Odeyi 15:37 - IWE ỌNỊNỊ

³⁷ Ịbanabasị ee sì ka ẹnịrị Ịjọọnụ ọnị ịrẹha ẹtẹ anị rị Ịmaakị ẹ̀ zị.

Odeyi 15:37 Referans Kwoze

Odeyi 12:12

Ịjị Ipita maanị sị yẹ, dị ọ nọ ini eehi Imeri ana vị ọnyị Ịjọọnụ ọnị ịrẹha ẹtẹ anị rị Ịmaakị nị. Aza ọrụrụ-ọrụrụ vị ana kụ́ gụ ịzọọ, dị ẹyaa mẹ̀ aduwa.

Ihwirimọnị 1:24

Aza ẹnẹ ẹmịrịị dudu aa mẹ̀ ụkọrọ ana vọ: Ịmaakị, Arisitakọsị beri Ịdẹmasị ọnịrị Iruuku ka ẹnị rẹ kụ́ wụ.

2 Itimoti 4:11

Iruuku kẹnẹ ọ kụkụ jẹẹ pe mi nị. Hị́ Ịmaakị dị ẹwụrị ọ ọ̀ zị vẹ! agụvị ka ọ zụ mẹ ọgụvọ mị ịnị ụkọrọ amị.

Anikorasi 4:10

Arisitakọsị ẹnẹ ẹmịrịị yà ịnị ẹngwa ịzẹnị ka ọnị kụ́ wụ nịnị. Ịmaakị, ozi ọyịnyara Ịbanabasị, ka ọnị rẹ kụ́ wụ nịnị. Màa vịdị sị ọ kà a wụ nịnị ini oze anị ka ọ̀ọ vẹ ịda awụ nịnị, we sì ọọ ọzọga nịnị.

Odeyi 13:5

E mè tù ẹkụra ana aā hị́ Isaramisi, dị ẹ nọ ini irehi Ohomorihi Aniju nịnị, dị ẹ na kà enube ọyịza yị wa nị. Ệ sị Ịjọọnụ za ka ọ̀ọ mẹ ọgụvọọ yị ẹnị ịnị ụkọrọ ọnọọ.

Odeyi 12:25

Ị́banabasị ọnịrị Ịsọọrụ mẹ̀ sị ụtụ ẹnịnị zị ta, dị ẹ hụrẹ Ijerusarẹmị aa vẹ, ệ sị Ịjọọnụ ọnị ịrẹha ẹtẹ anị rị Ịmaakị za.

Odeyi 13:13

Ịpọọrụ nịnị ệ hụrẹ Ịpahwọsị, dị ẹ ngụ ẹpa nọ Ipeega ịnị ẹkụra Ipamihwiriya nị. Dị Ịjọọnụ Ịmaakị hụrẹ wa ụvọ ịzọọ, dị ọ sị varẹma nọ Ijerusarẹmị nị.

Odeyi 15:39

Ahankata ẹnịnị ọnọọ ộ banyị pooro ne tù ka ẹnịnị sị há hi. Dị Ịbanabasị sị Ịmaakị, dị ẹ ngụ ẹpa, dị ẹ nọ Ịsayịpịrụsị nị.

1Ipita 5:13

Anịragụ Ohomorihi ana yà Ịbabịrọnị oni Ohomorihi dudu nyị ẹwụrịị nịnị ka ẹnị kụ́ wụ nịnị. Ịmaakị ozi emi ka ọnị rẹ kụ́ wụ nịnị.