruuku 1:2

Aza ana sị eyi re ịrẹyị ẹnẹẹ hụrẹ ụmọrụmọ, dị ẹ rẹ yaa kà enube ọyịzaa zị, ẹ kà a yị nị.

Iruuku 11:3

Navọ wa sị ịsọyịrị ẹkụhị-ẹkụhị ana a vọrọ ka yaa rịị yị!