Odeyi 16:16 - IWE ỌNỊNỊ

¹⁶ Ẹkụhị ọnya, ị màa naa mẹ̀ aduwa, ozi ahụ ọnẹẹ ọnya aanị ọ va gẹrị ẹyị. Ozi ọnẹẹ ọnọọ ộ nyị ụhwẹ echu ana aa mẹẹ ka ọ̀ọ kà ịsẹ. Ọọ̄ kà ịsẹ, dị aa sị dọ ẹkẹhịị yị ọga anị ẹtẹẹtẹrẹ.

Odeyi 16:16 Referans Kwoze

Ireevi 19:31

Ẹnẹyịmavara kà à sị Anisirẹrị nọ ịdị aza anaa họ̀ oku nini use ịrẹyị ka ẹ̀ sị ajuwe yị ẹnị, ẹnịnị ẹ̀ẹ vavọọ mẹ, vị́ eyee du ẹngụ ẹnịnị ẹngụ nị. Ọnị ọ vị Ẹnẹyịmavara, Ohomorihi ẹnịnị nị.

Ayịsaya 8:19

Aza vaa kà a wụ ka wa nọ ịdị ọvavo ọnịrị ọpọchị nịnị ana aa kụ́ nyẹ̀ngụ̀-nyẹ̀ngụ̀ dị wa na zama ẹtẹ. Dị ẹ ka â vọrọ ka ọza ọ̀ daba na zama ẹtẹ ịda ori nịnị. Ama yẹ nịnị, o ka ịda Ohomorihi kẹnẹ a vọrọ ka ọza ò nee si oze ịrẹyị nị. Ụ mẹmẹ nyẹngụ hụ agụvị aza ana yà ẹẹhẹ dị waa naa zama ẹtẹ ịda aneku?

Anigaratiya 5:20

dị ẹyaa hẹkẹ ori, dị ẹ rẹ yaa mẹ ẹbẹ, dị ẹyaa kụ́ ayị ọza, dị ẹyaa zyaazị, dị ẹyaa mẹ eyọhụrẹ, dị ẹyaa kụ́ ayị, dị ẹ rẹ yaa há ọhọha, dị ẹ sị ẹngụ ẹnịnị jị ịrịnya, dị ẹyaa há azaa hi,

1 Ịtọpa 10:13

Ịsọọrụ ẹ́ yị sị ịzẹyịza saasa Ẹnẹyịmavara ọ vị isu ịrẹsụ anị nị. Ẹ yị saasa ọda ọnị Ẹnẹyịmavara mẹ yọ; dị ahịka oku ene su ée nee họ̀ ka ọ̀ zụ̀ ọnị oze nị.

1 Ịsamụwẹrị 28:7

Dị Ịsọọrụ va hị́ ezi ahụ anị dị ọ ka è ne sì ọnẹẹ ana vị ọpọchị ene zụ pe oku kà ịrẹyị, dị ọnị ò ne tù ọ nị. Di ezi ahụ Ịsọọrụ ka â nyị ọnya ịzị aā hị́ Ẹndọ nị.

1 Itimoti 6:10

Ọza ọ̀ọ raà sị ayị tụ́ ịnị ẹkẹhị baaba, ọnị ọọ̄ vị iruvo avaba ịsa odivi nị. Aza ẹnyị ẹ́ẹ vavọọ sì ọọ na pooro, ana ahịka ọyị kụkụ vana zẹẹ ka ẹ̀ kụkụ sị ayị tụra Ohomorihi; ẹ raà sị ụya tụ̀ ẹngụ ẹnịnị ụnava.

2 Itimoti 3:8

Ịyẹẹyẹ, Ijanesi ọnịrị Ijambire ệ kụ̀ hịrẹ Imosiisi; avọọ gẹdẹ-gẹdẹ aza ẹnẹnị mẹ̀ẹ̄ kụ̀ụ hịrẹ ịzẹyịza nị. Ayị ẹnịnị eyi kuku zoza; Ohomorihi ọ sị wa yi tịtẹ, agụvị ka ẹyị nyị ịzẹyịza.

