Odeyi 16:19 - IWE ỌNỊNỊ

¹⁹ Ịjị ọga ozi ọnẹẹ ọnọọ re ka oze ẹkẹhị ẹnịnị o si gu, dị ẹ wụsẹ va za Ịpọọrụ ọnịrị Isira, di e tura wa nọ ini orere ịdị ọdọvịdị ẹnịnị nị.

Odeyi 16:19 Referans Kwoze

Odeyi 21:30

Avaba ẹkụra ọnọọ ọ sị vazi, dị avaba aza ee zwee va gụ nị. Dị ẹ za Ịpọọrụ, di e turaa jịnẹ hụụnị irehi Ohomorihi, dị ẹ wụsẹ gu oze irehi Ohomorihi nị.

Odeyi 17:6

Ịjị ẹnịnị è yi re wa, di e tura Ijasoni ọnịrị ọdọwụ ẹnyị nọ ịdị ọdọvịdị ẹkụra nịnị nị. Di eyee nowu ka, “Aza ẹnẹnị ẹ kụ́ ẹhẹ và angga, ẹ rẹ va sị ngụ ịzẹnị bẹẹ.

2 Anịkọrịntị 6:5

Ê tụ́ yị, á kụ́ yị hi ịnị ẹngwa, â tụ́ ịrẹyị tù yị. Aza ệ za yị mẹ̀ ụkọrọ, yẹ yị sụ̀ ara, yẹ yị rẹ rị ịsa.

Odeyi 16:16

Ẹkụhị ọnya, ị màa naa mẹ̀ aduwa, ozi ahụ ọnẹẹ ọnya aanị ọ va gẹrị ẹyị. Ozi ọnẹẹ ọnọọ ộ nyị ụhwẹ echu ana aa mẹẹ ka ọ̀ọ kà ịsẹ. Ọọ̄ kà ịsẹ, dị aa sị dọ ẹkẹhịị yị ọga anị ẹtẹẹtẹrẹ.

Odeyi 8:3

Dị Ịsọọrụ oni ee sì ka oni ò vú ịragụ Ohomorihi ẹtẹ nị. Dị aa ngụ irehi-irehii zị, ịzị ọ̀ọ yà re ọdọwụ nịnị, àa vị ọnọrụ, àa vị ọnẹẹ, dị ọ za wa, dị ọ kụ́ wa ne hi ịnị ẹngwa.

Odeyi 15:26

Ẹnịnị ệ sị ịrẹsụ tụ́ isu agụvị ụkọrọ Ijeesu Ikirisiti Ananyị yị.

Odeyi 14:19

Aniju ẹnyị ệ hụrẹ Antịyọkị (ịnị ẹtẹ Ipisidiya) vẹ, ẹnyị ẹ rẹ hụrẹ ẹkụra Ayịkọnịyọmị vẹ. Dị ẹ tụ́ anẹkụra ẹnẹẹ ịrẹyị, di e ne Ịpọọrụ ịrẹta, di e tura a hụụnị ẹkụra nị. Vị ẹnịnị ro ka ô wusu nị.

Odeyi 14:5

Dị aza ẹnyị ẹnẹ ẹ̀ yị vị Aniju ọnịrị Aniju nịnị ne beri ọdọvịdị ẹnịnị vabẹ, ka ẹnị ẹ̀ kà ịsa odivi hi odeyi nịnị, di eni è tụ́ wa ịrẹta.

Odeyi 9:16

Ẹmị ụvọta vaa sịị zụ̀ ọọ ụya ọnị ọ vaa rị agụvị amị.”

Ịmaakị 13:9

Sị eyi pe ẹngụ awụ nịnị! A vaa za wụ nịnị nọ ini ikootu, di e re tụ́ wu nịnị ini irehi ahẹkẹ Aniju nịnị. A rẹ vaa za wụ nịnị naa jẹẹ ọvịdị ohirẹsụ ọnịrị ohinọyị nịnị agụvị amị, agụvị dị ụ wa dọ ivenu amị yị wa nịnị.

Imatiwu 24:9

Ịjọnọọ a vaa za wụ nịnị dị a ka à sị ụya rị wụ nịnị, dị a wụ wụ nịnị. Avaba anẹhẹ vaa nyị ịhyẹrẹ awụ nịnị agụvị amị.

