Odeyi 14:14 - IWE ỌNỊNỊ

¹⁴ Ịjị Ịbanabasị ọnịrị Ịpọọrụ wụ́ ịsị aza ẹnẹẹ ee sì ka ẹnị ẹ̀ mẹ, dị ẹ na awuru ẹnịnị, ẹ màa kụ́ ayị, di e zwe na ngụ ịnị akakana aza ẹnẹẹ, di e nowu zẹtẹ ka,

Odeyi 14:14 Referans Kwoze

Imatiwu 26:65

Dị ohirẹsụ ọbanyị irehi Ohomorihi ọnọọ kụ́ ayị, dị ọ za awuru anị, dị ọ nàa chaara nị. Dị ọ ka, “Ho! Ọ sị Ohomorihi kụ̀ ụhụ! Si i kuku ee sì onivenu aa mẹ? Waa wụ́, ọ màa kụ̀ Ohomorihi ụhụ nịnị

Odeyi 14:4

Ọkọnị aza ene hi ịnị ẹkụra ọnọọ ẹ sị gà hi. Aza ẹnyị ệ và ká Aniju nịnị na, dị aza ẹnyị rẹ và ká odeyi nịnị na nị.

Ịmaakị 14:63

Dị ohirẹsụ ọbanyị irehi Ohomorihi ọnọọ kụ́ ayị, dị ọ za awuru anị, dị ọ na a chaara nị. Dị ọ ka, “Si i kuku ee sì onivenu aa mẹ?

Ijeremaya 36:24

Angwa e yi re ve hí ohinọyị ọnịrị ezi ahụ anị ana wụ́ ịrẹyị ọnọnị. Ẹnịnị ẹ́ yị daba mẹ̀ ebira ana sị zụ ka ẹnị ee du ayị vụrụ-vụrụ.

2 Ohinọyị 18:37

Ayị Eriyakimi, Ịsẹbina, ọnịrị Ijowa o si du, dị ẹ na awuru hi ẹngụ ẹnịnị ẹngụ nị. Ê ne tu Ihezekaya, dị ẹ kà a yọ, avaba ịrẹyị ọnị aza ohinọyị Asiriya kà nị.

2 Ohinọyị 5:7

Óhinọyị Anisirẹrị mẹ̀ kà ịrẹta ọnọnị kẹnẹ, dị ayị anị du, dị ọ na awuru anị hi ẹngụ. Ọ kà, vị ọnị wáá vị Ohomorihi ana zụ dọ ọza ụhwẹ, dị ọ́ rẹ zụ mẹ ka ọza ọ̀ yara nị? Sị ẹ vẹ dị aa tụ ọza vee tu ọnị ka ọnị ọ̀ mẹ̀ ẹ ụkụ ọbanyị anị? Ọ kà, è re ka, vị ohinọyị Isiriya ee sì ọnị ịrazị kẹnẹ aanị nị.

Ịrịka 14:6

Ijosuwa ozi Inuni ọnịrị Ịkarẹbị ozi Ijehwụnẹ ya ịnị aza ana a tụ́ ne re ẹtẹ ọnọọ. Ịjị e re ịsa anaa na, ayị ẹnịnị e si du, dị ẹ za awuru ẹnịnị dị ẹ na a nị.

1 Anịkọrịntị 9:1

Ẹ yị nyị ịsị ẹ za mị ka asị mị mẹ̀ ịsa ene zé mi eyi. Ụ wáá ka wẹ yị yẹ nịnị ka ezirẹma Ijeesu mị vị nị? Mâ sị eyi amị ọnọnị re Ijeesu Ananyị yị. Ẹwụ nịnị ụvọta vị ụkọrọ ụvọ amị ọnị maa mẹẹ yị Ananyị yị.