52 Ezirẹma ene hi Antịyọkị ệ nyị inohine ẹtẹẹtẹrẹ. Dị Ụhwẹ Ọnịnị dọ avaba ayị ẹnịnị nị.
Ẹwụ nịnị ọ́ rẹ sị ahụ ẹyị hi ẹtẹ, dị ụ raa sị ahụ Ijeesu Ananyị yịị hi ẹtẹ nịnị nị. Wàa daka rị ụya nịnị pooro, wâ dọ enube ọnọọ nịnị, dị Ụhwẹ Ọnịnị sị ịrajẹ wụ nịnị nị.
Ohomorihi anaā mẹ ka ọza ọ̀ nyị ọyịtureyi, ọ̀ sị ịrajẹ yị wụ nịnị ẹtẹẹtẹrẹ ọnịrị ẹngwọọrọ, ụ màa sị ayịị tụraa nịnị. Ọnọọ vaa mẹ ka ụkata Ụhwẹ Ọnịnị ọ̀ mẹ ka wâ nyị oyitureyii hu avọọ nịnị.
Ama Ụhwẹ Ọnịnị ọọ̄ mẹ̀ ka ọza ọ̀ọ vịra ịnị ịsa ẹnẹnị nị: ịrẹyị ọza oyisì ọnịrị inohine beri ẹngwọọrọ ọnịrị isuuru beri ebira hẹẹ ọyịmẹ̀ ọnịrị ebira ozoza ne beri ịzẹyịza ọyịmẹ̀ ọnịrị
Ịjị ẹ sị aduwa mẹ̀ ta, dị ịzị ẹ kụ́ gụ henyi nị. Dị Ụhwẹ Ọnịnị dọ ayị avaba ẹnịnị, dị ẹyaa sị ọtụtụrụma kà ịrẹyị Ohomorihi nị.
Ẹzamare irenyi-irenyi vị ana nyayịnẹ tù wa ẹtẹẹtẹrẹ. Ama ayị ẹnịnị o yi hine pooro, ana ahịka ẹnịnị ẹ yị sị ụvọ kú oku vụrụ-vụrụ, ẹ mẹ̀ daka yị vị onosiye.
Ẹ yị vavọọ kẹnẹ, ị raa jẹ ịrajẹẹ tụ́ ịnị ụya ọnị yaa rị aanị bẹẹ, agụvị ka yâ yẹ ka ụyọrị vị anaā mẹ ka ọza ọ̀ zụ sị ẹngụ dọ ịrẹyị.
Dị Ụhwẹ Ọnịnị dọ ayị avaba ẹnịnị ene hi ịzọọ, dị ẹ kụkụ aa sị ẹkụra ọsaa kà ịrẹyị, anka Ụ́hwẹ Ọnịnị mẹ̀ sị ụkata yị wa nị.
Waa jẹ, dị ịnẹ awụ nịnị òo hine ẹtẹẹtẹrẹ, agụvị ka Ohomorihi ọ raà sị ọgụ ọbanyị tẹ wụ nịnị tụ́ ẹbẹẹba. Avọọ gẹdẹ-gẹdẹ a mẹ̀ rẹ sị ụya rị ọnịsẹ nịnị ana vịdị vẹ tụ́ wụ nịnị nị.”
Ama waa jẹ nịnị, agụvị ka waa rị ụya nịnị, anka Ikirisiti mẹ̀ rẹ rị ụya, agụvị ịhị ụbanyị Ikirisiti ọ̀ọ sị ẹngụ zụ, ayị awụ nịnị ò zụ hine hu avọọ.
Ẹwụ nịnị ẹyịnyara amị, waa jẹ nịnị ụmẹ ana àa sị zama wụ nịnị re ini oze irenyi-irenyi.
Ohomorihi àaa mẹ ịjọvaa tụra ọza, ayị vị ịrẹyị ịsọyịrị ọnịrị oyihú kẹnẹ, ẹẹ̄ sị ayịị tụ́ ịnị anị. Ama ẹnịnị vị eneē sì ka ẹnị ẹ̀ẹ mẹ̀ ịsa ana vọrọ, dị ẹ̀ nyị ẹngwọọrọ beri ịrajẹ ọyịjẹ. Ụhwẹ Ọnịnị ọọ̄ sị ịsa ẹnẹnịị yị aza nị.
Dị odeyi nịnị hụụ ịdị anikootu ẹnẹẹ, dị ẹyaa jẹ ka ẹnị ẹ yị yẹ ka ẹnị rẹ vị ọza ana aa rị ụya, dị a mẹ̀ ụhị nyị ẹnị agụvị ịrẹha Ijeesu.
Eyinị-eyinị ẹ sịị̄ kụ́ gụ ini irehi Ohomorihi ịnị ayị ọnya nị. Di e dudu aa rị ịsaa vaabẹ ini eehi ẹnịnị, dị ẹyaa sị ịrajẹẹ gà ịsọyịrị ẹnịnị nị. Ệ sị ọọ rọ ẹngụ ẹnịnị ẹngụ.
Dị ezirẹma nịnị ka ọzịnya-ọzịnya ẹnịnị ẹ̀ sị vụrị, dị ẹ̀ sị ịsị èe re na mẹ ọgụvọ yị anda ẹnịnị ene hi Ijudiya.