Odeyi 16:14 - IWE ỌNỊNỊ

¹⁴ Â nyị ọnẹẹ ọnya aanị ana wụ́ ịrẹyị ayị. Ịrẹha anị ọ rị Iridiya nị; anẹkụra Itiyatira ọ vị nị. Dị ọọ̄ sẹ ohu ịta ovivi ana katarihi nị. Ọ rẹẹ̄ hẹkẹ Ohomorihi. Ohomorihi ộ mẹ̀ ka ọ̀ dọ ịrẹyị ọnị Ịpọọrụ aa kà, dị ọ rẹ dọ ọ wụ́ nị.

Odeyi 16:14 Referans Kwoze

Iruuku 24:45

Dị Ijeesu mẹ ayị ẹnịnị ka ẹnịnị ẹ̀ zụ yẹ Iwe Ohomorihi nị.

Ayịsaya 50:5

Ộ mẹ̀ ka ọnị yẹ, dị asị ọnị mẹ akamawụ, dị asị ọnị va ịrẹma ka ọnị.

Ẹtore 3:20

Re, mị jẹẹ enoze, maa sị ụvọọ ká na. Di mee pee rị ịsa, dị oni ree pe mii rị ịsa.

Aniroomi 9:16

Agụvị avọọ ẹ yị vị ịrẹyị ịsị ọza sì, à vị ka ịsị ọza mẹ ọ vị, ịrẹyị ayamva Ohomorihi kẹnẹ ọ vị nị.

Anihwiripi 2:13

agụvị ka Ohomorihi aa mẹ̀ ụkọrọ ịnị ayị awụ nịnị nị, ọnị ọ vị ka aa mẹ ka wee sì ka wa mẹ̀ ịsa ene zée eyi nịnị, dị ụ wa rẹẹ mẹẹ nịnị.

Odeyi 11:21

Ohomorihi ộ sị ụkata yị wa ẹtẹẹtẹrẹ, dị Anigiriki ọrụrụ-ọrụrụ dọ wụ́, dị ẹ và ká Ananyị yị vẹ nị.

Ẹtore 3:7

Ọza oni mi re rẹ ka: Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Ihwiradehwiya ka: Ọza ana vị ọnịnị ọnịrị ọnịzẹyịza, ana rẹ nyị ụkọkọrọ Idevidi; ọnị ọọ̄ na oze, dị ẹ yị nyị ọza ene zụ gu ọọ nị; oni o reē gu oze, dị ẹ yị nyị ọza ana zụ naa nị; ọnị ọnọọ ọ tụ́ ụtụ ọnọnị nị:

Odeyi 18:7

Dị ọ hụụ ịzọọ, dị ọ na yà ini eehi ọza ịnya aanị ana aā hị́ Ịtayịtọsị Ịjọsịtọsị nị. Ọọ̄ hẹkẹ Ohomorihi. Irehi anị vị ana gụrị irehi Ohomorihi ọnọọ.

Ẹtore 1:11

Dị ọ ka, “Chẹrẹ ịsị u wèe re tụ́ ini iwe, dị ụ wa sị tụ́ nọ ịnị ịragụ Ohomorihi ịhịmba ene hi ịnị ẹtẹ Esiya: Ẹhwẹsọsị, Ịsịmụna, Ipagamụmị, Itiyatira, Isaadisi, Ihwiradehwiya ọnịrị Irayodesiya.”

Odeyi 10:2

Ộ nyị ahẹkẹ ẹtẹẹtẹrẹ, ọnịrị aneehi anị ệ nyị angwahi Ohomorihi. Ọ rẹẹ̄ mẹ aza ẹyịza, dị ọ rẹẹ̄ mẹ̀ aduwaa hi Ohomorihi ụmẹ tụra ụmẹ nị.

Odeyi 8:27

Dị Ihwiripi kwẹẹtẹ, dị aa na nị. Â nyị ọnọrụ Anetiyopiya ọnya aanị, osuretu ọ vị nị. Ọnị ọ vị ọga ana sị eyi pe ẹkẹhị Ohinọyị ọnẹẹ Anetiyopiya nị. Aā hị́ ọnẹẹ ohinọyị ọnọọ Ikandase. Ọnọrụ ọnọọ vị ana nọ Ijerusarẹmị na hẹkẹ Ohomorihi,

Ịjọọnụ 12:20

 nyị Anigiriki ẹnyị ịnị aza ana vẹ ka ẹnị ẹ̀ va mẹ ahẹkẹ ini eche ọnọọ.

Ahẹ Isoromọnị 5:4

Ọza ọnị mị maanị sì ịrẹyị anị mẹ̀ jị ụvọ ngụ ịnị uhwohwo oze, dị ayị mị nyayịnẹ ee hine ka ọ sị gụrị ẹmị nị.

Ahẹ Ụgama 110:3

Ịhị ịrẹkụ òo si tù, isoja awụ vaa si ịnẹ ohinee kwẹẹtẹ nọ ịrẹkụ. Ẹnịnị vị ana vaa sị ụbanyịị mẹ awuruu chire. Anka eguhi mèe chiree kú ataba ẹnẹnẹ avọọ, avọọ ezwọọmụha awụ mẹ̀ vaa vẹ vee tù wu nị.

Odeyi 13:43

Ịjị aza ẹnẹẹ sị gara hi, Aniju ọrụrụ-ọrụrụ ọnịrị Anigiriki, ama dị ẹ sị ahẹkẹ Aniju dọ, ệ saasa Ịpọọrụ ọnịrị Ịbanabasị. Dị Ịpọọrụ ọnịrị Ịbanabasị aa kà ịrẹyịị yị wa ka ẹ̀ dọ ayamva oni Ohomorihi aa sịị yị wa, dị ẹ̀ sị ụvọ za a.

Odeyi 13:50

Dị Aniju nịnị tụ́ ohirẹsụ ẹkụra ọnọọ ịrẹyị nị, ne beri anyẹnẹẹ ẹnẹ ẹ̀ yị vị Aniju, ana aa hẹkẹ Ohomorihi dị ẹ nyị udi ẹtẹẹtẹrẹ tụ́ ịnị ẹkụra. Di e nyima dị ẹyaa sị ụyaa rị Ịpọọrụ ọnịrị Ịbanabasị nị. Dị ẹ dụ wa hụụnị ẹkụra ẹnịnị nị.

Odeyi 16:40

Dị Ịpọọrụ ọnịrị Isira hụụnị ẹngwa, dị ẹ nọ ini eehi Iridiya nị. É re ọdọwụ nịnị ịzọọ, dị ẹ tụ́ wa ọtụtụrụma, dị ẹ hụụ ịzọọ nị.