Odeyi 16:5 - IWE ỌNỊNỊ

⁵ Avọọ ánịragụ Ohomorihi màa nyị ụkata ịnị ẹdọwụ ẹnịnị; dị ẹyaa rụrụụ hu avọọ eyinị-eyinị nị.

Odeyi 16:5 Referans Kwoze

Odeyi 9:31

Dị avaba anịragụ Ohomorihi ene hi Ijudiya ọnịrị Igariri ne beri Ịsamarịya nyị ẹngwọọrọ yị ụmẹ chee nị. Ẹnịnị aa vịra, ệ nyị angwahi Ohomorihi, Ụhwẹ Ọnịnị aa mẹ ọgụvọọ yị wa, dị ẹyaa rụrụụ hu avọọ nị.

Odeyi 2:47

Dị ẹyaa ga Ohomorihi nị; ẹhẹ ẹnịnị ô zé avaba aza eyi. Eyinị-eyinị, dị Ananyị yị aa kụ́ aza ọnị ọ sị dọ há vaa vaka ịragụ ẹnịnị.

Odeyi 6:7

Dị ịrẹyị Ohomorihi aa yịị garaa zị nị. Ezirẹma ene hi Ijerusarẹmị aa rụrụụ hu avọọ ẹtẹẹtẹrẹ; di ohirẹsụ irehi Ohomorihi ọrụrụ-ọrụrụ ẹnị raa dọ ọ wụ́ nị.

1Ipita 5:10

Ohomorihiī mẹ ọyịzaa yị aza ẹtẹẹtẹrẹ, ộ hị́ wụ nịnị ka wa vẹ, dị ẹwụrị Ijeesu ọ̀ vị ọnya nịnị ịnị ụbanyị ẹnẹ ẹ̀ yị ma sa pooro zịna-zịna. Wàa sị ụya rị chee nịnị, Ohomorihi ọnị ụvọta vee tenyi wu nịnị, dị ọ̀ mẹ ka wa gụ nịnị, dị ọ rẹ mẹ ka wa nyị ụkata jẹẹ geri-geri nịnị ịnị avaba ịsa.

Odeyi 15:41

Dị ọ zị oze Isiriya ọnịrị Isirisiya na para hu, dị ẹyaa tụ́ anịragụ Ohomorihi ẹnẹẹ ọtụtụrụma nị.

Anikorasi 2:6

Ụ mẹ̀ sị Ijeesu Ikirisiti dọ ka ọnị ọ nyị wụ nịnị aanị nị, waa mẹ̀ ebira ana vọrọ tụra ọza ọnị ọnịrị Ikirisiti sị vị ọnya.

1 Anịkọrịntị 15:58

Ẹwụ nịnị ẹyịnyara amị, re ka wa hụ agụvị avọọ jẹẹ geri-geri nịnị, asị ụ zizi! Waa sị avaba ụmẹẹ mẹ ụkọrọọ yị Ananyị yị nịnị pooro, agụvị ka wâ yẹ nịnị ka ẹ yị nyị ịsị ụ mẹ yị Ananyị yị nịnị ana zụ vị ọọhẹ kẹnẹ.

Aniroomi 16:25

Ohomorihi ọ zụ ka wa jẹẹ geri-geri nịnị anka enube ọyịza ọnị maa kà. Enube ọnọọ vị ịrẹyị Ijeesu Ikirisiti. Enube ọnọọ ọ rẹ kà ịrẹyị ịsa oni iruvo anị nyịnẹ anaa sị zụ̀. Ama ọza ẹ yị vịdị yẹ hụrẹ ụmọrụmọ ịnị ịyẹẹyẹ vẹ.

Odeyi 12:24

Dị ịrẹyị Ohomorihi ọnị aa yịị ganaa hu avọọ, dị aa banyị nị.

Anihiburu 13:9

Asị ụ zẹẹ ka ịsa ọzọga irenyi-irenyi ana aza aa sịị zụ̀ aza, ẹ̀ kụ́ wụ nịnị nyeeyi! Ayamva Ohomorihi a vọrọ ka ọ̀ sị ụkata yị ayị awụ nịnị nị, ẹ yị vị ịrẹyị ọda ịsọyịrị. Ọda ẹnẹẹ ẹ yị mẹ ọgụvọ yị aza ana aa saasa wa.

2 Anịtẹsaronika 2:16

Ijeesu Ikirisiti Ananyị yị ụvọta ọnịrị Ohomorihi Ada ayị ée sì ịrẹyị ayị. Ệ vayị ka ya nyị ayohunẹnẹ pooro zịna-zịna, dị ya rẹ nyị ọyịtureyi tụ́ ịnị ịsa ene zoza.

1 Anịtẹsaronika 3:13

Ini oze avọọ, dị ụ wa vị ọnịnị nịnị ọ́vịdị Ohomorihi Ada ayị ịnị ụmẹ oni Ijeesu Ananyị yị vaa sị vaa vẹ beri avaba aza anị!

1 Anịtẹsaronika 3:2

dị ya tụ́ Itimoti hi wu nịnị nị. Itimoti vị ọyịnyara ayị, ẹnẹ ẹyịrịị aa mẹ̀ ụkọrọ Ohomorihi, dị yaa kà enube ọyịza Ikirisiti. Yâ tụ́ ọọ ka ọ̀ va mẹ ka wa jẹẹ geri-geri, dị ọ̀ tụ́ wụ nịnị ọtụtụrụma ka wa yịị sị ayịị tụra Ikirisiti nịnị,

Anigaratiya 5:1

Ikirisiti ọ sị yị dọ hụụnị ọrịhị, agụvị avọọ, áa vọrọ ka wa jẹẹ geri-geri nịnị anka ọza ana nyị ẹngụ anị. Asị ụ kụkụ zẹẹ ka ọza ọ va vara wụ nịnị ọrịhị.

Odeyi 11:21

Ohomorihi ộ sị ụkata yị wa ẹtẹẹtẹrẹ, dị Anigiriki ọrụrụ-ọrụrụ dọ wụ́, dị ẹ và ká Ananyị yị vẹ nị.

Odeyi 5:14

Ama aza vị ana aa yịị naa vaka wa, anọrụ ọnịrị anẹẹ ana sị ayị tụra Ananyị yị.

Odeyi 4:4

Aza ọrụrụ-ọrụrụ ana wụ́ ịrẹyị odeyi nịnị ệ dọ wụ́. Ịrịka anọrụ ịnị ẹnịnị vị ẹhụụ akahị-akahị oze ẹẹhị (5,000).

Ayịsaya 7:9

Isamariya aa vịị vị ohirẹsụ Ehwireemi nị, dị ahịka ozi Iremaraya ọ vị vị ohinọyị anị nị. À yị vị ụ sị sị ayị tụra Ẹnẹyịmavara, wẹ yị va zụụ jẹẹ.

2 Ịtọpa 20:20

Ẹnẹnẹ viri-viri eyinẹhẹ anị, dị aza kwẹẹtẹ nọ ịnị ụnọmị ana gụrị Itekowa nị. Ẹnịnị màa kwẹẹtẹ, dị Ijehosahwati ka ịrẹyị ẹnẹnị yị wa nị. Ọ kà a, ẹnị anọrụ Ijuda ọnịrị Ijerusarẹmị ẹ sị ayị ẹnịnị tụra Ẹnẹyịmavara Ohomorihi ẹnịnị, dị ẹẹ jẹẹ geri-geri. Ẹnịnị ẹ dọ ịrẹyị ọnị ọnịsẹ nịnị ka yị wa, ka ẹ vaa nyị ehuna.