Odeyi 15:10 - IWE ỌNỊNỊ

¹⁰ Agụvị avọọ, sị ẹ vẹ di u wee sì ka wa zama Ohomorihi re nịnị, di u wee sì ka we kune ẹnya tụra ezirẹma nịnị, ẹnya oni ohiku ayị nịnị beri ẹyị ẹ̀ yị zụ za?

Odeyi 15:10 Referans Kwoze

Anigaratiya 5:1

Ikirisiti ọ sị yị dọ hụụnị ọrịhị, agụvị avọọ, áa vọrọ ka wa jẹẹ geri-geri nịnị anka ọza ana nyị ẹngụ anị. Asị ụ kụkụ zẹẹ ka ọza ọ va vara wụ nịnị ọrịhị.

Imatiwu 23:4

Ẹnịnị vị eneē kune ẹnya ọrata, di e chema a tụra ọza ịza; ama ẹnị e yi vee sì ka ẹnị ẹ̀ hyakụ sị igege kanyị ọ, dị ẹnị è zịna a.

Anigaratiya 4:9

Ama ụ mẹ̀ va sị Ohomorihi yẹ nịnị aanị, à vị ka Ohomorihi mẹ̀ sị wụ nịnị yẹ aanị, sị ẹ vẹ dị ụ kụkụ varẹma nọ ịnị ọda ini oze ẹhẹ ọnọnị ẹnẹ ẹ̀ yị nyị ụkata, dị ẹ̀ yị nyị ịsa ẹ nyị? Di u ree sì ka wa vị ọrịhị ẹnịnị bẹẹ?

Anihiburu 9:9

Ịsa ịyẹẹyẹ ẹnẹẹ vị ana jẹẹ yị ịsa ọyaanị ọnọnị. Ọnị ọ vị ka ẹyịza ana aza sị va yị Ohomorihi, ọnịrị uye ẹnẹ ẹyaa wụụ mẹ ịsọvọọ hi ọọ, ẹyị zụ mẹ ka ayị aza ana aa mẹ̀ ịsa ẹnẹẹ, ẹ̀ gụ saka-saka éyi Ohomorihi.

Ayịsaya 7:12

Dị Ahazi ka ẹ yị nyị ịsị ọnị ee họ̀ use anị. Ọ kà oni o yi sì ka ọnị ọ̀ zama Ẹnẹyịmavara re.

Anihiburu 3:9

Ohomorihi ọ̀ kà a ka: Ohiku awụ nịnị ệ zama ọnị re ẹtẹẹtẹrẹ ịnị ụnọmị ịyẹẹyẹ, ẹnịnị ê re ịsị ọnị mẹ mẹ ịrayị ẹbẹẹva.

Imatiwu 4:7

Dị Ijeesu re tụ́ ọọ ohi, dị ọ ka, “A rẹ chẹrẹẹ ka: ‘Wẹ yị nyayịnẹ zama Ananyị yị Ohomorihi awụ re!’ ”

Ọyịkụra 17:2

Di e nyima di eyee pè Imosiisi zyaazị nị. Dị ẹ ka Imosiisi ọ̀ sị enyi yị ẹnị dị ẹnị è hú nị. Dị Imosiisi ka, “Sị ẹ vẹ dị waa zyaazị hi mi nịnị? Wáá yẹ ka Ẹnẹyịmavara ụ waa zama a re nịnị aanị nị?”

Odeyi 5:9

Dị Ipita kà a yọ ka, “Sị ẹ vẹ dị ẹwụrị ọva awụ mẹ ariro ka wa zama Ụhwẹ Ọnịnị re nịnị? Re! Aza ene ne ne oku ọva awụ, aa vaa ngụ ịzẹnị booro aanị, ẹnị raa vaa sị ẹwụ bẹẹ.”