Odeyi 16:20 - IWE ỌNỊNỊ

²⁰ Dị ẹ kụ́ wa nọ ịdị Aniroomi ana vị ọmọkarẹyị ẹnịnị nị. Dị ẹ ka, “Anọrụ ẹnẹnị vị Aniju, dị ẹyaa và ẹkụra ayịị zí ẹtẹẹtẹrẹ nị.

Odeyi 16:20 Referans Kwoze

Ijemiisi 4:4

Wâ navọ Ohomorihi tịtẹ nịnị anka ọsẹrẹka ana navọ ọva anị tịtẹ avọọ. Wáá yẹ nịnị ka ọza ene sì ịrẹyị ịsa ịnị ẹhẹ ọnọnị vị ọnịvị Ohomorihi? Ọza ọnịrị ẹhẹ ọ̀ọ sị ọta za, ọza ọnọọ ọ sị vara ọnịvị Ohomorihi.

Aniroomi 12:2

Asị ụ rẹ̀ mẹ̀ ebira ana anẹhẹẹ̄ kẹnẹ mẹ nịnị! Ama navọ Ohomorihi ọ̀ vara ayị awụ nịnị ọwọọwa saka-saka! Ịjọnọọ ụ va zụụ yẹ ịsa oni Ohomorihi sì nịnị nị, ọnọọ vị ka ịsa ene zoza, di o zé Ohomorihi eyi, dị ọ rẹ gụ.

Odeyi 28:22

Ama ẹnị yaanị sì ka ya wụ́ ịsị Ịpọọrụ ro, agụvị ka ẹnị ẹ́ yẹ ka avaba aha aza yà aa kà ịrẹyị odivii hi ogu ọnọnị nị.”

Odeyi 19:34

Ama aza ẹnẹẹ mè re ka Aniju ọ vị nị, dị ẹ kụkụ sị irenu tọ̀ ọnya ee nowu ka, “Idiyana Anẹhwẹsọsị wa nyị ụbanyị!” Ệ maanị nowu mẹ agogo ẹẹva.

Odeyi 18:2

O ne tù Aniju ọnya ịzọọ, ana aā hị́ Akwira; ẹkụra Ịpọntụsị a yà ma a nị. Ose anị ọ rị Ipirisira nị. Oò yi kù ẹnẹ ẹnịnị hụrẹ ẹtẹ Itari vẹ. Ệ hụụ ịzọọ, agụvị ka ohinọyị Ịkịrawụdịyọsị ộ mẹ̀ ọda ka à dụ avaba Aniju nịnị jịnẹ hụrẹ Iroomi. Dị Ịpọọrụ ne hee wa,

Imatiwu 2:3

Ịjị Ịhẹrọdị maanị wụ́, ayị anị ọ yị nẹtẹ, ayị avaba Anijerusarẹmị nịnị ẹ́ yị rẹ nẹtẹ bẹẹ.

Ijeremaya 38:4

Dị ẹnị ọdọvịdị nịnị na kà a yị ohinọyị ka, vị á vọrọ ka à wụ ọnọrụ ọnọnị nọ̀. Ẹ ka, ẹngụ ịrẹyị ọnị ọnị aa kà aanị, vị ọnị ọnị aa sị mẹ ka asị isoja ana vọ tụ ịnị ẹkụra kụkụ nyị ọtụtụrụma. Ẹ ka ịsị ọnyọọnya ọnị ọnị raa yịị mẹ̀ ẹ hi aza ana vọ ọ vị ọnọọ nị. Ẹ ka, ọnị ẹ yị gụ aza ụvọ vụrụ-vụrụ; vị ọnị aa kụ ọ kata wa ẹngụ kẹnẹ nị.

Odeyi 16:19

Ịjị ọga ozi ọnẹẹ ọnọọ re ka oze ẹkẹhị ẹnịnị o si gu, dị ẹ wụsẹ va za Ịpọọrụ ọnịrị Isira, di e tura wa nọ ini orere ịdị ọdọvịdị ẹnịnị nị.

Odeyi 16:21

Ịsị ẹyaa sịị zụ̀ ọza, ọda ọ yị vavọọ dọ. Aniroomi ẹ́yị vị nị, yẹ yị nyẹngụ dọ ẹngụ ịrẹyị ẹnẹẹ, yẹ yị rẹ zụ mẹ wa.”