Odeyi 14:21 - IWE ỌNỊNỊ

²¹ Ịpọọrụ nịnị ệ kà enube ọyịza Ídabe, dị ẹ mẹ ka aza ọrụrụ ẹ̀ vara ezirẹma nị. Dị ẹnịnị varẹma nọ Ịrịsịtịra, dị ẹ hụụ ịzọọ nọ Ayịkọnịyọmị ọnịrị Antịyọkị nị.

Odeyi 14:21 Referans Kwoze

Odeyi 14:19

Aniju ẹnyị ệ hụrẹ Antịyọkị (ịnị ẹtẹ Ipisidiya) vẹ, ẹnyị ẹ rẹ hụrẹ ẹkụra Ayịkọnịyọmị vẹ. Dị ẹ tụ́ anẹkụra ẹnẹẹ ịrẹyị, di e ne Ịpọọrụ ịrẹta, di e tura a hụụnị ẹkụra nị. Vị ẹnịnị ro ka ô wusu nị.

Odeyi 14:1

Ị́pọọrụ ọnịrị Ịbanabasị mè re tù Ayịkọnịyọmị, ệ rẹ nọ ini irehi Ohomorihi Aniju nịnị, dị ẹ rẹ kà ịrẹyị Ohomorihi ịnị oze ana ahịka ọrụrụ-ọrụrụ Aniju ọnịrị Anigiriki nịnị ệ dọ wụ́.

Odeyi 13:51

Dị Ịpọọrụ nịnị bànyị edudu ahụ ẹnịnị hi ịzọọ yị wa, dị ẹyaa nọ ẹkụra ana aā hị́ Ayịkọnịyọmị nị.

2 Itimoti 3:11

Wâ yẹ, a mẹmẹ sị ụya rị mị ọnịrị ịsị mi sị eyi re Antịyọkị ọnịrị Ayịkọnịyọmị beri Ịrịsịtịra. Wâ yẹ ụyọrị ọbanyị ọnị mị sị ẹngụ dọ. Ama Ananyị yị ọ́ọ dọ mị tụ́ hụụnị avaba anị.

Odeyi 14:6

Ịjị odeyi nịnị maanị wụ́, di e zwe nọ Ịrịsịtịra ọnịrị Idabe nị. Ẹkụra ẹnẹẹ vị ene hi ịnị ẹtẹ Irakoniya. Dị ẹ rẹ nọ ẹkụra ọsa ana kara wa nị.

Odeyi 13:14

Ịpọọrụ nịnị ệ hụrẹ Ipeega nọ Antịyọkị ịnị ẹkụra Ipisidiya. Ẹ́kụhị ụhwọtụ mè si tù, dị ẹ ngụ ini irehi Ohomorihi Aniju nịnị, dị ẹ na yaayịtẹ nị.

Imatiwu 28:19

Agụvị avọọ, nọ avaba ẹhẹ nịnị, di u we re ka wâ mẹ ka avaba anẹhẹ ẹ̀ vara ezirẹma amị nịnị! Dị ụ waa mẹ ọyịhwenyii yị wa ịnị ịrẹha Ada ọnịrị Ozi ne beri Ụhwẹ Ọnịnị.

Odeyi 16:2

Ọdọwụ nịnị ene hi Ịrịsịtịra ọnịrị Ayịkọnịyọmị vị ana nyayịnẹ aa kà ịrẹyị ọyịza Itimoti.

Odeyi 15:36

Ịjị ọ da kù, ịnị ẹkụhị ọnya, dị Ịpọọrụ kà a yị Ịbanabasị ka, “Vẹ ya varẹma ne hee anda ayị nịnị ịnị avaba ẹkụra ọnị ị yà kà ịrẹyị Ananyị yị, di ye ne re wa, ẹ mẹmẹ yà!”

Odeyi 14:8

 nyị ọnọrụ ọnya aanị ana ra Ịrịsịtịra ana ahụ anị sú. Avọọ o mè sú ahụ hụụnị ịnẹ vẹ nị; ọọ̀ yị nyẹngụ zị ụsẹ da.

Odeyi 2:47

Dị ẹyaa ga Ohomorihi nị; ẹhẹ ẹnịnị ô zé avaba aza eyi. Eyinị-eyinị, dị Ananyị yị aa kụ́ aza ọnị ọ sị dọ há vaa vaka ịragụ ẹnịnị.

Odeyi 14:7

Dị ẹyaa kà enube ọyịza ịzọọ nị.

Odeyi 14:15

“Anda ayị nịnị, sị ẹ vẹ dị ụ maanị aa mẹ nịnị aanị? Ọza anka ẹwụ nịnị mẹ̀ rẹ yà ị vị nọ! Yâ vẹ ịzẹnị ka ya va kà enube ọyịza wụ nịnị, ka wa và hụụnị ịsa kẹnẹ-kẹnẹ ẹnẹnị, dị ụ wa và ká Ohomorihi ana yàra na nịnị! Ohomorihi ọnọọ ọ mẹ ẹbẹẹba ọnịrị ẹhẹ beri òkū ọnịrị avaba ịsa ene hi ịnị ẹnịnị nị.

Odeyi 14:26

Ẹnịnị ệ hụụ ịzọọ, dị ẹ ngụ ẹpa và nọ Antịyọkị nị. Ịzọọ a yà sị wa chire Ohomorihi ụvọ ka Ohomorihi ọ̀ mẹ ọyịza yị wa agụvị ụkọrọ ẹnẹẹ sị mẹ ta aanị nị.