Odeyi 16:26 - IWE ỌNỊNỊ

²⁶ Kẹnẹ, dị ẹtẹ vene henyi jigi-jigi, dị avaba irehi ẹngwa na ngụ ịzị a kà ẹtẹ hụrẹ henyi jigi-jigi nị. Obooboro dị avaba oze na hi ẹtẹ, dị ịchẹkẹchẹkẹ anịnẹngwa nịnị hụrẹ và hi ẹtẹ pẹrẹ-pẹrẹ nị.

Odeyi 16:26 Referans Kwoze

Odeyi 4:31

Ịjị ẹ sị aduwa mẹ̀ ta, dị ịzị ẹ kụ́ gụ henyi nị. Dị Ụhwẹ Ọnịnị dọ ayị avaba ẹnịnị, dị ẹyaa sị ọtụtụrụma kà ịrẹyị Ohomorihi nị.

Odeyi 5:19

Ama ịrahụ ịhị ọnọọ, dị anggẹẹrị Ohomorihi va na oze ini otumare ọnọọ, dị ọ kụ́ wa jịnẹ nị. Dị ọ ka:

Odeyi 12:10

Ệ para oserẹtẹ ịpaapa hu, ệ para ụpẹ ọhụva hu, di e kuku ve tù oze enyusẹ ana na ngụ ini ubooro nị. Dị oze ọnọọ ọnị ụvọta na yị ẹngụ anị, dị ẹnịnị para hu na jịnẹ nị. Dị ẹ và tụra oze ọnya aa na, dị anggẹẹrị ọnọọ vana hụụ ịdị Ipita nị.

Odeyi 12:7

Kẹnẹ, dị anggẹẹrị Ohomorihi vana va jẹẹ ịzọọ dị ẹtẹ hweyi ini irehi ẹngwa nị. Dị anggẹẹrị ọnọọ sị ụvọ nya Ipita ịza, dị ọ ha a, dị ọ ka ọ̀ wụsẹ kwẹẹtẹ nị. Dị ẹba ẹnẹẹ wụsẹ ngwara hụụnị ụvọ Ipita nị.

Ahẹ Ụgama 146:7

Ọnị ọọ̄ vụ̀ ịrẹvụụ yị aza ana aza aa mẹ ehunaa yị nị. Ọnị ọ rẹẹ sị ịsọyịrịị yị ọza ọnị ụngwẹ aa kụ̀ nị. Ọnị ọọ̄ hụrẹ aza ana a za hi ịnị ẹngwa nị.

Imatiwu 28:2

Re, dị ẹtẹ henyi jigi-jigi nị. Anggẹẹrị Ananyị yị ọnya ô chí hụrẹ ẹbẹẹba vẹ, di o ve zina ịrẹta ene gù ụsị ọnọọ irenu kwooze, dị ọ yaayịtẹ tụ́ ịrẹsụ anị nị.

Ayịsaya 42:7

Ụ vaa há ogweyi nịnị eyi, Ụ vaa kụ aza ana yaatẹ ịnị etohozi ịnị ẹngwa hi ẹhẹ.

Ẹtore 11:13

Ụmẹ ọnọọ gẹdẹ-gẹdẹ, dị ẹtẹ henyi jigi-jigi, dị agẹẹwụ ẹkụra ọnọọ gara va ha, dị aza ẹnị akahị-akahị oze ịhịmba (7,000) sú ịnị ẹtẹ ana vavọọ henyi avọọ nị. Angwa ô hí ẹnị ana vọ, dị ẹyaa sị ụbanyịị yị Ohomorihi ana yà ẹbẹẹba nị.

Ayịsaya 61:1

Ụhwẹ Ọnịnị Ẹnẹyịmavara Ohomorihi ộ dọ avaba ayị amị, Ọ raà nyị mị, dị ọ tụ́ mị Ka ma Kà enube ọyịza yị onosiye nịnị Dị ma mẹ ụkụ aza ọnị ayị ẹnịnị dụ dị ma nọ ọ ọyịhụrẹ ụvọ aza ana a za a ọnịrị ẹngwọọrọ yị

Ahẹ Ụgama 79:11

Navọ aza ẹnị ẹ kụ́ hi ịnị ẹngwa ene ee nowu, wa ba wa owu. A raà mẹ̀ ọkarẹyị aza awụ ẹnyị ka à wụ̀ wa, navọ wa sị ụkata awụ dọ wa tụ́.

Ẹtore 6:12

Di mi re re, ọ mẹ̀ hụ̀ ịsa ọhụhịnọnyị ana a sị vá iwe ọnọọ nị. Dị ẹtẹ henyi jigi-jigi, dị ọyị kuku ee mine anka ịta ojooji avọọ nị. Dị ụhwẹ ọnị ee ví pooo anka anya avọọ nị.

Ahẹ Ụgama 68:6

Ohomorihi ọọ̄ sị ọnị ịrịnya dị ọ mẹ ka ọ̀ nyị aza nị Ọ́ rẹ kụ́ aza ana a za hi ịnị ẹngwa dị ọ kụ́ wa jịnẹ ka ẹ̀ẹ zị hwana-hwana, dị ẹ̀ẹ jẹ ịrajẹ nị. Ama aza ana kwẹẹtẹ tù Ohomorihi vị ọnị kú ne hi ịnị ẹtẹ ụngwẹ.

1 Ohinọyị 13:28

Dị ọnịsẹ ọkụkụ ọnọọ si hu aa na, di o ne tù oku ọza Ohomorihi ọnọọ ene e tura tụ́ oze nị. Di o re ka ịkẹrịkẹtẹ ọnịrị idu jẹẹ pè oku ọnọọ nị. Idu ọ yị rị oku ọnọọ, ọ yị rẹ wụ ịkẹrịkẹtẹ ọnọọ.