Ijemiisi 2:6

Ama ẹwụ nịnị aa sị oweyii re onosiye. Wáá tamayị ka ọzọbanyị nịnị ẹẹ̄ mẹ ehunaa wụ nịnị nị? Wáá yẹ ka ẹnị ẹ rẹẹ za wụ nịnịị nọ ikootu nị?

Odeyi 15:22

Dị odeyi nịnị ọnịrị azọkụ ịragụ Ohomorihi ne beri anịragụ Ohomorihi ro ka ô zoza ka ẹnị ẹ̀ nyị ọza hụụnị akakana ẹnịnị, dị ẹnị ẹ̀ tụ́ wa saasa Ịpọọrụ ọnịrị Ịbanabasị nọ Antịyọkị. Ệ nyị Ijudasi ọnị ịrẹha ẹtẹ anị rị Ibarisabasi, beri Isira. Ẹnị ẹyịva ẹnẹnị vị ana nyayịnẹ nyị ụbanyị ịnị akakana ọdọwụ nịnị.

1 Itimoti 6:10

Ọza ọ̀ọ raà sị ayị tụ́ ịnị ẹkẹhị baaba, ọnị ọọ̄ vị iruvo avaba ịsa odivi nị. Aza ẹnyị ẹ́ẹ vavọọ sì ọọ na pooro, ana ahịka ọyị kụkụ vana zẹẹ ka ẹ̀ kụkụ sị ayị tụra Ohomorihi; ẹ raà sị ụya tụ̀ ẹngụ ẹnịnị ụnava.

Ịdanịyẹrị 6:12

dị avaba ẹnịnị gẹ eyi dị e ne tu ohinọyị nị. Ịjị e tu ịzọọ dị ẹ họ̀ ohinọyị ka, áá vị ọ mẹ ọda ka pooro dị ọ mẹ ẹkụhị ohurẹẹwụ, asị a nyị ọza ene vene họ̀ use ịsa hụụnị ụvọ ọza ọnyọọnyị, asị e họ̀ use ịsa hụụnị ụvọ ori, ẹ yị vị hụụnị ụvọ anị kẹnẹ, ọnịrị ka ọza ana àa vavọọ mẹ, vị e vee ne e ngụ ịnị ụsị ana a kụ idu nịnị hi nị? Dị ohinọyị ka ịzẹyịza yọ, ọda ọnọọ vị ọnị ọnị mẹ ẹtẹẹtẹrẹ anka ọda Animeedi ọnịrị Anipesiya, ọnị ọza ẹ̀ yị zụ vara.

Odeyi 15:40

Dị Ịpọọrụ ọnị rẹ nyị Isira, dị ọdọwụ nịnị sị wa chire Ohomorihi ụvọ ka ọ̀ mẹ ọyịza yị wa; dị ẹyaa na nị.

Odeyi 16:20

Dị ẹ kụ́ wa nọ ịdị Aniroomi ana vị ọmọkarẹyị ẹnịnị nị. Dị ẹ ka, “Anọrụ ẹnẹnị vị Aniju, dị ẹyaa và ẹkụra ayịị zí ẹtẹẹtẹrẹ nị.

Odeyi 16:25

Ịnị agẹvịrahụ, dị Ịpọọrụ ọnịrị Isira aa mẹ̀ aduwa, dị ẹyaa jị ahẹ ga Ohomorihi nị. Dị anịnẹngwa ana vọ aa wụ́, ẹ màa jị ahẹ nị.

Odeyi 16:29

Dị ọga ọnọọ ka à sị ịra vẹ, di o zwe ngụ ini eehi ẹngwa, dị aa dá ẹgahị, dị ọ và ku ẹtẹ ọ́vịdị Ịpọọrụ ọnịrị Isira nị.

Anihwiripi 1:30

Wa raà và ụvọ beri emi nịnị aa vụ̀ ịrẹvụ oni u vịdị re nịnị ka maa vụ̀ nịnị. Wáa wụ́ ọ nịnị ka maa yịị vụ̀ ịrẹvụ ọnọọ.

1 Anịtẹsaronika 2:2

Wáa yẹ nịnị, ị mẹmẹ vịdị rị ụya dị a kụ̀ yị ụhụ Íhwiripi. Ama Ohomorihi ọ sị sị ọtụtụrụma yị ka ya kà enube ọyịza anị yị wụ nịnị, aza ẹ̀ẹ daka sì ka ẹnị ẹ̀ dọ yị oro.