Odeyi 16:6 - IWE ỌNỊNỊ

⁶ Ịpọọrụ nịnị ệ zị oze ẹtẹ Ihwirigiya ọnịrị Ịgaratịya na para hu, agụvị ka Ụhwẹ Ọnịnị ọ yị zẹẹ ka ẹ̀ kà ịrẹyị Ohomorihi ịnị ẹtẹ Esiya.

Odeyi 16:6 Referans Kwoze

Odeyi 18:23

Ộ yà Antịyọkị chee, dị ọ rẹ hụụ ịzọọ nị. Dị ọ zị oze Ịgaratịya ọnịrị Ihwirigiya na para hu, dị aa tụ́ ọdọwụ ene hi ịzọọ ọtụtụrụma nị.

Anigaratiya 1:2

Avaba ẹyịnyara ayị ẹnẹ ẹmịrịị hi ịzẹnị ka ẹnị kụ́ wụ nịnị anịragụ Ohomorihi ene hi Ịgaratịya.

Odeyi 16:7

E mèe vee tù ẹtẹ Imisiya, di eyee sì ka ẹnị ẹ̀ nọ Ibitiniya nị. Ama Ụhwẹ Ọnịnị ọ yị zẹẹ wa.

Odeyi 11:12

Dị Ụhwẹ Ọnịnị ka ma wụsẹẹ dị waa na, asị mị mẹ ayị ẹẹva nị. Anda ayị ịhịnọnyị ẹnẹnị ệ saasa mị nọ ini eehi ọnọrụ ọnọọ.

1Ipita 1:1

Ẹma vị Ipita ana vị odeyi Ijeesu Ikirisiti nị. Maa chẹrẹ iwe ọnọnịị tụ́ụ hi wu nịnị aza oni Ohomorihi nyị mẹ aza anị, ana gara hi avaba aha, dị ẹ vị ọzọga hi ịnị ẹkụra Ịpọntụsị, Ịgaratịya, Ikapadosiya ọnịrị Esiya beri Ibitiniya.

2 Itimoti 4:10

Ịdẹmasị ọ raà sị ayị tụ́ ịnị ịsa ẹhẹ ọnọnị, o si zwe kà na yị mị, ọ zị nọ Ịtẹsaronika. Ikirisẹnsị ọnị ọ zị nọ Ịgaratịya, Ịtayịtọsị ọnị ọ rẹ zị nọ Idarimatiya.

Anigaratiya 3:1

Ho! Ẹwụ nịnị Anigaratiya, wáa vị ọnụra nịnị, oo! Ẹnẹ aa mẹẹ hi wu nịnị? Wáá tamayị ka áa kà a wụ nịnị saka-saka, a mẹmẹ kanyị Ijeesu za ọchị apavahị?

Odeyi 19:10

Ịpọọrụ ộ vavọọ mẹ̀ ẹ mẹ ịrayị ẹẹva. Dị avaba aza ana ra ịnị ẹtẹ Esiya, Aniju ọnịrị Anigiriki, wụ́ ịrẹyị Ananyị yị nị.

Ẹtore 1:11

Dị ọ ka, “Chẹrẹ ịsị u wèe re tụ́ ini iwe, dị ụ wa sị tụ́ nọ ịnị ịragụ Ohomorihi ịhịmba ene hi ịnị ẹtẹ Esiya: Ẹhwẹsọsị, Ịsịmụna, Ipagamụmị, Itiyatira, Isaadisi, Ihwiradehwiya ọnịrị Irayodesiya.”

Ẹtore 1:4

Ẹmị Ịjọọnụ ọ chẹrẹ iwe ọnọnị nị. Maa chẹrẹ ẹ hi ịragụ Ohomorihi ịhịmba ene hi ẹkụra Esiya. Ohomorihi ọ mẹ ọyịza wụ nịnị, dị ọ̀ rẹ sị ẹngwọọrọ yị wụ nịnị. Ohomorihi vị ana yà ịzọọ hụrẹ ụmọrụmọ dị a va yẹ ka aa mẹ ẹhẹ ọnọnị. Ụhwẹ Ohomorihi ịhịmba ene hi ọvịdị ịzị Ohomorihi Ohinọyịị̄ yà, ọ̀ rẹ vayị awụ nịnị.

Anihiburu 11:8

Abụrahamị ọnị ọ rẹ sị ayị tụra Ohomorihi, agụvị avọọ ộ wụ́ ịrẹyị chire Ohomorihi. Ịnị ụmẹ ọnya Ohomorihi ộ kà a yọ ka ọ̀ kwẹẹtẹ, dị ọ̀ nọ ịnị ẹtẹ ọnya aanị ọnị ọnị vaa sịị yọ. Ịzẹyịza, Abụrahamị ộ kwẹẹtẹ, dị aa yịị na kẹnẹ nị. Ọ yị hyakụ yẹ ịzị ọ daka aa nọ.

2 Itimoti 1:15

Wâ yẹ ka avaba ẹnịnị ene hi Esiya vana và hụụ ịrẹma amị. Ihwigẹlọsị ọnịrị Iherimogene yà ịnị aza ẹnẹẹ.

