Odeyi 15:9 - IWE ỌNỊNỊ

⁹ O yi sị eyi irenyi re ẹyịrị wa. Ộ mẹ ayị ẹnịnị ọnịnị, agụvị ka ệ sị ayị tụra a.

Odeyi 15:9 Referans Kwoze

Anẹhwẹsọsị 3:6

Ịrẹyị ọnọọ yị: ka Anigiriki, ẹnịrị Aniju vee duduu nyị tụ́ ịnị ịsa oni Ohomorihi sị kà ka ọnị vaa sịị yị aza anị ẹnẹ ẹnịrị Ijeesu Ikirisiti sị vị ọnya. Ini oze enube ọyịza, Aniju ọnịrị Anigiriki kụkụ sị vị ọnya nị.

Odeyi 10:28

Dị ọ kà a yị wa ka, “Ẹwụ nịnị nyẹmba ộ yẹ ka ahẹkẹ Aniju ọ mā zẹẹ ka ẹnịrị Anigiriki ẹ̀ mẹ ẹvabẹ. Aniju ẹ mā rẹ ngụ ini eehi ẹnịnị. Ama Ohomorihi ọ raà sị zụ̀ mị ka asị mị kụkụ hị́ ọzọnyị-ọzọnyị ka ẹ yị nị, à vị ka di mee re wa anka ịsa eenyisi.

Anikorasi 3:11

Agụvị avọọ ẹ yị kụkụ nyị ka ọsọnị ọ vị Anigiriki, dị ẹsẹnị vị Aniju nị. Ẹ yị rẹ nyị ịrẹyị ka aza ẹnyị ẹ́ẹ jị ụvẹvẹnẹ, ọsa ẹ yị jị. Ẹ yị nyị ka aza ẹnyị ẹ yị nyị eyohweyi; ẹ yị nyị ịrẹyị ọrịhị, àa vị ozi. Ịsị ẹ vị ịrẹyị obooro ọ vị Ikirisiti nị. Ọnị ọ vị avaba ịsa nị.

Anigaratiya 5:6

Ọza ọnịrị Ijeesu ọ̀ọ vị ọnya, ọ̀ọ jị ụvẹvẹnẹ oo, ọ̀yị jị ụvẹvẹnẹ oo, ẹ yị nyị ọ mẹ̀ kà; avaba ẹnịnị vị ọnya. Ama ịsị ẹ vị ịrẹyị ẹtẹẹtẹrẹ ọ vị ka ya sị ayị tụra Ijeesu, di ye re sì ịrẹyị ẹngụ, ana sị zụ̀ ka yáa sị ayị tụraa.

Anigaratiya 3:28

Agụvị avọọ, ẹ yị kụkụ nyị irenyi yị Aniju ọnịrị ọdọwụ ẹnẹ ẹ̀yị vị Aniju; àa vị ọrịhị, àa vị ozi; àa vị ọnọrụ, àa vị ọnẹẹ; agụvị ka ẹyịrị Ijeesu Ikirisiti kụkụ vị ọnya.

1 Anịkọrịntị 1:2

anịragụ Ohomorihi ana yà ẹkụra Ịkọrịntị, ẹwụ nịnị oni Ohomorihi hị́ ka ẹ̀ vị aza ọnịnị anị, ini oze ka ẹnịrị Ijeesu Ikirisiti ọ sị vị ọnya, ne beri avaba aza avaba aha ana aa hị́ ịrẹha Ijeesu Ananyị yị, ọza ana nyị ẹyịrị wa.

Aniroomi 3:22

Aza ana sị ayị tụra Ijeesu, Óhomorihiī vara ọnịrẹyịzẹyịza nị. Avaba aza ana sị ayị tụra Ijeesu Ikirisiti kẹnẹ, Óhomorihiī vavọọ mẹ nị. Oze ọnya ọ vị yị avaba aza nị,

Odeyi 11:12

Dị Ụhwẹ Ọnịnị ka ma wụsẹẹ dị waa na, asị mị mẹ ayị ẹẹva nị. Anda ayị ịhịnọnyị ẹnẹnị ệ saasa mị nọ ini eehi ọnọrụ ọnọọ.

1Ipita 1:22

Wa sị ẹngụ awụ nịnị vara aza ọnịnị, agụvị ka waa saasa ịzẹyịza Ohomorihi nịnị; agụvị avọọ di u kuku ee sì ịrẹyị ọdọwụ anda ayị nịnị ẹtẹẹtẹrẹ nị. Agụvị avọọ, wa yịị sị avaba ayị awụ nịnịị sì ịrẹyị ẹngụ nịnị ẹtẹẹtẹrẹ.

Odeyi 10:34

Dị Ipita nyima, dị ọ ka, “Ịzẹyịza, mê re ka Ohomorihi ọ mā nyị ọza remeyi.

1 Anịkọrịntị 7:18

Ọza ana àa sị ụvẹvẹnẹ jị dị Ohomorihi vaa hị́ ọọ nị, asị ọ kà a ka ọnị aa sị ụvẹvẹnẹ ọnọọ kwooze! Ọza ẹnẹ ẹ̀ yị jị ụvẹvẹnẹ dị Ohomorihi va hị́ ọọ, asị ọ na kà a ka ọnị aa jị ụvẹvẹnẹ!

Aniroomi 9:24

Mị ka ẹyị ọnọọ hị́, ayị vị hụụnị Aniju nịnị kẹnẹ, ama hụụnị Anigiriki nịnị bẹẹ.

Aniroomi 3:9

Ẹyị Aniju yọ, yáá dahi hu aza ẹnẹ ẹ̀yị vị Aniju? Vụrụ-vụrụ, yẹ yị dahi hu wa ikonya! Máa vịdị raà sị zụ̀ ka ẹyịrị wa vị ọnị ụvọ ịvị kara tịtẹ.

Odeyi 14:27

Ẹ mẹ̀ sị ngụ Antịyọkị, dị ẹ kụ́ anịragụ Ohomorihi gụ, dị ẹ kà a yị wa avaba ịsị Ohomorihi beri wa nị.

Odeyi 14:1

Ị́pọọrụ ọnịrị Ịbanabasị mè re tù Ayịkọnịyọmị, ệ rẹ nọ ini irehi Ohomorihi Aniju nịnị, dị ẹ rẹ kà ịrẹyị Ohomorihi ịnị oze ana ahịka ọrụrụ-ọrụrụ Aniju ọnịrị Anigiriki nịnị ệ dọ wụ́.

Odeyi 10:15

Dị ọngwẹ ọnọọ rẹ kà a yọ ka, “Ịsị Ohomorihi ọ̀ọ sị vara ọnịnị, asị ụ kụkụ hị́ ọọ ịsa ene du ẹngụ.”

Ahẹ Ụgama 51:10

Ohomorihi, navọ kwogwo wa mẹ ayị amị di ò kukuu ro ịrẹyị ene zoza.

Ezikẹẹrị 47:22

Ogu awụ nịnị ẹtẹ ọnọnị kụkụ vaa vị̀ pooro nị. Ụ vaa gàa tu anẹkụra ọsa ana rá vahụra wụ nịnị, dị ẹ kụ ezi ma hi ịdị awụ nịnị. Vị́ ẹnị rẹ kụkụ vaa sị mẹẹ anka ezi-ẹtẹ Isirẹrị avọọ. Ẹnịrị ịrẹsụ-ịrẹsụ ene hi Isirẹrị e vee du duu gà ẹtẹ ọnọnị àa gà a nị.