Odeyi 13:8 - IWE ỌNỊNỊ

⁸ Ịrẹha ọnịsẹ ireche ọnọọ ọ rị Erimasi ịnị ẹkụra Anigiriki nị; iruvo ịrẹha anị vị ọnịvọpa. Erimasi ọ yị zẹẹ Ịbanabasị ọnịrị Ịsọọrụ; ee sì ka ọnị ọ̀ vara ọnọba ọnọọ ayị ka asị ọ dọ Ohomorihi wụ́.

Odeyi 13:8 Referans Kwoze

2 Itimoti 3:8

Ịyẹẹyẹ, Ijanesi ọnịrị Ijambire ệ kụ̀ hịrẹ Imosiisi; avọọ gẹdẹ-gẹdẹ aza ẹnẹnị mẹ̀ẹ̄ kụ̀ụ hịrẹ ịzẹyịza nị. Ayị ẹnịnị eyi kuku zoza; Ohomorihi ọ sị wa yi tịtẹ, agụvị ka ẹyị nyị ịzẹyịza.

Odeyi 13:12

Ịjị ọnọba ọnọọ re ịsị ẹ mẹ, ộ dọ Ohomorihi wụ́, agụvị ka ịrẹyị Ohomorihi ọnọọ wụ́ ô hí oo irenu.

Odeyi 9:36

 nyị ọnẹẹ ọnya aanị ana yà Ịjọpa, ozirẹma ọ vị nị. Aā hị́ ọọ Itabita. Iruvo ịrẹha anị ọ vị Ịdọkaasị ịnị ẹkụra Anigiriki, ọnọọ vị ka “akọnọ”. Ọọ̄ mẹ ọyịza ẹtẹẹtẹrẹ, dị aa gụ onosiye nịnị ụvọ.

Odeyi 8:9

Ịnị ẹkụra ọnọọ â nyị ọnọrụ ọnya aanị, ana aā hị́ Ịsayịmọnị. Ọnịvọpa ọ vị nị. Aa mẹ̀ ụkọrọ ịvọpa ene hí Anịsamarịya nịnị irenu. Dị ọnị rẹ ka ọza ọkụmị-ọkụmị ọ́nị vị nị.

Odeyi 6:7

Dị ịrẹyị Ohomorihi aa yịị garaa zị nị. Ezirẹma ene hi Ijerusarẹmị aa rụrụụ hu avọọ ẹtẹẹtẹrẹ; di ohirẹsụ irehi Ohomorihi ọrụrụ-ọrụrụ ẹnị raa dọ ọ wụ́ nị.

Ịjọọnụ 1:41

Andụrụ ộ vịdị ne sì Ịsayịmọnị ọyịnyara anị. Dị ọ kà a yọ ka, “Ya sị Imesaya ọnọọ re, ọ!” Iruvo Imesaya ọ vị Ikirisiti nị.

Ijeremaya 28:1

Ijeremaya ka, ịnị ịrayị ọnọọ ọnyọọnya, ịnị ụhwẹ ọhụhị ịrayị ọhụna ọnị Ịzẹdẹkaya rị ohinọyị, â nyị ọnọrụ ana aā hị́ Ịhananịya ozi Azuri. Anẹkụra ana aā Igibiyọnị ọ́ vị nị. Dị ọ vị ọnịsẹ nị. Ịhananịya ọnọnị ộ kà a yị ọnị eyi ohirẹsụ irehi Ohomorihi nịnị ọnịrị eyi avaba aza ịnị irehi Ohomorihi ka,

1 Ohinọyị 22:24

Di Izedekaya ozi Ikanaani tere pè Imikaya, dị ọ kụ́ arụhwọtọ hi ọ eyi nị. Dị ọ ka, “Ụhwẹ Ẹnẹyịmavara mẹmẹ zụ para mị hu, dị ọ̀ va kà ịrẹyị wụ?”

Ayịsaya 30:11

Ẹka ọnịsẹ nịnị è jesi hụrẹ ẹnị eyi, asị ẹ rẹ kụkụ va kà ịrẹyị Ohomorihi ẹnịnị ana Anisirẹrị aa hẹkẹ ẹ yị ẹnị.

Odeyi 18:12

A mẹ̀ yị sị Igariyo rị ohinọyị ana jẹẹ yị Aniroomi ịnị ẹtẹ Akaya, dị Aniju nịnị wụsẹ kwẹẹtẹ, dị ẹ za Ịpọọrụ, dị ẹ sị ọọ nọ ikootu nị.

Odeyi 19:38

Idemetiriyọsị ọnịrị anụkọrọ anị ẹ̀ẹ ka â nyị ọza ana nyị ịrẹyị ẹnịnị, ẹkụhị ikootu yà ịzọọ, ọnọba nịnị re hi ẹtẹ, ẹ nyẹngụ na hị́ ẹngụ ịrẹka ịzọọ.