Odeyi 13:48 - IWE ỌNỊNỊ

⁴⁸ Ịjị Anigiriki ẹnị maanị wụ́, dị ẹyaa jẹ, dị ẹyaa sị ụgaa yị ịrẹyị Ananyị yị nị. Aza ọnị ọ sị nyị ka ẹ̀ yàra pooro zịna-zịna, ệ sị ayị tụra a.

Odeyi 13:48 Referans Kwoze

Anẹhwẹsọsị 1:4

Hụrị ụmọrụmọ dị a va yẹ ka aa mẹ ẹhẹ, Ohomorihi hụrẹ nyị yị agụvị Ikirisiti ka ya mẹ̀ ebira ọnịnị, dị asị ị nyị ohuvọ ini eyi anị, di yee sì ịrẹyị aza nị.

Aniroomi 11:7

Sẹ va saasaa? Anisirẹrị nịnị e rè vee re ịsị eyee sì. Aza chee oni Ohomorihi nyị kẹnẹ e ree nị. Ẹnịnị ana vọ, Ohomorihi ọ raà mẹ ayị ẹnịnị katẹngụ.

Ịjọọnụ 10:16

Ma rẹ nyị atẹmẹ ọsa, ana ahịka e yi hi ini irehi atẹmẹ ọnọnị. Â nyị ka ma kụ́ wa vẹ, ẹnị rẹ vaa wụ́ ọngwẹ amị. Ọnya avaba ẹnịnị kụkụ vaa vị nị, ọza ịnya ọ vaa tẹsị ẹnịnị nị.

Ịjọọnụ 11:52

Ẹ yị rẹ vị ịrẹyị ẹnịnya kẹnẹ, ama ka ọ rẹ vaa kụ́ avaba aza Ohomorihi ana gara hi avaba aha gụ tụ́ aha ọnya.

Anẹhwẹsọsị 1:19

Ohomorihi ọ̀ navọ wa rẹ yẹ nịnị ụkata ọnị ọ sịị mẹ̀ ụkọrọ ịnị ẹngụ ẹyị ana sị ayị tụra a, ana hi ka ọza ọ yị zụ kà.

Odeyi 2:41

Aza ana sị ịrajẹ dọ ịrẹyị anị, â mẹ̀ ọyịhwọzenyi yị wa. Ịhị ọnọọ ẹhụụ aza ẹnị akahị-akahị oze ẹẹta (3,000) ọ vaka ọdọwụ nịnị nị.

Odeyi 22:10

Di mi họ̀ use ka: ‘Sị a vọrọ ka ma mẹ, Ananyị yị?’ Dị Ananyị yị ka ma kwẹẹtẹ, dị ma nọ Ịdamasịkọsị ka a vaa kà a yị mị ịzọọ avaba ịsa oni Ohomorihi mẹ eto anịị mị ka ma mẹ.

Iruuku 7:8

Ẹ ma rẹ nyị ọza ana nyị ọda amị, dị ẹmị rẹ nyị isoja nịnị hi akẹtẹ ọnị mị nyị ọda anị nị. Màa mẹ ọda yị ọnya ka ọ̀ na, vi aa na nị. Màa rẹ mẹ ọda yị ọsa ka ọ̀ vẹ, vị ọ raa vẹ nị. Màa ka ẹ yị ozi ahụ amị ka ọ̀ maanị mẹ, avọọ ọ màa mẹ nị.”

Aniroomi 13:1

Ọzọza ọ̀ ká ịrẹsụ hi yị aza ana aa mẹ ịjọva, agụvị ka Ohomorihi ọ sị wa tụ́ ịzọọ nị. Avaba aza ana sị ụvọ za ọda booro aanị, Ohomorihi ọ sị ọda ọnọọ yị wa nị.

Odeyi 28:23

Dị ẹ jị ẹkụhị yị Ịpọọrụ nị, dị ọrụrụ-ọrụrụ ẹnịnị vẹ ịzị Ịpọọrụ yà nị. Ịpọọrụ ô nyima hụrẹ ẹnẹnẹ na ngụ oruva, dị aa kà enube ọyịzaa yị wa ka Ohomorihi aa mẹ ịjọva nị. Dị aa sịị zụ̀ wa hụụnị ọda Imosiisi ọnịrị iwe ọnịsẹ nịnị ka Ijeesu ọ vị Ọdọzaha nị.

Odeyi 2:47

Dị ẹyaa ga Ohomorihi nị; ẹhẹ ẹnịnị ô zé avaba aza eyi. Eyinị-eyinị, dị Ananyị yị aa kụ́ aza ọnị ọ sị dọ há vaa vaka ịragụ ẹnịnị.

Odeyi 20:13

Yáa dọ ọvịdị, dị ị na ngụ ẹpa, dị yaa nọ ẹkụra Asọsị nị. Ịzọọ ị yaa naa sị Ịpọọrụụ tụ́ ịnị ẹpa nị. Ọ vịdị kà a yị ka ya vavọọ mẹẹ, agụvị ka ahụ ọ́nị aa sịị nọ ịzọọ nị.