2 Anịkọrịntị 1:8

Ẹwụ nịnị ẹyịnyara amị, yee sì ka ya kà a wụ nịnị ịrẹyị ene tù yi ẹkụra Esiya. Ịrẹyị ene tù yi ô chì yi ẹngụ pooro, ne tù ka ya kụkụ raà hụrẹ eyi ka yee wusu.

1 Anịkọrịntị 16:1

Mi ree sì ka ma kà ọ̀nọ̀ ịnị ịrẹyị oze ẹkẹhị ọnị ụ waa dọ nịnị ka à sị na mẹ ọgụvọ yị aza Ohomorihi. Waa dọ ọ nịnị anka m mè re beri Anigaratiya nịnị juwe.

1 Anịkọrịntị 12:11

Ụhwẹ Ohomorihi ọnya chọchọchọ̀ ọ vavọọ aa yịị mẹ̀ ịsa ẹnẹẹ nị. Ộ sị ụkata irenyi-renyii yị ọzọza, anka o mè sì ọọ.

Odeyi 20:28

Sị eyi pe ẹngụ awụ nịnị! Du we re sị eyi pe avaba aza Ohomorihi ọnị Ụhwẹ Ọnịnị si chire wu nịnị ụvọ! Waa tẹsị anịragụ Ohomorihi nịnị! Wâ yẹ nịnị ka anya ẹngụ anị ọ sị mẹ ka ẹ̀ vị áanị nị.

Odeyi 20:16

Ịpọọrụ ọ sị ọọ kà ka ọnị aa para Ẹhwẹsọsị hu kẹnẹ nị, agụvị di asị o du ụmẹ ha ịnị ẹtẹ Esiya. Aa há eyi, ee sì ka ịsavọọ ọnị ọ̀ zụ yà Ijerusarẹmị ịnị ẹkụhị eche Ịpẹntịkọsị.

Odeyi 20:4

Isopata ozi Ipiirusi ana vị Anibereya beri Arisitakọsị ọnịrị Ịtayịkịkọsị ọnịrị Itirohwimọsị ana hụrẹ ẹkụra Esiya vẹ, ẹ rẹ saasaa bẹẹ.

Odeyi 10:19

Ipita ee yii sì ka ọnị ọ̀ yẹ iruvo ẹtẹ oni oni re aanị, dị Ụhwẹ Ọnịnị kà a yọ ka, “Re, â nyị aza ẹnị ẹẹta ene ee sì wu.

Ayịsaya 30:21

Wàa daka nyee eyi zị oze ụvọrị aa vị oze ụvọha, Ohomorihi vaa jẹẹ ịrẹma awụ, dị waa wụ́ ọ́ màa kà a ka, “oze yi, và tụra a.”

Iruuku 1:2

Aza ana sị eyi re ịrẹyị ẹnẹẹ hụrẹ ụmọrụmọ, dị ẹ rẹ yaa kà enube ọyịzaa zị, ẹ kà a yị nị.

Odeyi 6:9

Dị aza ẹnyị aanị kwẹẹtẹ tù Isitivini nị. Ini ogu aza ana nyị irehi Ohomorihi ẹnịnị ẹ yà nị. Aā hị́ wa “Aza ana sị ẹngụ ẹnịnị nyị.” Ẹnịnị vị Aniju ana hụrẹ Isayirini ọnịrị Arẹkịsanda vẹ. Ẹnyị vị ana rẹ hụrẹ Isirisiya ọnịrị Esiya vẹ. Eyee pe Isitivinii nyị ahankata.

Odeyi 8:29

Dị Ụhwẹ Ọnịnị kà a yị Ihwiripi ka ò tere pe ịkẹkẹ ọnọọ, dị ọnị rị ọọ ẹ̀ẹ na nị.

Odeyi 21:27

Ịjị ẹkụhị ịhịmba ọnọọ aa vaa gụ, Aniju ẹnyị ana hụrẹ ẹtẹ Esiya vẹ, ê re Ịpọọrụ ini irehi Ohomorihi. Dị ẹ wụsẹ tụ́ ọkọnị aza ịrẹyị, dị ẹ za Ịpọọrụ nị.

Aniroomi 16:5

Rẹ kụ́ anịragụ Ohomorihi anaā gẹ ini eehi ịda ẹnịnị mị! Kụ́ Epeenetu mị ẹtẹẹtẹrẹ, mâ da sì ịrẹyị anị kẹnẹ. Ọnị ọ vị ọnịpaapa ịnị ẹtẹ Esiya ana sị ayị tụra Ikirisiti nị.

1 Anịkọrịntị 16:19

Anịragụ Ohomorihi ene hi Esiya, ka ẹnị kụ́ wụ nịnị. Akwira ọnịrị Ipirisira beri anịragụ Ohomorihi anaā gụ ini eehi ịdị ẹnịnị ka ẹnị kụ́ wụ nịnị ẹtẹẹtẹrẹ, agụvị ka ẹwụrị wa vị ọnya ini oze Ananyị yị.