Odeyi 15:7 - IWE ỌNỊNỊ

⁷ Ịjị ẹ da ahankata nyị, di Ipita kwẹẹtẹ, dị ọ ka, “Anda ayị nịnị, wâ yẹ nịnị ka ịnị ụmẹ ọnya o si kù aanị, Ohomorihi ộ nyị mị hụụnị akakana awụ nịnị ka ma na kà enube ọyịza yị Anigiriki nịnị, agụvị dị ẹ̀ zụ dọ wụ́.

Odeyi 15:7 Referans Kwoze

Odeyi 15:2

Agụvị avọọ, Ịpọọrụ ọnịrị Ịbanabasị ê pe wa nyị ahankata ẹtẹẹtẹrẹ. Dị ọdọwụ nịnị ka Ịpọọrụ ọnịrị Ịbanabasị ẹ̀ hịrẹ nọ Ijerusarẹmị ne tù odeyi ọnịrị azọkụ ịragụ Ohomorihi agụvị ịrẹyị ọnọnị nị.

Odeyi 20:24

Mẹ yị za ụhwẹ amị tụ́ ịnị ịsọnyị-ịsọnyị, agụvị dị ma zụ zị ụtụ amị ta, dị ma mẹ̀ ụkọrọ oni Ijeesu Ananyị yị sị mị ka ma mẹ. Ụkọrọ ọnọọ ọ vị ka maa kà enube ọyịza ka Ohomorihiī mẹ ọyịzaa yị ọza.

Odeyi 10:20

Kwẹẹtẹ, chí na, dị ụ wa saasa wa! Asị ụ mẹ ayị ẹẹva, agụvị ka ẹma tụ́ wa vẹ nị!”

Anihwiripi 2:14

Ịsa tụra ịsa ọnị ụ wàa mẹ, asị ụ rị ihuhu, asị ụ rẹ nyị ahankata tụ́ ọ nịnị.

Odeyi 15:39

Ahankata ẹnịnị ọnọọ ộ banyị pooro ne tù ka ẹnịnị sị há hi. Dị Ịbanabasị sị Ịmaakị, dị ẹ ngụ ẹpa, dị ẹ nọ Ịsayịpịrụsị nị.

Odeyi 13:2

Ẹ màa mẹ ụkọrọọ yị Ananyị yị, dị ẹyaa za awẹ, dị Ụhwẹ Ọnịnị kà a yị wa ka, “Sị Ịbanabasị ọnịrị Ịsọọrụ tịtẹ mị nịnị, dị ẹ̀ na mẹ̀ ụkọrọ ọnị mị hị́ wa tụ́ ịnị anị!”

Odeyi 9:15

Dị Ananyị yị kà a yọ ka, “Na! Agụvị ka ma sị ọọ nyị ka ọọ mẹ ụkọrọọ mị, dị ọ̀ na kà ịrẹyị amị yị Anigiriki ọnịrị ohinọyị nịnị ne beri Anisirẹrị nịnị.

Odeyi 4:25

Wâ mẹ ka Idevidi ada ayị ana vị ozi ahụ awụ ọ̀ sị ụkata Ụhwẹ Ọnịnị kà a ka: “Sị ẹ vẹ dị ayị anarịmadọwụ nịnị aa dà ọva, sị ẹ vẹ dị anẹhẹ aa gẹ eyi kẹnẹ-kẹnẹ?

Odeyi 3:18

Ịsị Ohomorihi vịdị kà tịtẹ ini oze ọnịsẹ nịnị ka â nyị ka Ikirisiti ọ̀ rị ụya, ọ vavọọ sị sẹ nị.

Odeyi 1:24

Dị odeyi nịnị mẹ̀ aduwa dị ẹ ka, “Ananyị yị, wâ yẹ ayị avaba aza. Agụvị avọọ sị zụ̀ yị ọza ọnị ụ wàa nyị ịnị ẹnị ẹyịva ẹnẹnị

Odeyi 1:16

“Ẹwụ nịnị ẹyịnyara amị, Ụhwẹ Ọnịnị ộ vịdị mẹ ka Idevidi ọ̀ chẹrẹ ịsa ini oze Ijudasi tụ́ ini Iwe Ohomorihi. Ijudasi ọnọọ ọ sị oze zụ̀ aza ana va za Ijeesu nị. Ẹ yị zụ nyị ka ịrẹyị ọnọọ ẹyị sẹ.

Ịjọọnụ 15:16

Ẹ yị vị ka ẹwụ nịnị ọ nyị mị nị, ama ẹma vị ana nyị wụ nịnị nị. Mâ nyị wụ nịnị ka wa zụ naa nyị ẹtụtụ nịnị ẹtẹẹtẹrẹ ana vaa yà pooro zịna-zịna, agụvị ịsa tụra ịsa ọnị ụ wàa họ̀ Ada amị use nịnị ịnị ịrẹha amị, dị ọ̀ sị yị wụ nịnị.

Ịjọọnụ 3:27

Dị Ịjọọnụ tụ́ wa ohi, dị ọ ka, “Ẹ yị nyị ịsị ọza nyẹngụ nyị, ẹ̀ yị vị Ohomorihi ọ̀ọ sị yọ.

Ijeremaya 1:9

Ọ kà, dị Ẹnẹyịmavara sị ụvọ kanyị ọnị irenu, dị ọ kà a yị ọnị ka, re, ịrẹyị anị ọnị ọnị vaa kà ọnị sị tụ ọnị irenu aanị nị.

Ọyịkụra 4:12

Dị ọ ka ọ̀ọ na, ka ọnị vaa mẹ ka ọ zụ ka ịrẹyị. Ọ rẹ ka ọnị rẹ vaa sị zụ̀ ọ ịsị a vọrọ ka ọ̀ kà.”

Odeyi 10:19

Ipita ee yii sì ka ọnị ọ̀ yẹ iruvo ẹtẹ oni oni re aanị, dị Ụhwẹ Ọnịnị kà a yọ ka, “Re, â nyị aza ẹnị ẹẹta ene ee sì wu.

Odeyi 15:14

Ịsayịmọnị ọ sị ọọ kà a yị, Óhomorihi ọnị ụvọta meme nyima aa sị ayịị tụ́ ịnị ịrẹyị Anigiriki bẹẹ. Agụvị avọọ dị ọ nyị aza hụụnị Anigiriki ka ẹ̀ vị aza anị nị.

Odeyi 21:16

 nyị ezirẹma ẹnyị ana hụrẹ Isesariya vẹ, dị ẹnị anị nị. Ọza ọnọọ ọ rị Iminasoni nị. Ịsayịpịrụsị ọ hụrẹ vẹ nị. O si kù ọnọọ hụrẹ sị ayị tụra Ijeesu.