Odeyi 17:10 - IWE ỌNỊNỊ

¹⁰ Ẹ́tẹ mè si hozi kẹnẹ, dị ọdọwụ nịnị ka Ịpọọrụ ọnịrị Isira ẹ̀ẹ nọ Ibereya nị. Ịjị e tù ịzọọ, dị ẹ nọ ini irehi Ohomorihi Aniju nịnị nị.

Odeyi 17:10 Referans Kwoze

1 Anịtẹsaronika 2:2

Wáa yẹ nịnị, ị mẹmẹ vịdị rị ụya dị a kụ̀ yị ụhụ Íhwiripi. Ama Ohomorihi ọ sị sị ọtụtụrụma yị ka ya kà enube ọyịza anị yị wụ nịnị, aza ẹ̀ẹ daka sì ka ẹnị ẹ̀ dọ yị oro.

Odeyi 17:2

Anka Ị́pọọrụ mẹ̀ yị mẹ, dị ọ rẹ ngụ ini irehi Ohomorihi ọnọọ nị. Ộ yà ịzọọ mẹ ẹkụhị ụhwọtụ ẹẹta, dị aa sị ịrẹyịị hụụnị Iwe Ohomorihi beri wa kà ịrẹyị nị.

Odeyi 20:4

Isopata ozi Ipiirusi ana vị Anibereya beri Arisitakọsị ọnịrị Ịtayịkịkọsị ọnịrị Itirohwimọsị ana hụrẹ ẹkụra Esiya vẹ, ẹ rẹ saasaa bẹẹ.

Odeyi 9:25

Ama ịnị ịrahụ ẹkụhị ọnya, dị aza ịrẹma Ịsọọrụ sị ọọ tụ́ ini uji, dị ẹ zị oze ịnị ọvọ ana kara ẹkụra chí ọ hi ẹtẹ nị.

1 Ịsamụwẹrị 20:42

Di Ijonatani ka Idevidi ọ̀ọ na ka ẹ yị vaa nyị ịrẹyị. Ọ kà ẹnị ẹ raà sị Ẹnẹyịmavara hị́ eku yị ẹngụ ka ọta ẹnị vị nị. Ọ kà Ẹnẹyịmavara ọ̀ vị onivenu tụ́ ịnị akakana ẹnịnị ọnịrị ozi ẹnịnị ịrẹma-ịrẹma pooro zịna-zịna. Di Idevidi sị hu, di Ijonatani ọnị re si hu aa nọ ịnị ẹkụra nị.

Odeyi 1:15

Ịrẹma ẹkụhị chee tụ́ ọọ, ọdọwụ nịnị ệ kụ́ gụ. Ẹnịnị vị ẹhụụ ẹchịhịnọnyị avọọ. Dị Ipita kwẹẹtẹ jẹẹ ịnị akakana ẹnịnị, dị aa kà ịrẹyị nị, di o ka:

Odeyi 9:20

Dị ọ wụsẹ nọ ini irehi Ohomorihi Aniju, dị aa kà a nị ka Ijeesu vị Ozi Ohomorihi.

Odeyi 15:22

Dị odeyi nịnị ọnịrị azọkụ ịragụ Ohomorihi ne beri anịragụ Ohomorihi ro ka ô zoza ka ẹnị ẹ̀ nyị ọza hụụnị akakana ẹnịnị, dị ẹnị ẹ̀ tụ́ wa saasa Ịpọọrụ ọnịrị Ịbanabasị nọ Antịyọkị. Ệ nyị Ijudasi ọnị ịrẹha ẹtẹ anị rị Ibarisabasi, beri Isira. Ẹnị ẹyịva ẹnẹnị vị ana nyayịnẹ nyị ụbanyị ịnị akakana ọdọwụ nịnị.

Odeyi 17:1

Ịpọọrụ ọnịrị Isira ệ zị oze Anhwipori ọnịrị Aporoniya, dị ẹ na ngụ Ịtẹsaronika nị. Irehi ahẹkẹ Aniju nịnị yà ịzọọ.

Odeyi 17:4

Aza ẹnyị ệ dọ wụ́, dị ẹ kụkụ aa saasa Ịpọọrụ ọnịrị Isira nị. Anigiriki ọrụrụ-ọrụrụ ana aa hẹkẹ Ohomorihi beri anyẹnẹẹ ene eyi yẹ ịnị ẹkụra, ẹnị ẹ rẹ dọ wụ́.

Odeyi 17:6

Ịjị ẹnịnị è yi re wa, di e tura Ijasoni ọnịrị ọdọwụ ẹnyị nọ ịdị ọdọvịdị ẹkụra nịnị nị. Di eyee nowu ka, “Aza ẹnẹnị ẹ kụ́ ẹhẹ và angga, ẹ rẹ va sị ngụ ịzẹnị bẹẹ.