Imatiwu 28:16

Ezirẹma Ijeesu ẹwụrọnya ệ nọ Igariri, dị ẹ nọ ịnị ataba ọnya aanị, anka Íjeesu mẹ̀ vịdị kà a yị wa nị.

Ahẹ Ụgama 138:2

Wa raà sị ụbanyị yị ẹngụ awụ ọnịrị ịrẹyị awụ huna avaba ịsa ana vọ, avọọ mị vaa vá eyii kà irehi awụ, dị maa kụ́ wụ avọ. Mị vavọọ rẹ vaa kụ́ wụ agụvị ka uū sì ịrẹyị ọza dị ụ rẹẹ̄ mẹ ịzẹyịza nị.

2 Anịtẹsaronika 3:1

Ẹwụ nịnị ẹyịnyara amị, dị ma va za ịrẹyị amị ẹtẹ, waa mẹ̀ aduwaa yị nịnị ka ịrẹyị Ohomorihi ọ̀ wụsẹẹ garaa hi ẹtẹ, dị ọ̀ọ nyị ụbanyị, anka ọ mẹ̀ yà ịdị awụ nịnị!

1 Anịkọrịntị 16:15

Ẹwụ nịnị ẹyịnyara amị, wâ yẹ Isitihwanasị ọnịrị aneehi anị nịnị. Wâ yẹ ka ẹnị ẹ̀ vịdị dọ enube ọyịza wụ́ ịnị avaba aza ene hi ẹtẹ Akaya nị. Avaba ẹngụ ẹnịnị ẹ́ yaa sịị mẹ ọgụvọọ yị aza Ohomorihi nị. Aarịhịnị,

Odeyi 15:31

Ịjị aza ẹnẹẹ kà iwe ọnọọ, ayị ẹnẹnị ô hine ẹtẹẹtẹrẹ agụvị ụtụ ayọnẹtẹ ana a tụ́ hi wa.

Odeyi 15:2

Agụvị avọọ, Ịpọọrụ ọnịrị Ịbanabasị ê pe wa nyị ahankata ẹtẹẹtẹrẹ. Dị ọdọwụ nịnị ka Ịpọọrụ ọnịrị Ịbanabasị ẹ̀ hịrẹ nọ Ijerusarẹmị ne tù odeyi ọnịrị azọkụ ịragụ Ohomorihi agụvị ịrẹyị ọnọnị nị.

Odeyi 13:42

Ị́pọọrụ ọnịrị Ịbanabasị màa vaa jịnẹẹ hụụnị irehi Ohomorihi ọnọọ, dị aza ẹnẹẹ dá ịpẹ yị wa ka ẹ̀ rẹ vavẹ ịnị ẹkụhị ụhwọtụ ọsa, dị ẹ̀ rẹ va kà tụ́ ọọ yị ẹnị ini oze ịrẹyị ọnọnị nị.

Odeyi 8:8

Dị Anịsamarịya nịnị aa jẹ ẹtẹẹtẹrẹ nị.

Imatiwu 25:46

Dị aa kụ́ aza ẹnẹẹ ne hi ịnị ụyọrị ẹnẹ ẹ̀ yị mā ta pooro zịna-zịna, ama dị ọnịrẹyịzẹyịza nịnị ẹnị aa nọ ịnị ẹhẹ ẹnẹ ẹ̀ yị mā ta pooro zịna-zịna.”

Odeyi 13:12

Ịjị ọnọba ọnọọ re ịsị ẹ mẹ, ộ dọ Ohomorihi wụ́, agụvị ka ịrẹyị Ohomorihi ọnọọ wụ́ ô hí oo irenu.

Aniroomi 8:28

Yâ yẹ ka avaba ịsa ana àa mẹ, vị oni Ohomorihiī mẹ ka ọ̀ vị ọyịza yị aza ene sì ịrẹyị anị; ọnọọ vị ka aza ọnị ọ sị hị́, anka ọ mẹ̀ mẹ eto anị.

Anẹhwẹsọsị 1:5

Ohomorihi ộ vịdị sị eto anị mẹ ka ini oze Ijeesu Ikirisiti ọnị vaa sị ẹyịị mẹ ezi anị. Ịsa ene zé e eyi, dị ọ yẹ ịnị ayị anị ka óo zoza ka ọnị ọ̀ mẹ ọ vị ọnọọ nị.

Anẹhwẹsọsị 1:11

Avaba ịsa vị ana vaa mẹ anka Ohomorihi mẹ̀ mẹ eto anị tịtẹ. Agụvị Ijeesu, Ohomorihi ọ sị yị nyị ka ya vị aza anị, agụvị ka avọọ o mè sì ọ nị. Ộ vịdị mẹ eto anị tịtẹ ka