Odeyi 16:39 - IWE ỌNỊNỊ

³⁹ Dị ẹ va kụ́ Ịpọọrụ nịnị nyarọyịkụ, dị ẹ kụ́ wa hụụnị ẹngwa, dị ẹ dá ịpẹ yị wa ka ẹ̀ hụụnị ẹkụra ọnọọ nị.

Odeyi 16:39 Referans Kwoze

Imatiwu 8:34

Re, dị avaba anẹkụra ẹnẹẹ jịnẹ ve tù Ijeesu nị. E mè re e, dị ẹ dá ịpẹ yọ ka ọ̀ hụrẹ ẹkụra ẹnịnị nị.

Ịmaakị 5:17

Dị ẹ kwẹẹtẹ, dị ẹ yaa dá ịpẹẹ yị Ijeesu ka ọ̀ hụrẹ ẹkụra ẹnịnị nị.

Ịdanịyẹrị 6:23

Ịjị ọnọọ dị ayị ohinọyị sị hine ne hu nị. Dị ọ wụsẹ mẹ ọda ka è ve tura Ịdanịyẹrị hụụnị ụsị ọnọọ nị. Ịzẹyịza dị e tura a tụ ẹhẹ nị, dị ẹnịnị re ka ẹ rẹ va nyị ịsị ẹ mẹ̀ ẹ, agụvị ka ộ sị ayị tụra Ohomorihi nị.

Ịdanịyẹrị 6:16

Ịzẹyịza dị ohinọyị mẹ ọda, dị ẹ na sị Ịdanịyẹrị, dị e ne e ngụ ịnị ụsị idu nịnị nị. Dị ohinọyị kà a yị Ịdanịyẹrị ka, Ohomorihi anị ọnị ọ sị ịzẹyịza aa hẹkẹ ọ̀ va dọ ọ ha nị.

Ayịsaya 60:14

Ezi ọnịvị awụ nịnị ana nyị ịhyẹrẹ awụ nịnị, dị ẹ sị ụya rị wụ nịnị vee ku ẹtẹ agada awụ nịnị. Ẹ vaa hị́ Ijerusarẹmị Ịzayọnị, ẹkụra Ẹnẹyịmavara, aha ọnịnị Isirẹrị.

Ayịsaya 49:23

Ohinọyị anẹkụra nịnị ịzị a ya pa ezi ẹnẹẹ vaa va ku ẹtẹ yị wụ, dị ẹ tẹsị awụ anka ọrịhị mẹẹ̄ tẹsị adarehi anị avọọ. Isirẹrị vaa yẹ ka ọnị ọ vị Ẹnẹyịmavara nị. Aza ana àa sị ayị tụra a, ọ yị vaa va ịrẹma anị.

Ayịsaya 45:14

Ẹnẹyịmavara ộ kà yị Anisirẹrị nịnị ka ogu Anijipiti ọnịrị Anetiyopiya vaa vị ẹnịnị. Anọrụ Aniseba ana hụ huna ẹnịnị vị ẹnị vaa za ọrịhị ẹnịnị, dị ẹ tụ wa ịchẹkẹchẹkẹ saasa ẹngụ ne eehi. E vee ku ẹtẹ ọvịdị ẹnịnị, dị ẹ dọ irenu ka Ohomorihi ya pe wa, ka ẹ yị nyị Ohomorihi ọsa ịrẹma anị.

Ọyịkụra 11:8

Dị ọ rẹ ka Ẹnẹyịmavara kà avaba anụkọrọ Ihwarawo vaa vẹ dị ẹ va tana tụra ẹtẹ yị ọnị Imosiisi, dị ẹ dị ẹ ka ọnịrị avaba aza ana saasa ọnị, ẹnị ẹ̀ẹ na. Di Imosiisi ka ọ̀ọ vavọọ sị mẹ, dị ọnị aa na ọgọnị. Ịjọnọọ ayị ọ sị kụ́ Imosiisi, dị ọ jị ayị hụụ ịda Ihwarawo nị.

Ẹtore 3:9

Re, aza ana vị ezirẹma Echu ene ee cheeche ka Aniju ẹ́nị vị nị, dị ẹ̀yị vị Aniju avọọ, mị vaa mẹ ka è ve ku ẹtẹ ọ́vịdị awụ, dị ẹ̀ yẹ ka mée sì ịrẹyị awụ.