Odeyi 16:18

Ẹkụhị ọrụrụ-ọrụrụ ọ maanị sị sị aa yịị kà nị. Ụpẹ ọnya kẹnẹ, ọ sị kụ́ Ịpọọrụ ayị, dị ọ vara eyi, dị ọ kà a yị ụhwẹ echu ọnọọ ka, “Ịnị ịrẹha Ijeesu mâ mẹ ọdaa wụ, ka wa jịnẹ hụụnị ẹngụ anị!” Dị ụhwẹ echu ọnọọ wụsẹ jịnẹ hụụnị ẹngụ anị nị.

Odeyi 16:13

Ịjị ẹkụhị ụhwọtụ si tù, dị ị hụụnị ẹkụra ọnọọ nọ ụtọ okuha, ịzị i ro ka â nyị aha ana a yàā mẹ̀ aduwa. Yâ yaayịtẹ ịzọọ, dị yaa kà ịrẹyị yị anyẹnẹẹ ana kụ́ gụ hi ịzọọ nị.

1 Ịsamụwẹrị 28:3

Ụmẹ ọnị yaa kà aanị, Ịsamụwẹrị ọnị ô wusu. Dị avaba Anisirẹrị jị òrèrè anị, dị ẹ sị ọ di e ne ne e tụ́ Iraama ịda anị nị. Ụmẹ ọnọọ Ịsọọrụ ọ kụ́ avaba ọpọchị ọnịrị ẹnẹbẹ dụ hụụnị ẹtẹ Anisirẹrị.

2Ipita 2:3

Ọnịsẹ ireche ẹnẹẹ vị eneyọhụrẹ, agụvị avọọ dị ẹyaa sị ịtọpa irechee vene wu nịnị, agụvị dị ẹ̀ zụ sị wụ nịnị sẹ ohu. O si kù ọnị ọmọkarẹyị ẹnịnị tenyi ẹngụ tịtẹ. Ụmẹ ana vọ aa chee aanị, dị à wụ̀ wa vá ha.

Odeyi 19:24

 nyị ọza ịnya aanị anaā mẹ̀ ụhị. Ịrẹha anị ọ rị Idemetiriyọsị nị. Ọọ̄ sị enyusẹ mẹ irehi ori ọnẹẹ ẹnẹ ẹẹ̄ hị́ Atemiisi ana aza ẹnyịị hị́ Idiyana. Ụkọrọ ọnọọ ộ nyị ọgụ yị anụkọrọ ẹnẹẹ ẹtẹẹtẹrẹ.

Ireevi 20:6

Ọza àa nọ ịdị aza ana aā họ̀ ụhwẹ aza ene sú usirẹyị, dị ahịka ẹnị ẹ kụkụ aa sị ajuwee yị ọ nị, ọnị Ẹnẹyịmavara vaa và eyirazịị ka ọza ọnọọ, dị ọnị ẹ́ yị kụkụ za a ịrịka beri aza anị.

Ireevi 20:27

Ọnọrụ ọnyọọnyị à vị ọnyẹnẹẹ ana àaa na họ̀ usirẹyị hụụnị ụvọ ụhwẹ aza ene sú, vị ana vaa sị ịrẹta-ịrẹta wụ. Ọza ana àa mẹ ẹngụ ịsa ọnọnị o sì ẹngụ anị isu nị. À sị a nyị ọza ana tụ ohuvọ.

2 Ohinọyị 21:6

Ô si ozi ọnọrụ mẹ̀ ịsọvọ, ana aā rị ịra yị ori, dị ee re ẹtẹ, di aa ha ẹva, di ee pè arịjẹnụ ka ịrẹyị nị.

Odeyi 16:19

Ịjị ọga ozi ọnẹẹ ọnọọ re ka oze ẹkẹhị ẹnịnị o si gu, dị ẹ wụsẹ va za Ịpọọrụ ọnịrị Isira, di e tura wa nọ ini orere ịdị ọdọvịdị ẹnịnị nị.